រាជធានីភ្នំពេញ៖  កាលពីម្សិលមិញមានការផ្អើលព័ត៌មានថាតារាកំប្លែងលោកតាសង់សុីស បានត្រូវបញ្ជូនចូលទៅមន្ទីរពេទ្យជាបន្ទាន់គ្រាដែលមានជំងឺធ្វើទុក្ខខ្លាំងពិសេសផ្នែកអាការៈលើឈាម។យ៉ាងណាពេលនេះកញ្ញាសុន ស្រីពេជ្របានច្រានចោលព័ត៌មាននេះថាជាការភ័នច្រឡំព្រោះជារូបភាពចាស់ដែលជាបង្ហោះក្នុងបណ្តាញហ្វេសបុកប៉ុណ្ណោះ។

តារាចម្រៀងសុន ស្រីពេជ្របានលើកឡើងថាប៉ារបស់នាងមិនបានឈឺធ្ងន់ដូចព័ត៌មានលើកឡើងនោះទេមានគេសួរនាំច្រើនណាស់ព្រោះថ្ងៃទី១២ ខែមិនា ឆ្នាំ២០១៧ម្សិលមិញទាំងខ្ញុំនិងក្រុមគ្រួសារឪពុកម្តាយមានសភាពរីករាយចិត្តដោយបានរៀបចំពិធីកាត់ចំណងដៃជូនប្អូនប្រុសរបស់នាងហើយលោកប៉ានាងមើលទៅពិតជារីករាយចិត្តដែលឃើញកូនម្នាក់ទៀតមាមមែកមានធាងច្បាស់លាស់។ស្រីពេជ្របន្តថាយ៉ាងណាអាការៈជំងឺរបស់លោកប៉ានាងបានគ្រាន់បើច្រើនជំងឺធ្វើទុក្ខលើសឈាមរហូតទាញមាត់របស់លោកឪពុកនាងប្រែមករកភាពល្អគួរសមគាត់អាចនិយាយបានខ្លះខុសពីមុននិយាយមិនកើតទេ។នាងក៍សូមអរគុណចំពោះបងប្អូនទាំងអស់ដែលបានចាប់អារម្ម៍ណសួរសុខទុក្ខពីអាការៈជំងឺប៉ារបស់នាងគ្រាផ្អើលព័ត៌មាន។នាងនិងបងប្អូននៅតែខិតខំបន្តព្យាបាលលោកប៉ារបស់នាងជាបន្តទៀតឲកាន់តែបានល្អមួយកម្រិតទៀតផងដែរ។

• តារាចម្រៀង
• សុន ស្រីពេជ្រ
• ពេទ្យ