យ៉ាងហោចណាស់ក៏មានមនុស្ស​៥២ស្លាប់នៅក្នុងហេតុការប្រជ្រៀតជាន់លើគ្នា កាលពីថ្ងៃទី​២ខែតុលា ក្រោយប៉ូលិសបានបាញ់ឧស្មានបង្ហូទឹកភ្នែក និងគ្រាប់បែកកៅស៊ូបំបែកហ្វូងបាតុករប្រឆាំងរដ្ឋាភិបាលប្រទេសអីត្យូពី(Ethiopia)។

បាតុករម្នាក់ឈ្មោះ​Elias បានរៀបរាប់ឲ្យដឹងថា​ លោកវិនិងស្លាប់នៅក្នុងហេតុការប្រជ្រៀតជាន់គ្នាខាងលើ ។  លោកមានភ័ពសំណាងបានគេជួយអូសចេញពីប្លុកជ្រៅ​ជាកន្លែងមានមនុស្សជាច្រើនធ្លាក់ចុះ​ពេលព្យាយាមរត់គេចពីប៉ូលិស។

បុរសខាងលើបានរៀបរាប់ឲ្យដឹងថា ទិដ្ឋភាពគួរឲ្យភ័យខ្លាចមានមនុស្សជាច្រើនជាប់នៅក្នុងរណ្តៅបើទោះបីមានមនុស្សជាច្រើនបានជួយសង្គ្រោះចេញ។

ការធ្វើបាតុកម្មចាប់ផ្តើមឡើងពីជម្លោះសាសនា នៅតំបន់​ Oromia ជាតំបន់ដែលមានមានវិវាទនយោបាយខ្លាំងបំផុតនៅក្នុងប្រទេសអីត្យូពី។ តាមការប៉ាន់ប្រមានមានមនុស្សជាង​២លាននាក់បានចូលរួមនៅក្នុងពិធីបុណ្យ​ Irrecha ស្ថិតនៅក្នុងស្រុក​ Bishoftu ភាគខាងកើតទីក្រង  Addis Ababa។

នៅពេលនោះបាតុករបានស្រែកហ៊ូពាក់ស្លោកប្រឆាំងរដ្ឋាភិបាល ។ បាតុករមួយចំនួនបានគប់ដុំថ្ម និងដបទឹកសុទ្ធ ទៅលើមេដឹកនាំសាសនានៅក្នុងតំបន់​។ ប៉ូលិសក៏បានចូលរួមទប់ស្កាត់ដោយបាញ់ឧស្មានបង្ហូទឹកភ្នែកនិងគ្រាប់កៅស៊ូ ទើបបង្ករឲ្យមានការប្រជ្រៀតជាន់លើគ្នាកើតឡើង។

មន្ត្រីរដ្ឋាភិបាល​ បានទម្លាក់កំហុសទៅលើក្រុម ជ្រុលនិយមបង្ករឲ្យមានហេតុការអាក្រក់ខាងលើកើតឡើង។ រដ្ឋាភិបាលបានច្រានចោលការចោទប្រកាន់ថា ប៉ូលិសបានពាក់ព័ន្ធទៅនឹងការស្លាប់របស់មនុស្ស ​៥២នាក់ខាងលើ។

សមាជិកគណបក្ស ប្រឆាំង Mulatu Gemechu បញ្ចាក់ថាចំនួនអ្នកស្លាប់បន្តកើនឡើងខ្ពស់។ មានប្រភ័ពព័ត៌មានបានបញ្ចាក់ថា អ្នកស្លាប់កើនឡើងរហូតដល់ជាង​១០០នាក់ ។ លោក Mulatu Gemechuបញ្ចាក់ថា បាតុករ​មិនបានជម្រុញឲ្យមានអំពើហឹង្សា​ឬ​យកអាវុធតាមខ្លួនឡើយ​ដើម្បីប្រឆាំងប៉ូលិស៕

• ហេតុការ
• ប្រជ្រៀត
• អីត្យូពី
• ស្លាប់