រាជធានីភ្នំពេញ៖  លោកស្រីសិកស៊ុយកូ យ៉ាម៉ាយូគិប្រធានអង្គការUNDPកាលពីថ្ងៃទី២០ខែតុលាឆ្នាំ២០១៦បានលើកឡើងថាលោកស្រីបានមើលឃើញការរីកចំរើននិងអភិវឌ្ឍឥតឈប់ឈររបស់ប្រទេសកម្ពុជាដែលដឹកនាំដោយរាជរដ្ឋាភិបាលកម្ពុជានាពេលបច្ចុប្បន្នជាមួយនិងកំណើនសេដ្ឋកិច្ចជាតិរបស់ប្រទេសនេះគូរឲ្យកត់សម្គាល់ប្រមាណ៧%នាប៉ុន្មានឆ្នាំចុងក្រោយនេះ។

ការលើកឡើងរបស់ស្រីប្រធានUNDPប្រចាំប្រទេសកម្ពុជាបានធ្វើឡើងក្នុងជំនួបសំដែងការគួរសមនិងជម្រាបលាលោកប្រាក់ សុខុនទេសរដ្ឋមន្រ្តីនិងជារដ្ឋមន្រ្តីក្រសួងការបរទេសនិងសហប្រតិបត្តិអន្តរជាតិកាលពីរសៀលថ្ងៃទី២០ខែតុលាឆ្នាំ២០១៦នៅទីស្តីការក្រសួងការបរទេសក្នុងទីក្រុងភ្នំពេញក្នុងពេលលោកស្រីបានបញ្ចប់បេសកកម្មនៅកម្ពុជា។

លោកស្រីប្រធានដែលបានបញ្ចប់តួនាទីរបស់លោកស្រីនាពេលនេះបានលើកឡើងថាអង្គការUNDPនឹងបន្តជួយកម្ពុជាប្រែក្លាយខ្លួនជាប្រទេសទទួលជំនួយទៅជាប្រទេសសហការប្រតិបត្តិការនិងដៃគួរធុរៈកិច្ចជាមួយអន្តរជាតិ។ក្នុងរយៈពេលនេះកម្ពុជាបានក្លាយជាប្រទេសដែលមានសន្តិភាពពេញលេញនាពេលបច្ចុប្បន្ននេះ។

លោកជុំសុន្ទរីអ្នកនាំពាក្យក្រសួងការបរទេសបានលើកឡើងថាលោករដ្ឋមន្រ្តីប្រាក់ សុខុនបានលើកឡើងថាថាកម្ពុជានិងអង្គការUNDPបានក្លាយជាដៃគួរក្នុងការអភិវឌ្ឍកម្ពុជាដែលរួមមានការកាត់បន្ថយភាពក្រីក្រនិងកំណើនសេដ្ឋកិច្ច។ជំនួយរបស់អង្គការUNDPជួយកម្ពុជាលើគ្រប់វិស័យក្នុងនោះក៍បានជួយកម្ពុជាក្នុងការសម្រេចគោលដៅសហទសវត្សរបស់កម្ពុជា។

លោករដ្ឋមន្រ្តីបានលើកឡើងថាសម្តេចតេជោហ៊ុនសែនបានខិតខំប្រែក្លាយកម្ពុជាទៅជាប្រទេសពីប្រទេសទទួលជំនួយទៅជាប្រទេសជាដៃគួររបស់សហគមន៍អន្តរជាតិ។លោកបានបញ្ជា់ពីបំណងរបស់ក្រសួងការបរទេសកម្ពុជាក្នុងការខិតខំតាមការសម្រេចរបស់សម្តេចនាយកដ្ឋមន្រ្តី។កម្ពុជាត្រៀមខ្លួនក្នុងការទទួលការផ្តល់គំនិតរបស់អង្គការUNDPក្នុងការប្រែក្លាយកម្ពុជាជាប្រទេសមួយជាដៃគួសហគមន៍អន្តរជាតិនិងបន្តសហការយ៉ាងជិតស្និទ្ធជាមួយប្រធានអង្គការUNDPដែលនឹងមកជំនួសលោកស្រ្តីយ៉ាងកក់ក្តៅបំផុត៕

• អង្គការ
• បេសកកម្ម