កូរ៉េខាងជើងមានថាមពលគ្រាប់គ្រាន់សម្រាប់ផលិតគ្រាប់បែកបរិមាណូដល់ទៅ​២០គ្រាប់ ចាប់ចាប់តាំងពីពេលនេះដល់ចុងឆ្នាំ​២០១៦ ដោយសារតែមានការបង្កើនល្បឿននៃការចម្រាញសារធាតុអ៊ុយរ៉ានីញ៉ោម និង Plutonium ។

សារព័ត៌មានរ៉យទ័របានផ្សាយថា ក្រុមអ្នកឯកទេសអាវុធបានវាយតម្លៃថាកូរ៉េខាងជើងមានសារធាតុអ៊ុយរ៉ានីញ៉ោមច្រើនដោយសារតែបានលួចលាក់ចម្រើនសាធាតុខាងលើរយៈពេលមួយទស្សវត្តិកន្លងមក។

លោក​ Siegfried Hecker អ្នកឯកទេស​ទទួលបន្ទុកពីអាវុធបរិមាណូរបស់កូរ៉េខាងជើងបានឲ្យដឹងថា​ កូរ៉េខាងជើងបានរក្សាទុកសារធាតុអ៊ុយរ៉ានីញ៉ោមចម្រើនរួច​១៥០គីឡូក្រាម ក្នុងរយៈពេលមួយឆ្នាំ ។ ចំនួនសាធាតុនោះគ្រាប់គ្រាប់ក្នុងការផលិតគ្រាប់បែកបរិមាណូ​៦គ្រាប់ ក្នុងមួយឆ្នាំ។​ លោក​ Siegfried Hecker ដែលជាអ្នកធ្លាប់ទៅកាន់ទីតាំងរោងច័ក្របរិមាណូYongbyonrbsកូរ៉េខាងជើងកាលពីឆ្នាំ​២០១០ បញ្ចាក់ថា​ជាមួយនឹងសារធាតុ  Plutonium ដែលមាន កូរ៉េខាងជើងអាចផលិតបានគ្រាប់បែកបរិមាណូដល់ទៅ​២០គ្រាប់នាចុងឆ្នាំ​២០១៦។នៅ

ក្នុងឆ្នាំនេះ រដ្ឋមន្ត្រីក្រសួងការពារជាតិកូរ៉េខាងត្បូងលោក​ Han Min Koo បានប៉ាន់ប្រមាណថា  កូរ៉េខាងជើង មានសារធាតុ​ plutonium ប្រមាន​៤០គីឡូក្រាម​។

លោក​ Siegfried Hecker​បានបញ្ចាក់ថា ទាំងកូរ៉េខាងត្បូងនិងលោកខាងលិចបានត្រឹមតែស្មានប៉ុណ្ណោះ ដោយមិនដឹងថា​កូរ៉េខាងជើងមានសាធាតុអ៊ុយរ៉ានីញ៉ោមនិងការចម្រើន ដល់ណានោះឡើយ៕

• កូរ៉េខាងជើង
• ថាមពល
• បរិមាណូ
• គ្រាប់បែក