រាជធានីភ្នំពេញ៖ ជនសង្ស័យមានគ្នា៣នាក់ជិះម៉ូតូមួយគ្រឿងម៉ាក PCX មិនចាំស្លាកលេខ ប្រដាប់ដោយកាំភ្លើងខ្លីមួយដើមមិនស្កាល់ម៉ាក បានគំរាមភ្ជង់ប្លន់ម៉ូតូម៉ាក ZoomerX ពីនារីម្នាក់បានសំរេច នៅចំនុចផ្លូវលេខ២៤៨កែង១៤៣សង្កាត់វាលវង់ ខណ្ឌ៧មករា កាលពីវេលាម៉ោង៨និង៣០នាទីយប់ថ្ងៃទី២៤ ខែវិច្ឆិកា ឆ្នាំ២០១៦ ហើយនសង្ស័យបានគេចខ្លួនបាត់ដោយសុវត្ថិភាព សមត្ថកិច្ចមិនអាចបង្ក្រាប់បានបានត្រឹមតែហៅជនរងគ្រោះទៅដាក់ពាក្យបណ្តឹង។    

ជនរងគ្រោះឈ្មោះវាសនា ភេទស្រីអាយុ២៦ឆ្នាំ ស្នាក់ខាងក្រោយសាលាជាស៊ីមសាមគ្គី សង្កាត់បឹងសាឡាង ខណ្ឌទួលគោក ជិះម៉ូតូម៉ាកZoomerX ឆ្នាំ២០១៦ពណ៍ស ពាក់ស្លាកលេខភ្នំពេញ1FN-3838។

ជនរងគ្រោះបានអោយដឹងថានៅមុនពេលកើតហេតុ រូបគាត់បានជិះម៉ូតូម្នាក់ឯងធ្វើដំណើរចេញពីផ្ទះនៅក្រោយសាលាជាស៊ីមសាមគ្គីបំណងមកក្រុមហ៊ុនដែលនៅជិតកន្លែងកើតហេតុខណះមកដល់ផ្លូវលេខ២៤៨កែងផ្លូវ១៤៣ ស្រាប់តែលិចមុខជនសង្ស័យ៣នាក់ជិះម៉ូតូPCX មួយគ្រឿងមិនចាំស្លាកលេខប្រដាប់ដោយកាំភ្លើងខ្លីមួយដើមមុនចាំម៉ាកមកគៀអោយឈប់ហើយដកកាំភ្លើងភ្ជុងគំរាមបាញ់សម្លាប់រួចយកម៉ូតូគេចខ្លួនបាត់ដោយសុវត្តិភាព។      

ក្រោយពេលកើតហេតុសមត្ថកិច្ចបានចុះមកដល់ចំណុចកើតហេតុហើយបាននាំជនរងគ្រោះទៅដាក់ពាក្យបណ្តឹងនៅប៉ុស្តិ៍វាលវង់។ គួបញ្ជាក់ថានៅក្នុងមូលដ្ឋានទឹកដីខណ្ឌ៧មករាបទល្មើសចោរកម្ម លួច ឆក់ ប្លន់ជាញឹក់ញាប់តែមិនដែលឃើញសមត្ថកិច្ចបង្ក្រាប់បានម្តងឡើយគឺបានត្រឹមតែនាំជនរងគ្រោះដាក់ពាក្យបណ្តឹងតែប៉ុណ្ណោះ ប្រជាពលរដ្ឋអស់ជំនឿទុកចិត្តលើសមត្ថកិច្ចក្នុងការបង្ក្រាប់បទល្មើស៕                         

• ប្លន់ទៀត
• ជនសង្ស័យ
• កាំភ្លើង
• សុវត្តិភាព