កាលពីថ្ងៃទី​២៥ខែកញ្ញា​ជប៉ុនបានចេញបញ្ចាឲ្យយន្តហោះចម្បាំងរបស់ខ្លួនជាច្រើនគ្រឿងហោះហើរជាបន្ទាន់ទៅស្ទាក់យន្តហោះចម្បាំងរបស់ចិនក្រោយពេលបានប្រទះឃើញយន្តហោះចិនជាច្រើនគ្រឿងហោះហើរឆ្លងកាត់ច្រកសមុទ្រ ចម្លោះកោះ​ Kiyako និង​ Okinawaរបស់ជប៉ុន។ ទីក្រុងប៉េកាំងបានបញ្ចាក់ថា យន្តហោះចម្បាំងរបស់ខ្លួនជាង​៤០គ្រឿង បានទៅចូលរួមនៅក្នុងការធ្វើសមយុទ្ធនៅភាគខាងលិចអាស៊ីប៉ាស៊ីហ្វិក។

កម្លាំងទាហានជប៉ុនបានប្រកាសឲ្យដឹងថាការសម្រេចបញ្ចារឲ្យយន្តហោះចម្បាំងជប៉ុនហោះហើរនោះក្រោយប្រទះឃើញយន្តហោះចម្បាំងរបស់ចិន​៨គ្រឿង ក្នុងនោះមានយន្តហោះទមា្លក់គ្រាប់​៤គ្រឿងយន្តហោះសើបអង្កេត២គ្រឿង និងយន្តហោះចម្បាំង​២គ្រឿងហោះហើរចូលក្នុងដែនអាកាសជប៉ុន។​ កម្លាំងទាហានអាកាសជប៉ុនបានឲ្យដឹងថាយន្តហោះទាំងនោះត្រូវបានវិលត្រឡប់ទៅកាន់ដែនសមុទ្រភាគខាងកើតវិញដោយមិនចូលបំពានដែនអាកាសជប៉ុនឡើយ។ មន្ត្រីការពារជាតិជប៉ុនបានឲ្យដឹងថា​នេះជាលើកទីមួយហើយដែលយន្តហោះចិនហោះចូលក្នុងតំបន់នេះ។

តាមការប្រកាសរបស់កម្លាំងទាហានចិន​យន្តហោះទាំងនោះត្រូវបានបញ្ចូនទៅកាន់ភាគខាងលិខសមុទ្រប៉ាស៊ីហ្វិកចូលរួមធ្វើសមយុទ្ធយ៉ាមល្បាតសហការ​និងចាក់សាំងនៅលើអាកាស ។ ទាំងនោះគឺជាការខិតខំរបស់ទីក្រុងប៉េកាំងដើម្បីបញ្ចាក់ពីសិទ្ធគ្រប់គ្រងរបស់ខ្លួននៅក្នុងសមុទ្រចិនភាគខាងកើត ក្រោយពេលចិនបានប្រកាសបង្កើនតំបន់ការពារដែនអាកាស ADIZ ដែលបានបង្កើតឡើងកាលពីពីរឆ្នាំមុន។

តំបន់​ADIZ មានន័យថារាល់យន្តហោះណាដែលបានឆ្លងកាត់តំបន់ខាងលើចាំបាច់ត្រូវតែផ្តល់ដំណឹងឲ្យភាគីចិនដឹងជាមុន។សកម្មភាពនោះបានធ្វើឲ្យប្រទេសជាច្រើនថ្កោលទោសយ៉ាងខ្លាំង ក្នុងនោះមានជប៉ុន​ដែលចាត់ទុកថា​នេះជាសកម្មភាពពង្រីកអំណាចរបស់ចិននៅតំបន់អាស៊ីប៉ាស៊ីហ្វិក។

ទំនាក់ទំនងរវាងចិននិងជប៉ុនកាន់តែតានតឹងខ្លាំងឡើង ដោយសារតែវិវាទប្រជុំកោះសែនកាគូ​នៅសមុទ្រចិនភាគខាងកើត។ មិនត្រឹមតែប៉ុណ្ណោះ​ជប៉ុនបានចូលរួមនៅក្នុងវិវាទដែលសមុទ្រចិនភាគខាងត្បូង​ដោយបានបញ្ចូនកម្លាំងមកយ៉ាមល្បាតជាមួយអាមេរិកនៅទីនោះ។

• យន្តហោះ
• ចម្បាំង
• ជប៉ុន
• ហោះហើរ