យន្តហោះទម្លាក់គ្រាប់ច្រឡំ ចំជុំរំជនភៀសខ្លួនស្លាប់ជាង១០០នាក់ នៅនីហ្សេរីយ៉ា

ព័ត៌មានអន្តរជាតិ | ថ្ងៃពុធ ទី១៨ មករា ២០១៧, ១៦:៤០ | ៤៦៦ ដង | ចុចបញ្ចេញមតិ (០)

យន្តហោះទម្លាក់គ្រាប់បែករបស់ ប្រទេសនីហ្សេរីយ៉ាងបានទម្លាក់ច្រឡំទៅលើជុំរុំជភៀសខ្លួន បណ្តាលឲ្យមានអ្នកស្លាប់និងរបួសជាច្រើន។ ការទម្លាក់ច្រឡំកើតឡើងនៅថ្ងៃទី១៧ខែមករា សម្លាប់មនុស្សជាង១០០នាក់ និងជាង ២០០នាក់រងរបួស។

សារព័ត៌មាន AP បានផ្សាយថា យន្តហោះខាងលើ មានតួនាទីទៅវាយប្រហារទម្លាក់គ្រាប់បេកទៅលើក្រុម Boko Haram ។មេបញ្ចាកការកងទ័ព លោក Lucky Irabor បានបញ្ចាក់ថា ការទម្លាក់គ្រាប់បែកច្រឡំខាងលើស្ថិតនៅស្រុក Rann ជាប់ព្រំដែនប្រទេសកាមឺរ៉ុន។

នេះជាលើកទីមួយហើយដែលកម្លាំងទាហាននីហ្សេរីយ៉ាទម្លាក់គ្រាប់បែកច្រឡំទៅលើពលរដ្ឋស្លូតត្រងបែបេនះ។ កន្លងមកពលរដ្ឋនៅទីនោះធ្លាប់បានចោទប្រកាន់ ថាទាហានរដ្ឋាភិបាលទម្លាក់គ្រាប់បែកសម្លាប់ពលរដ្ឋជាច្រើន ក្នុងការវាយប្រហារ រវាងទាហានរដ្ឋាភិបាលនិងក្រុម អិស្លាមបូកូហារ៉ាម។

ប្រធានាធិបតីនីហ្សេរីយ៉ាលោក Muhammadu Buhiri បានរំលែកទុកដល់ការស្លាប់របស់ពលរដ្ឋស្លូតត្រង ដោយលោកបញ្ចាក់ថានេះជាការសោកស្តាយ បំផុត។

មន្ត្រីមួយរូបនៅរដ្ឋ Borno ដែលបានជួយជម្លៀសពលរដ្ឋរងរបួសបានឲ្យដឹងថា មានអ្នកស្លាប់ជាង១០០នាក់និង រាប់សិបនាក់ទៀតរងរបួស។ ក្រុមគ្រូពេទ្យគ្មានព្រំដែន បានឲ្យដឹងថាសាកសពមនុស្ស៥២នាកត្រូវបានគេរកឃើញ ហើយពេលនេះគ្រូពេទ្យកំពុងព្យាបានឲ្យអ្នករងរបួស ២០០នាក់ទៀត។

គ្រូពេទ្យមួយរូបឈ្មោះ Jean Clement Cabrol បានបញ្ចាក់ថា «ការវាយប្រហារ ទម្លាក់គ្រាប់ខាងលើជាទ្រងទ្រាយធំ ហើយបានវាយប្រហារចំអ្នកដែលងាយរងរបួស ដែលជាអ្នក បានរត់គេចពីតំបន់មានអំពើហឹង្សា។

នៅពេលនេះក្រុមអ្នកឯកទេសក៏បានស្រាវជ្រាវបញ្ចាក់ការពិត ពីការទម្លាក់គ្រាប់បែកច្រឡំខាងលើសម្លាប់មនុស្សយ៉ាងច្រើនបែបនេះ ជាចេតនាវាយប្រហារឬពិតជាច្រឡំ។

រយប៉ុន្មានប៉ុន្មានថ្ងៃចុងក្រោយនេះ ការវាយប្រហារច្រឡំបានកើតឡើងច្រើន ទាំងនៅក្នុងប្រទេសយ៉េម៉ែន ស៊ីរី និងនីហ្សេរីយ៉ាង។កន្លងមកការវាយប្រហារតាមដែនអាកាសពីកម្លាំងទាហានតួគី ទៅលើស្រុក Al Babនិងភូមិពីរផ្សេងទៀត នៅភាគខាងជើងទីក្រុងអាឡែបប៉ូបណ្តាលឲ្យមានពលរដ្ឋា១៨នាក់ស្លាប់ និងច្រើននាក់ទៀតរងរបួស។ការវាយប្រហារកើតឡើងនៅក្នុងថ្ងៃទី១៦ ខែមករា យន្តហោះចម្បាំងទួរគីបានវាយប្រហារទម្លាក់គ្រាប់់ទៅលើភូមិ BaZaaនិងTadafភាគខាងជើងទីក្រុងអាឡែប៉ូ សម្លាប់មនុស្ស៩នាក់ និង៥៧នាក់រងរបួស គឺជាពលរដ្ឋនៅក្នុងភូមិ។

នៅថ្ងៃទី១៤ ខែមករា ទាហានទួរគីក៏បានវាយប្រហារទៅលើភូមិ Al Tafriehសម្លាប់មនុស្ស ៤នាក់ក្នុងមួយគ្រួសារផងដែរ ។នៅក្នុងព្រិត្តិការណ៍ដែលពាក់ព័ន្ធនោះដែរ កម្លាំងទាហានទួរគី បានសម្លាប់ខ្មាន់កាំភ្លើង ក្រុម Is ៤១នាក់ និងបំផ្លាញទីតាំង១៨៧កន្លែង របស់ក្រុមនេះនៅភាកខាងជើងស៊ីរី។

ចំណែកនៅក្នុងប្រទេសយេម៉ែនវិញសម្ព័ន្ធយោធាអារ៉ាប ដែលចេញធ្វើអន្តរាគមន៍នៅយេម៉ែន បានទទួលស្គាល់កំហុស ថាបានទម្លាក់គ្រាប់ ដោយច្រលំទិសដៅ កាលពីសប្តាហ៍មុន សម្លាប់មនុស្សអស់១៤០នាក់ ដែលកំពុងចូលរួមប្រារព្ធពិធីបុណ្យសព។ ការបាញ់ខុស ទៅផ្តាច់ជីវិតជនស៊ីវិល ដែលបានរងការរិះគន់ តាមប្រព័ន្ធអ៊ីនធ័រនែត ពេញពិភពលោក។

អារ៉ាប៊ីសាអ៊ូឌីត និងសម្ព័ន្ធមិត្ត ដែលផ្សំគ្នាជាសម្ព័ន្ធយោធាអារ៉ាប ដើម្បីគាំទ្រប្រធានាធិបតីយេម៉ែន លោក អាប់ រ៉ាប់បូ ម៉ង់សួរ ហាឌី ធ្លាប់រងការចោទប្រកាន់ ថាបានទម្លាក់គ្រាប់សម្លាប់ជនស៊ីវិល ពីមុនមក។ នៅថ្ងៃទី ៨ តុលាសប្តាហ៍មុននេះ ប្រតិបត្តិការផ្លូវអាកាសបានដៅទិសដៅវាយប្រហារ សាលប្រជុំធំមួយនៅក្រុងសាណា ត្រួតត្រាដោយពួកហ៊ូទិស្ស ដែលកំពុងរៀបចំពិធីបុណ្យសពមេដឹកនាំជាន់ខ្ពស់របស់ខ្លួន បង្កឱ្យមានស្លាប់១៤០នាក់ និងរបួស៥២៥នាក់។ នេះបើអង្គការសហប្រជាជាតិ។

ដំបូងឡើយ សម្ព័ន្ធយោធាអារ៉ាបបានបដិសេធទំនួលខុសត្រូវ តែក្រោយពីបើកការអង្កេត ទើបព្រមទទួលស្គាល់នៅថ្ងៃសៅរ៍នេះ ថាពិតជាបាញ់ដោយច្រលំ និងធ្វើឱ្យបាត់បង់ជីវិតពលរដ្ឋស៊ីវិល។ ទាំងនេះគឺដោយហេតុតែបានទទួលព័ត៌មានខុស មានអ្នកមិនគោរពវិធាន និងដំណើរការរបស់សម្ព័ន្ធយោធា។ បើតាមក្រុមអ្នកអង្កេត សម្ព័ន្ធអារ៉ាបបានបើកការទម្លាក់គ្រាប់បែកក្រោយពីបានទទួល ព័ត៌មានមិនត្រឹមត្រូវពីក្រុមយោធារបស់ប្រធានាធិបតីយេម៉ែនលោក ហាឌី ថាមានអ្នកទទួលខុសត្រូវយោធាហ៊ូទិស្សជាច្រើនចូលរួមក្នុងពិធី បុណ្យសព។

សម្ព័ន្ធយោធាអារ៉ាបសន្យាដាក់ទោសអ្នកទទួលខុសត្រូវលើប្រតិបត្តិការ នោះ និងផ្តល់សំណងដល់ជនរងគ្រោះ ព្រមទាំងសន្យាសើរើមើលកិច្ចសន្យាធ្វើប្រតិបត្តិការយោធានៅយេម៉ែននេះ ឡើងវិញ។ ការបាញ់ខុសនេះ បានជំរុញឱ្យសហរដ្ឋអាមេរិកសម្ព័ន្ធមិត្តរបស់អារ៉ាប៊ីសាអ៊ូឌីត ដកខ្លួនមកពិចារណាឡើងវិញ ការគាំទ្រសម្ព័ន្ធយោធាអារ៉ាបនៅយេម៉ែន ដែលសង្គ្រាមនេះបានសម្លាប់មនុស្សអស់៦៨៨៥នាក់ គិតចាប់ពីខែមីនា ២០១៥មក ក្នុងនោះជិងពាក់កណ្តាលជាជនស៊ីវិល។
ចំណែកអង្គការការពារសិទ្ធិមនុស្សHumain Rights Watch ទង្វើបាញ់ខុសនេះសឹងអាចចាត់ទុកជាឧក្រិដ្ឋកម្មសង្គ្រាម ព្រោះសម្ព័ន្ធយោធាអារ៉ាបប្រើកម្លាំងហួសប្រមាណ បាញ់លើពិធីបុណ្យសព ដែលនរណាក៏ដឹងថាមានជនស៊ីវិលចូលរួមច្រើន៕