រាជធានីភ្នំពេញ៖       នគរបាលខណ្ឌសែនសុខបាននិយាយថាសាកសពបុរសម្នាក់ត្រូវបានប្រជាពលរដ្ឋប្រទេះឃើញដេកស្លាប់ក្បែររបងក្នុងដីឡូត៍មួយកន្លែងក៍ប្តឹងសមត្ថកិច្ចមូលដ្ឋានចុះមកពិនិត្យ។ករណីនេះបង្កភ្ញាក់ផ្អើលកាលពីម៉ោង១៥និង៣០នាទីរសៀលថ្ងៃទី២៨កក្កដា២០១៦នៅដីឡូត៍ទំនេរមួយកន្លែងស្ថិតនៅក្រុម៩ភូមិក្រាំងអង្ក្រងសង្កាត់ក្រាំងធ្នង់ខណ្ឌសែនសុខ។សពបុរសខាងលើមិនទាន់ស្គាល់អត្តសញ្ញាណនៅឡើយដោយមានសម្បុរស្រឯមមិនមានពាក់អាវទេស្លៀកខោសាច់ក្រណាត់ខ្មៅជើងវែងសក់ស្លូតកម្ពស់ប្រហែល១.៦០ម៉ែត្រ។

យោងតាមកម្មករសំណង់នៅក្បែរនោះបាននិយាយថាកាលពីម៉ោងប្រហែល១០ព្រឹកថ្ងៃទី២៨ខែកក្កដាឆ្នាំ២០១៦ពួកគាត់បានឃើញបុរសខាងលើដើរដូចអ្នកស្រវឹងហើយមកដេកក្រោមដើមឈើក្បែរនោះហើយគាត់ក៍មិនចាប់អារម្មណ៍ដែរដោយជាប់រវល់ធ្វើការ។លុះដល់ម៉ោងខាងលើឃើញមានប្រជាពលរដ្ឋមកចោមរោមមើលទើបដឹងថាបុរសខាងលើមកដេកស្លាប់ក្បែររបងទៅវិញ។

តាមសំដីមេភូមិបានប្រាប់ថាមុនកើតហេតុខណៈដែលគាត់កំពុងដើរធ្វើការក្នុងមូលដ្ឋានស្រាប់តែមានប្រជាពលរដ្ឋទូរស័ព្ទប្រាប់គាត់ថាមានបុរសម្នាក់មកដេកស្លាប់កៀនរបងក្នុងដីឡូត៍ទំនេរមួយកន្លែងក្នុងភូមិទើបគាត់ចុះមកពិនិត្យនិងបានរាយការណ៍បន្តទៅសមត្ថកិច្ចមូលដ្ឋានអោយចុះមកពិនិត្យ។

សមត្ថកិច្ចបាននិយាយថានៅលើដងខ្លួនសាកសពមិនមានស្លាកស្នាមអ្វីគួរកត់សំគាល់ឡើយអ្នកឃើញហេតុការណ៍បាននិយាយតៗគ្នាថាប្រហែលជាគាត់ដើរហេវហត់អស់កម្លាំងមិនមានអ្វីហូបហើយមើលទៅទើបដើរមកដេកស្លាប់សង្ស័យខ្យល់គនៅកន្លែងខាងលើដូចនេះ។សពខាងលើសមត្ថកិច្ចបានយកទៅតម្កល់នៅវត្តក្រាំងធ្នង់សិនក្រែងមានសាច់ញាតិមករក។

• ប្រជាពលរដ្ឋ
• ដេកស្លាប់