ខេត្តព្រះសីហនុ៖ លោកយន្ត មីន អភិបាលនៃគណះអភិបាលខេត្តបានអះអាងថានាព្រឹកថ្ងៃទី៣០មករានេះ ក្រោយពីទទួលតំណឹងអំពីការដួលសន្លប់របស់កម្មការិនីប្រមាណជិត៣០នាក់រោងចក្រ រ៉ូមេនធីក លេឌើរ(ខេមបូឌា)ខូអែលធីឌីផកិតកាបូបក្នុងតំបន់សេដ្ឋកិច្ចពិសេសខេត្តព្រះសីហនុ ។លោកបានចុះសាកសួរសុខទុកភ្លាមៗដែរ នៅក្រោយកើតហេតុតែ២០នាទីប៉ុណ្ណោះ។

យោងតាមប្រភពពីតំណាងកម្មករបានគូសបញ្ជាក់ជំហ៊ានតំបូងថា នៅវេលាម៉ោង9និង30នាទីថ្ងៃទី30មករា2017 កម្មការីនីរោងចក្រ រ៉ូមេនធីក លេឌើរ(ខេមបូឌា)ខូ អែល ធីឌី ផកិតកាបូប មានទីតាំងស្ថិតក្នុងតំបន់សេដ្ឋកិច្ចពិសេសភូមិពូធឿងឃុំបិត្រាំងស្រុកព្រៃនប់ ចំនួន25នាក់ក្នុងចំនោមកម្មការីនីសរុបចំនួន400នាក់ បានដួលសន្លប់ក្នុងពេលកំពុងធ្វើការ ត្រូវ បានខាងក្រុមហ៊ុនដឹកទៅព្យាបាលនៅពេទ្យដើមស្វាយ។

កញ្ញា យង់ វណ្ណី ជាកម្មការិនីម្នាក់ក្នុងចំណោមកម្មករទាំង៤០០នាក់ បានអះអាង នៅថ្ងៃកើតខណៈកម្មករ កំពុងធ្វើការ ស្រាប់តែមានក្លិនស្អុយ ប្រៀបដូចត្រីងាប់ មួយសន្ទុះ ក្រោយមកស្រាប់តែមានកម្មករប្រមាណជាង១០នាក់បានដួលសន្លប់តៗគ្នា ។ឯកម្មការិនីផ្សេងទៀត ឃើញស្ថានភាពនោះស្រាបតែដួលបបន្តគ្នារហូតឡើងដល់ជាង២០នាក់ ទើបត្រូវបាន តំណាង រោងចក្រ ទូរស័ព្ទហៅរថយន្តសង្គ្រោះ មកដឹកយកទៅសង្គ្រោះឯទីរួមខេត្តតែម្តង។

យោងតាមការបញ្ជាក់ពីក្រុមគ្រូពេទ្យបានបញ្ជាក់ថា ចំពោះមូលហេតុនៃការដួលសន្លប់នេះ បណ្តាលមកពីក្រុមកម្មករ កម្មការិនី ខ្វះជាតិស្ករ ទើបណ្តាលខ្សោះកំលាំងហើយដួលសន្លប់នេះតែម្តង។បច្ចប្បន្នរោងចក្របានអោយកម្មករកម្មការីនី ទាំងអស់ ឈប់សំរាបណ្តោះអាសន្ន។

• កម្មការិនី
• ដួលសន្លប់
• ក្លិនស្អុយ