រាជធានីភ្នំពេញ៖ តារាចម្រៀងបែបមនោសញ្ចេតនាមានទឹកដមសំឡេងក្រអួនស្រដៀងរៀមច្បងជំនាន់មុនអ្នកស្រីប៉ែន រ៉នកញ្ញាស៊ូ ដាណេបានផលិតបទចម្រៀងជំនាន់មុនបញ្ចូលសាច់ភ្លេងថ្មីដើម្បីលើកកម្ពស់មរតកបទចម្រៀងពីដើមដែលនៅតែលើកស្ទួយវិស័យសិល្បៈខ្មែររហូតជំនាន់នេះនិងជំនាន់ក្រោយៗទៀត។អ្នកចម្រៀងស្រអែមស្រស់រូបនេះបានព្យាយាមកសាងផលិតចម្រៀងយកបទពីដើមមកសម្រិតសម្រាំងច្រៀងឡើងវិញបញ្ចូលក្នុងប្រព័ន្ឋយូធូបក្នុងន័យបង្ហោះឲ្យមហាជនបានស្តាប់កម្សាន្តដើម្បីក្នុងបំណងបានជួយបន្តបទចម្រៀងសម័យដើមបន្តទៀតដោយនាងមិនគិតចង់ចំណេញប្រាក់អ្វីនោះទេ។ដោយការស្រឡាញ់និងចង់លើកស្ទួយដល់បទចម្រៀងពីដើមពិសេសនាទស្សវត្សទី៦០និង៧០កញ្ញាស៊ូ ដាណេតែងតែចំណាយពេលផលិតបទពីដើមនេះហើយថ្មីៗនេះនាងបានថតបទពីដើមឡើងវិញក្រោមចំណងជើងថា«ស្រឡាញ់បងណាស់»ដោយសំនៀងដើមរបស់អ្នកស្រីហួយ មាសដោយនាងបានបង្ហោះលើPageដែលយកបទពីដើមមកច្រៀងម្តងទៀតបែបClassicតែនាងមិនយកធ្វើអាជីវកម្មនោះទេចង់ឲ្យតែប្រិយមិត្តបានស្គាល់និងស្តាប់កម្សាន្តតែប៉ុណ្ណោះ។

តារាចម្រៀងស៊ូ ដាណេដែលតែងតែចាប់ឱកាសកាសការសម្តែងនៅក្រៅប្រទេសញឹកញាប់នោះបានបញ្ជាក់ថានាងមានបំណងចង់លើកស្ទួយបណ្តាបទចម្រៀងមរតកដើមរបស់រៀមច្បងជំនាន់មុនក្នុងន័យចង់បង្ហាញថាអត្ថន័យបទពីដើមពិតជាបង្កប់នូវខ្លឹមសារជ្រាលជ្រៅមិនស្តាប់ទៅមិនចេះរីងស្ងួតនោះឡើយ។យ៉ាងណាមិញស្របពេលដែលនាងបម្រើសិល្បៈដោយយកបទចម្រៀងពីដើមៗមកច្រៀងដែរនោះរមែងតែងតែនឹកគុណហើយខំផលិតនិងច្រៀងឡើងវិញបែបលក្ខណៈក្លាស៊ីកចែកដល់បងប្អូនស្តាប់ក្នុងផេកដើម្បីតែកម្សាន្តនិងចូលរួមឲ្យតម្លៃមរតកដើមជាបន្តទៀតប៉ុណ្ណោះគ្មានចង់បានលុយកាក់និងប្រាក់ជំនេញអ្វីឡើយ។នាងបន្តថានៅមានបទចម្រៀងត្រៀមបង្ហាញជាច្រើនទៀតដែលបានរៀបចំទុកបង្ហាញលើផេករបស់នាងនឹងចេញផ្សាយជាបន្តបន្ទាប់ខាងមុខនេះ។

កញ្ញាស៊ូ ដាណេមុនក្លាយជាអ្នកចម្រៀងមានឈ្មោះល្បីគួរសមទាំងក្នុងនិងក្រៅប្រទេសនាងជាសិល្បការិនីផ្នែកបុរាណនិងប្រពៃណីរបស់ក្រុមសិល្បៈរាជធានីភ្នំពេញចេះច្រៀងទាំងបទប្រពៃណី សម្តែងរបាំល្ខោនបាសាក់បានយ៉ាងស្ទាត់ជំនាញ។ដោយមានសំឡេងល្អនាងក៍បញ្ចូលខ្លួនជាអ្នកចម្រៀងជាបន្តបន្ទាប់រហូតមានមុខមាត់ក្នុងវិស័យចម្រៀងដោយស្ថានីយ៍ទូរទស្សន៍មួយចំនួនផ្តល់ទីតាំងឲ្យនាងបានឡើងសម្តែងជាប់រហូតមក។កម្មវិធីភាគច្រើនប្រជុំដោយតារាជើងចាស់ចេះចាំបទពីដើមដែលនាងបានឡើងសម្តែងជាមួយដូចជាកម្មវិធី«តន្ត្រីស្រុកស្រែ»«ប្រជុំតារាតន្ត្រី»«មន្តស្នេហ៍សំនៀង»និងស្ថានីយ៍ទូរទស្សន៍នានាដូចជាទូរទស្សន៍អាស៊ីអាគ្នេយ៍ជាដើម។ក្រៅពីនេះនាងក៍មានពិន្ទុល្អក្នុងទីផ្សារសិល្បៈនៅក្រៅប្រទេសដូចជាធ្លាប់ទៅអាមេរិក អូស្ត្រាលីនិងប្រទេសមួយចំនួនទៀតដោយឆាប់ៗនេះនាងត្រៀមហោះទៅសម្តែងនៅប្រទេសបារាំងទៀតផង។                                            

• ស៊ូ ដាណេ
• ផលិតចម្រៀង
• អ្នកគាំទ្រ