រដ្ឋាភិបាលទីក្រុងប៉េកាំ​បានសម្រេចបញ្ចូន​ទាហាន​១មុឺននាក់​ទៅកាន់តំបន់ស៊ីនជាំង​ដើម្បីការពារការវាយប្រហារភេរវកម្ម និងក្រុមបះបោរ។

តាមសារព័ត៌មាន​ Liberation ​បានផ្សាយថា​ទាហានចិនជាង​១មុឺននាក់បានយាមល្បាតនៅតាមដងវិថីនានា​ក្នុងទីក្រុង​ Urumqi ​ខេត្តស៊ីងជាំង​ ក្រោយពេលរដ្ឋាភិបាលបើកយុទ្ធនាការវាយប្រហារប្រឆាំងក្រុមភេរវកម្មនៅទីនោះ។

ប៉ូលិសប្រមាណ​១.៥០០នាក់ប្រដាប់ដោយអាវុធ បានដាក់ពង្រាយនៅទីក្រុងធំៗចំនួន​៣ គឺទីក្រុង​ Hotan,  Kashgar និង Aksu ​ដែលតែងតែរងការវាយប្រហារដោយក្រុមភេរវកម្ម និងក្រុមបះបោរជ្រុលនិយម។

តំបន់ស៊ីនជាំង ជាទីកន្លែងមានជនជាតិអ៊ុយហ្គ័រកាន់សាសនាអិស្លាមរស់នៅច្រើនបំផុត​។ ពេលកន្លងមកថ្មីតំបន់នោះតែងតែរងការវាយប្រហារ​ និងប៉ះទង្គិចគ្នារវាងប៉ូលិសនិងក្រុមបោះបោរទាមទាផ្តាច់ខ្លួន ។

មន្ត្រីចិនបានបញ្ចាក់ថាការវាយប្រហារទាំងឡាយនាពេលកន្លងមកបង្ករឡើងដោយក្រុមជនជាតិអ៊ុយហ្គ័រដែលមានការជួយជ្រោមជ្រេងពីក្រុមភេរវកម្មនៅក្រៅប្រទេស៕

• ចិន
• ទាហាន
• ភេរវកម្ម