រាជធានីភ្នំពេញ៖ ស្ថានីយទូរទស្សន៍អប្សរានឹងបង្កើតកម្មវិធីដ៍ថ្មីសន្លាងមួយសម្រាប់បើកឱកាសជូនដល់បេក្ខជនបេក្ខនារីវ័យក្មេងដែលមាននិស្ស័យសិល្បៈក្លាហាននិងហ៊ានបញ្ចេញសមត្ថភាពដែលមកដល់ក្នុងអំឡុងដើមខែមេសាខាងមុខនេះផងដែរ។នេះជាដំណឹងល្អមួយសម្រាប់បងប្អូនបេក្ខជនដែលកំពុងសម្លឹងមើលឱកាសសាងភាពលេចធ្លោដែលខ្លួនមានហើយចង់បានការសាកល្បងតាមរយៈកម្មវិធីប្រកួតប្រជែងលើវេទិកាដែលរំលេចឡើងដោយស្ថានីយ៍ទូរទស្សន៍។ដូចនេះអាចមកដាក់ពាក្យចាប់ពីថ្ងៃផ្សាយដំណឹងនេះតទៅក្នុងកម្មវិធី«ចង់ក្លាយជាតារា»ដែលទើបបង្កើតឡើងក្នុងឆ្នាំ២០១៧នេះ។

លោកនូ សុផេនជាអ្នកគ្រប់គ្រងនិងដឹកនាំកម្មវិធីរួមជាមួយក្រុមការងារផលិតទាំងអស់បានឲ្យដឹងថា«ចង់ក្លាយជាតារា»ជាកម្មវិធីដែលបង្កើតឡើងដើម្បីជួយឲ្យក្តីស្រម៉ៃរបស់មិត្តយុវវ័យគ្រប់រូបដែលមានទេពកោសល្យលើវិញ្ញាសាសិល្បៈបានសម្រេចដូចក្តីបំណងដែលកម្មវិធីនេះនឹងចាប់ផ្តើមទទួលពាក្យចាប់ពីថ្ងៃទី១០ មិនាឆ្នាំ២០១៧នែះតទៅ។អ្នកគ្រប់គ្រងកម្មវិធីរូបនេះថ្លែងទៀតថាការប្រឡងនេះមានការប្រកួតប្រជែងលើវិញ្ញាសាថ្មីៗមានលក្ខណៈពិសេសដោយមានបេក្ខជនឡើងប្រកួតជាមួយវិញ្ញាសាច្រៀងរួមគ្នាគ្រប់ចង្វាក់គ្រប់បទ។លើសពីនេះកម្មវិធីក៍បានតម្រូវឲ្យមានវគ្គមួយជាវគ្គពិសេសបន្តទៀតសម្រាប់បេក្ខជនដែលស្រឡាញ់សិល្បៈអាចផ្ញើឃ្លីបវិដេអូនៃការសម្តែងរបស់ខ្លួនមកកាន់Pageចង់ក្លាយជាតារាដើម្បីមានឱកាសបង្ហាញពីសមត្ថភាពទទួលការគាំទ្រពីគណៈកម្មាការនិងទស្សនិកជនឲ្យក្លាយជាតារាអាជីពពិតៗ។កម្មវិធីនេះជាចំណីអារម្មណ៍ថ្មីដែលផលិតឡើងសម្រាប់ឆ្នាំ២០១៧នេះនិងជាការផ្តល់ពន្លឺថ្មីសម្រាបតារារលកក្រោយសូមចូលរួមគាំទ្រផ្តល់កម្លាំងចិត្តដល់តារាថ្មីៗក្នុងន័យជួយលើកស្ទួយសិល្បៈចម្រៀងជាតិយើង។

តាមរយៈការចង្អុលគន្លឹះថ្មីនេះសម្រាប់បេក្ខជនដែលចាប់អារម្មណ៍អាចទៅកាន់ទូរទស្សនស៍អប្សរាផ្ទាល់ដើម្បីទទួលពាក្យកុំឲ្យខកបំណង។

• តារា
• ទូរទស្សន៍
• បេក្ខជន