ខេត្តកោះកុង៖  កម្មករស៊ីឈ្នួលកាប់ចំការម្នាក់បានជាន់គ្រាប់មឺនផ្ទុះដាច់ជើងម្ខាងរងរបួសយ៉ាងធ្ងន់ធ្ងរក្រោយការផ្ទុះរួចត្រូវបានគេដឹកយកមកព្យាបាលនៅមន្ទីរពេទ្យបង្អែកខេត្តកោះកុង 

ដើម្បីសង្គ្រោះបន្ទាន់នៅ រសៀលថ្ងៃទី៨ខែសីហា ឆ្នាំ២០១៦នេះ។

ករណីបុរសជាន់គ្រាប់មីនខាងលើនេះនៅចំណុចភ្នំ ៣០៣ព្រំដែនកម្ពុជាថៃ (ហៅក្រៅ អូចាប់ដៃ)។បុរសដែលជាជនរងគ្រោះមានឈ្មោះ សុខ ពែក ភេទប្រុសអាយុ ៣៧ឆ្មាំមុខរបរជាកម្មករស៊ីឈ្នួលកាប់ចំការ។

ពេលនោះផងដែរសមាជិកចលនាយុវជនកម្ពុជាក្រុម១៥៧សាខាខេត្តកោះកុងលោកគង់ សុភាព. បាននាំនូវអំណោយ សប្បុរសធ៌មនិងថវិកាមួយចំនួនរបស់លោក មឹង ពន្លក បានផ្តល់ជូនជនរងគ្រោះខាងលើ ។

លោក​​ គង់ សុភាព បានឲ្យដឹងបន្ថែមទៀតថាអំណោយដែល សប្បុរសធម៌បានផ្តល់ជូនរួមមានមីចំនួន២កេស និងថវិការ៤០មុឺនរៀល  លោក ណុប ដារាបានជួយឧបត្ថមនូវថវិការចំនួន២០មុឺនរៀលផងដែរ ។

ក្រុមគ្រូពេទ្យបង្អែកខេត្តបានអោយដឹងបន្ថែមថានៅល្ងាចថ្ងៃដដែលបុរសដែលជាន់គ្រាប់មីនខាងលើននេះមន្ទីរពេទ្យយើង មិនអាចមានលទ្ធភាពព្យាបាលបានទេដោយសារជនរងគ្រោះមានសភាពធ្ងន់ធ្ងពេកគ្រាន់តែរៀបចំជួយសម្រួលដើម្បីបញ្ជូនទៅរក្សានិងព្យាបាលនៅមន្ទីរពេទ្យព្រះកេតុមាលានៅឯរាជធានីភ្នំពេញ។

• បុរសម្នាក់
• កាប់ចំការ
• ជាន់មីន
• អាណោចអាធ័ម