|
 |
MENU
|
|
|
|
MENU
|
ក្រុមព្រះរាជអាជ្ញាបានធ្វើការចោទប្រាកាន់ព្រហ្មណ្ឌ១៣ករណី លើលោកស្រី អតីតប្រធានាធិបតីកូរ៉េខាងត្បូង Park Geun Hye ក្នុងនោះមាន អំពើពុករលួយ ការកែងប្រវញអំណាចដើម្បីផលប្រយោជន៍ផ្ទាល់ខ្លួន។
ជាមួយគ្នានេះព្រះរាជអាជ្ញា កូរ៉េខាងត្បូង អាចនឹងស្នើរឲ្យចាប់ឃុំខ្លួនលោកស្រីអតីតប្រធានាធិបតី ក្រោយពេលធ្វើការសាកសួរ ពាក់ព័ន្ធនិងពុករលួយ បង្ករឲ្យមានវិបត្តិនយោបាយជាទ្រងទ្រាយធំនៅក្នុងប្រទេស ។ នៅពេលនេះ លោកស្រី Park Geun Hye មិនទាន់ត្រូវបានចាប់ខ្លួននៅឡើយ ដោយអនុញ្ញាត្តិឲ្យត្រឡប់ទៅផ្ទះវិញក្រោយពេល សាកសួងជាច្រើនម៉ោង កាលពីម្សិលមិញ។
នៅពេលនេះគេមិនទាន់ដឹងថា លោកស្រី Park Geun Hye អាច ឆ្លើយបំភ្លឺ ទៅកាន់ក្រុមព្រះរាជអាជ្ញា នៅអ្វីខ្លះនោះឡើយ ប៉ុន្តេតាំងពីដើមរហូតមកទលពេលនេះ លោកស្រីនៅតែប្រកាន់ជំហរ ច្រានចោលរាល់ការចោទប្រកាន់ទៅលើលោកស្រី។
ចំណេកក្រុមព្រះរាជអាជ្ញាវិញ ក៏មិនទាន់ សម្រេចថាតើ គួរតែចេញច្បាប់ចាប់ឃុំខ្លួនលោកស្រី Park Geun Hye ដែរឬទេ ប៉ុន្តែក្រុមព្រះរាជអាជ្ញានឹងសម្រេចក្នុងពេលឆាប់ៗខាងមុខ ក្រោយត្រួតពិនិត្យទៅតាមផ្លូវច្បាប់ បានល្អិតល្អន់ហើយនោះ។
នេះជាលើកទីមួយហើយដែល ក្រុមព្រះរាជអាជ្ញា បានសួរចម្លើយលោកស្រី Park Geun Hyeដោយផ្ទល់ ក្នុងនាំជា អ្នកទោស ព្រហ្មទណ្ឌ ក្រោយពេលតុលាការ រដ្ឋធម្មនុញ្ញ បានសម្រេច ឲ្យមានការសាកសួរចោទប្រកាន់ទោសទៅលើលោកស្រី។ តុលាការបានចោទប្រកាន់ពីបទព្រហ្មទណ្ឌ ដល់ទៅ១៣ករណី ក្នុងនោះមាន អំពើពុករលួយនឹងការកែងអំណាចដើម្បីផលប្រយោជន៍ ជា ចំណុចសំខាន់បំផុត ។
កន្លងមកលោកស្រី Park Geun Hye រងការមន្ទិលសង្ស័យថា បានរួមកំនិត្យជាមួយមិត្តភក្តិ គឺលោកស្រី Choi Soon Sil ដើម្បីដាក់កំនៀបទៅលើក្រុមហ៊ុនធំៗ ឲ្យបរិចាកប្រាក់សម្រាប់មូលនិធីឯកជន ក្រៅរដ្ឋាភិបាល ។ ប៉ុន្តែ ភាគីទាំងពីរក៏បានច្រាន់ចោលការចោទប្រកាន់ទាំងនោះ ។
ការសម្រេចដកដំណែងប្រធានាធិបតី ពីលោកសស្រី Park Geun Hyeគឺជាសេចក្តីសម្រេច ជាប្រវត្តិសាស្ត្រ ! និងជាលើកទីមួយបង្អស់ក្នុងប្រវត្តិកូរ៉េខាងត្បូង សម័យប្រជាធិបតេយ្យ ដែលប្រធានាធិបតីប្រសូតចេញពីការបោះឆ្នោត ត្រូវតុលាការបណ្តេញចេញពីតំណែង ! ដោយសេចក្តីសម្រេចចិត្តជាឯកច្ឆ័ន្ទរបស់ចៅក្រមទាំង៨រូប ថា លោកស្រីប៉ាក់ គុនហេ បានរំលោភច្បាប់ រំលោភរដ្ឋធម្មនុញ្ញ ដោយបានបណ្តោយឱ្យមិត្តជំនិតចូលលូកលាន់ក្នុងកិច្ចការប្រទេសជាតិ និងប្រព្រឹត្តអំពើពុករលួយ។
ពាក់ព័ន្ធនិងការបោះឆ្នោតប្រធានាធិបតី តាម ប្រព័ន្ធឃោសនាព័ត៌មាន ការបោះឆ្នោតប្រធានាធិបតីថ្មីនឹងប្រព្រឹត្តទៅនៅថ្ងៃទី ៩ឧសភាខាងមុខ និងក្នុងបរិបទដ៏តានតឹង ៖ តានតឹងជាមួយកូរ៉េខាងជើង ដែលទើបបាញ់សាកល្បងមីស៊ីលជាថ្មី- តានតឹងជាមួយចិន ក្រោយពីវ៉ាស៊ីនតោននិងសេអ៊ូលបានសម្រេចដាក់ពង្រាយខែលមីស៊ីលប្រឆាំង មីស៊ីល នៅកូរ៉េខាងត្បូង។
អ្នកដែលមានប្រជាប្រិយភាពលេចធ្លោខ្លាំងក្នុងការស្ទង់មតិ គឺលោក មូន ជៃអ៊ីន (៣៦%) បេក្ខជនមកពីបក្សប្រជាធិបតេយ្យ ដែលជាបក្សប្រឆាំង និងដែលធ្លាប់ចាញ់លោកស្រីប៉ាក់ គុនហេ ក្នុងសម័យបោះឆ្នោតឆ្នាំ២០១២។
ឯចំណែកបក្សអភិរក្សរបស់លោកស្រីប៉ាក់ គុនហេ ហាក់ដូចជាខ្វះមេកើយតំណាងខ្លាំងណាស់ នៅពេលដែលលោកបាន គីមូន អគ្គលេខាធិការអង្គការសហប្រជាជាតិ បានប្រកាសមិនឈរឈ្មោះជាបេក្ខជនប្រធានាធិបតីមក។ លោកនាយករដ្ឋមន្ត្រី និងជាប្រធានាធិបតីស្តីទី Hwang Kyo-Ahn បានទទួលប្រជាប្រិយភាពលំដាប់ទីពីរ៕
