រាជធានីភ្នំពេញ ៖ នារីជាកម្មកររោងចក្រម្នាក់ រងរបួសដាច់ជើងម្ខាង ម៉ូតូកង់បីមួយគ្រឿង បាក់ដាច់កង់មុខ បង្គោលភ្លើងបាក់ទ្រេត សំយ៉ាបផ្ទះរងការខូចខាត បន្ទាប់ពីរថយន្តហ៊ីយ៉ាន់ដាយមួយគ្រឿង បើកបោះពួយលឿនជ្រុល រេចង្កូតឆ្លងផ្លូវជ្រុលទៅបុក នារីរងគ្រោះ កំពុងឈរមុខផ្ទះ កាលពីវេលាម៉ោង១១និង២០នាទីព្រឹក ថ្ងៃទី២៦ ខែមិនា ឆ្នាំ២០១៧ ស្ថិតនៅតាមផ្លូវបេតុង ភូមិគល់ សង្កាតកន្ទោក ខណ្ឌពោធិសែនជ័យ ។

នារីរងគ្រោះ ឈ្មោះ ស៊ន ណយ អាយុ២១ឆ្នាំ មុខរបរ ជាកម្មការនីរោងចក្រ កាត់ដេរ ជីម មុិ អាយុជាង២០ឆ្នាំ ស្នាក់នៅ ផ្ទះជួលកន្លែងកើតហេតុ មានស្រ្កកំណើត ភូមិអណ្តូងត្រាច ឃុំកំពង់ព្រះ នៅស្រុកសង្កែ ខេត្តបាត់ដំបង រងរបួសដាច់ជើងខាងស្តាំ ចេញពីខ្លូន ។

រថយន្តបង្កម៉ាក ហុីយ៉ាន់ដាយ ចំណុះ៧តោន ទ្រុង ពណ៌ស ពាក់ស្លាកលេខ ភ្នំពេញ 3C-5550 ជារថយន្តក្រុមហ៊ុន រោងចក្រផលិតក្រដាស និងថង់ប្លាស្ទិច  បើកបរដោយឈ្មោះ ផន សុផល ភេទប្រុស អាយុ៣០ឆ្នាំ មុខរបរបើកបរ ស្នាក់នៅផ្ទះជួល ភូមិព្រៃស្វាយ សង្កាត់ចោមចៅ មានស្រុកកំណើតភូមិត្រពាំងអារ័ក្ស សង្កាត់ឪឡោក ខណ្ឌពោធិសែនជ័យ ។

ដោយឡែក មូ៉តូកង់បីមួយគ្រឿង រងគ្រោះដែរនោះ ម៉ាក ហុងដា សេ១២៥ សេរី២០១៥ ពណ៌ខ្មៅ ពាក់ស្លាកលេខ ភ្នំពេញ 1CY-0276  ម្ចាស់ឈ្មោះ ធូ សុខា ហៅ ម៉ៅ ភេទប្រុស អាយុ២៦ឆ្នាំ មុខរបរ រត់កង់បី ស្នាក់នៅផ្ទះជួលភូមិអង្គ សង្កាត់ចោមចៅ មានស្រុកកំណើតភូមិបឹងត្រាញ់ ឃុំបឹងត្រាញ់ខាងត្បូង ស្រុកសំរោង ខេត្តតាកែវ ។

តាមប្រភពពីប្រជាពលរដ្ឋឃើញហេតុការណ៍បានឲ្យដឹងថា មុនកើតហេតុ គេឃើញ នារីរងគ្រោះកំពុងឈរមុខផ្ទះជួល ហើយមានម៉ូតូកង់បី បញ្ឈរអៀបក្បែរនោះដែរ ស្រាប់តែនៅវេលាម៉ោងខាងលើរថយន្តបង្កបើកបោះពួយ តាមផ្លូវបេតុង ពីត្បូងទៅជើង ដល់ចំណុចកើតហេតុ សង្ស័យគោក ទើបរេចង្កូត ទៅខាងឆ្វេងដៃ បុកម៉ូតូកង់បី រុញទៅបុកនារីរងគ្រោះ  ហើយរុញផ្ទប់នឹងបង្គោលភ្លើង បណ្តាលឲ្យនារីរងគ្រោះដាច់ជើងខាងស្តាំចេញពីខ្លួន រុឺម៉កកង់បី បាក់ដាច់កង់មុខ សំយ៉ាបផ្ទះបាក់ខ្ទេច និងបង្គោលភ្លើងរដ្ឋ បាក់ទ្រេត ។

តាមសម្តីបុរស ជាម្ចាស់កង់បីបានឲ្យដឹងថា រាក់ថ្ងៃខ្លួនតែតែចត ម៉ូតូឈប់រងចាំដឹកម៉ូយត្រង់ចំណុចខាងលើ ហើយសម្រាប់នៅថ្ងៃកើតហេតុ ខណៈដែលចតម៉ូតូកង់បី មុខផ្ទះជួល ក្រោមសំយ៉ាបផ្ទះ កន្លែងកើតហេតុ អត់ទាន់មានម៉ូយដឹក ខ្លួនបានដើរទៅអង្គុយលេង នៅផ្ទះផ្សេងក្បែរនោះ ស្រាប់តែនៅវេលាម៉ោងខាងលើ រថយន្តបង្កបើកបោះពួយល្បឿនលឿន រេចង្កូតមកបុកចូលសំយ៉ាបផ្ទះតែម្តង ហើយមុនដំបូងបុកមូ៉តូកង់បី រុញទៅបុកនារីរងគ្រោះ ផ្ទប់ទៅនឹងបង្គោលភ្លើងរដ្ឋ បណ្តាលឲ្យ នារីខាងលើ ដាច់ជើងម្ខាង តែម្តង ។

ក្រោយកើតហេតុ ជនរងគ្រោះត្រូវបានរថយន្តសង្រ្គោះរបស់គ្លីនិកបែកចានដឹកបញ្ជូនទៅសង្រ្គោះនៅមន្ទីរពេទ្យព្រះកុសុមៈ ។ រីឯរថយន្ត មូ៉តូកង់បី រួមទាំងអ្នកបើកបររថយន្តផង ត្រូវបាននគរបាល ពិនិត្យរួចយកទៅរក្សាទុកនៅការិយាល័យ ចរាចរណ៍ជើងគោក រាជធានីភ្នំពេញ ដើម្បីកសាងសំណុំរឿងចាត់ការទៅតាមផ្លូវច្បាប់

• ហ៊ីយ៉ាន់ដាយ
• រេចង្កូត
• ដាច់ជើង