ខេត្តឧត្តរមានជ័យ÷  បុរស២នាក់បានស្លាប់ភ្លាមៗនៅនឹងកន្លែងកើតហេតុកាលពីវេលាម៉ោង១រំលងអាធាត្រឈានចូលថ្ងៃទី២១ខែកុម្ភៈ ឆ្នាំ២០១៧ ស្ថិតក្នុងភូមិត្របែក សង្កាត់បុសស្បូវ ក្រុងសំរោង ខេត្តឧត្តរមានជ័យ ។

ជនរងគ្រោះឈ្មោះចាន់ ថូ ភេទប្រុស អាយុ២៧ឆ្នាំ រស់នៅភូមិពោធិចាស់  ឃុំបេង ស្រុកបន្ទាយអម្ពឹល ខេត្តឧត្តរមានជ័យ មុខរបរទាហានអង្គភាពកងពលតូចអន្តរាគមន៍លេខ៥ ជាអ្នកបើកបរម៉ូតូម៉ាកវេវ C១០០ ពណ៍ខ្មៅពាក់ស្លាក់លេខ ឧត្តរមានជ័យ១B-៦៤៧៧ នឹងម្នាក់ទៀតឈ្មោះចាន់ សុផលភេទប្រុសអាយុ២៨ឆ្នាំរស់នៅភូមិឃុំជាមួយគ្នាជនរងគ្រោះខាងលើជាអ្នករួមដំណើរ ។

បើតាមមន្រ្តីប៉ូលីសក្រុងសំរោងបានឱ្យដឹងថា គ្រោះថ្នាក់ចរាចរណ៍ខាងលើកើតឡើងនៅដងផ្លូវជាតិលេខ៥៦ចម្លោះបង្គោលគីឡូម៉ែត្រលេខ១០៧ នឹង១០៨ក្នុងភូមិឃុំខាងលើ សមត្តកិច្ចបានចុះទៅដល់កន្លែងធ្វើការត្រួតពិនិត្យឃើញថា ពិតជាគ្រោះថ្នាក់ដោយខ្លួនឯងដោយសារតែស្រវឹងហើយបើកបរម៉ូតូក្នុងល្បឿនលឿនពេកទើបជួបគ្រោះថ្នាក់បែបនេះ ។ ក្រោយពីបានពិនិត្យរួចសមត្តកិច្ចបានប្រគល់សាកសពទៅឱ្យក្រុមគ្រួសារយកទៅធ្វើបុណ្យទៅតាមប្រពៃណី៕

• ស្លាប់ភ្លាមៗ
• ជិៈម៉ូតូលឿន
• ស្រវឹងស្រា