ខេត្តកណ្តាល៖ នៅផ្លូវជាតិលេខ6 ចន្លោះគីឡូមែតលេខ30-31  ស្ថិតក្នុងភូមិព្រែកយាយហ៊ិនទី2 ឃុំឫស្សីជ្រោយ  ស្រុកមុខកំពូលខេត្តកណ្តាល នៅថ្ងៃទី៥ ខែមីនា ឆ្នាំ២០១៧ វេលាម៉ោង៧និង១០នាទី មានគ្រោះថ្នាក់ចរាចរណ៍មួយកើតឡើង រវាងរថយន្តនឹងម៉ូតូ បណ្តាលអោយស្លាប់មនុស្សម្នាក់និងខូចខាតម៉ូតូ01គ្រឿង រថយន្តរងការខូចខាតស្រាល។

អ្នកបើកម៉ូតូត្រូវបានគេស្គាល់ឈ្មោះ គង់ ត្រូ ភេទប្រុស អាយុ26ឆ្នាំ មានទីលំនៅភូមិក្ដាមហា ឃុំឈូកខ្សាច់ ស្រុកបារាយណ៍ ខេត្តកំពង់ធំ ជិះម៉ូតូម៉ាកMSX ពណ៌សលាយខ្មៅ ពាក់ស្លាកលេខភ្នំពេញ1CS3307 ធ្វើដំណើរពីកើតទៅលិច ។ លុះមកដល់ចំណុចកើតហេតុបានបត់ទៅទិសខាងត្បូង  ខណៈនោះស្រាប់តែមានរថយន្តមួយគ្រឿង ម៉ាកហ៊ីយ៉ាន់ដាយ ពណ៍ខៀវ ពាក់ផ្លាកលេខភ្នំពេញ2F5482ធ្វើដំណើរពីជើងទៅត្បូងបានមកបុកបណ្ដាលឲ្យស្លាប់អ្នកបើកបរម៉ូតូនៅកន្លែងកើតហេតុ  ចំណែកអ្នកបើកបររថយន្តរត់គេចខ្លួនបាត់ ។

ក្រោយកើតហេតុសមត្ថកិច្ចជំនាញបានចុះមកពិនិត្យនិងវាស់វែង ។ សពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ។ ចំណែកម៉ូតូនិងរថយន្តបានយកមករក្សាទុកនៅអធិការដ្ឋាននគរបាលស្រុកមុខកំពូល ៕

• ហ៊ីយ៉ាន់ដាយ
• ម៉ូតូ
• ស្លាប់ម្នាក់