ខេត្តព្រះសីហនុ៖ ជនបរទេសម្នាក់ជាជនជាតិទូគី ត្រូវបានកម្លាំងនគរបាលចរាចរណ៏ផ្លូវគោក ចាប់វ៉ៃខ្នោះ បញ្ជូនខ្លួនទៅកាន់ការិយាល័យចរាចរណ៏ភ្លាមៗដែរ បន្ទាប់ពីជនបរទេសរូបនោះ បានបើករថយន្តក្នុងស្ថានភាពស្រវឹង បុករះរឺម៉ងកង់បី និង ស្លាកយីហោអាហារដ្ឋានកូរ៉េហើយបានសម្តែងអាកប្បកិរិយាអសីលធម៏មកលើក្រុមប្រជាពលរដ្ឋ និង ភាគីជនរងគ្រោះ។ហេតុការណ៏នេះបានកើតឡើង នៅវេលាម៉ោង២៣និង០០នាទីយប់ថ្ងៃទី១៩ឧសភានៅចំនុចមុខប៉ុស្តិ៍នគរបាលទេសចរណ៏ស្ថិតក្នុងក្រុមទី១៧ភូមិ៤ សង្កាត់លេខ៤ ក្រុងព្រះសីហនុ។

យោងតាមប្រភពពីលោក វរៈសេនីយ៍ឯកអ៊ី សុខា ស្នងការរងទទួលផែនសណ្តាប់ធ្នាប់នៃស្នងការដ្ឋាននគរបាលខេត្តព្រះសីហនុដែលបានចុះអន្តរាគមន៏ដល់កន្លែងកើតហេតុ បានអោយដឹងថា នៅវេលាម៉ោង២៣និង០០នាទីយប់ថ្ងៃទី១៩ឧសភានៅចំនុចមុខប៉ុស្តិ៍នគរបាលទេសចរណ៏ស្ថិតក្នុងក្រុមទី១៧ភូមិ៤ សង្កាត់លេខ៤ ក្រុងព្រះសីហនុ មានករណីគ្រោះថ្នាក់ចរាចណ៏មួយកើតឡើង បង្ករឡើងដោយរថយន្តមួយគ្រឿង ម៉ាកស៊ីលីការពណ៏ខ្មៅ ពាក់ស្លាកលេខព្រះសីហនុ  2A 4982 បើកបរដោយឈ្មោះAKMESE ALI ភេទ ប្រុស អាយុ៤១ឆ្នាំជនជាតិ ទូគី មានមុខរបរទេសចរណ៏ ក្នុងស្ថានភាពស្រវឹង បានបើកទៅបុករឺម៉ក កង់បីមួយគ្រឿង រងការខូចខាតមធ្យម រួចបន្តទៅបុកស្លាកយីហោអាហារដ្ឋានគូរ៉េ ទ្រេត ស្ទើនឹងដួលបង្ករអោយរថយន្តខូចខាតផ្នែកខាងមុខស្ទើទាំងស្រុង ប៉ុន្តែពុំបណ្តាលអោយមនុស្សណាម្នាក់រងរបួសនោះទេ។ដោយសារតែក្រោយកើតហេតុជនបង្ករ មានអាគប្បកិរិយាអសីលធម៏ មិន គោរពច្បាប់ ពុំសហការណ៏ជាមួយសមត្ថកិច្ច ទើបសមត្ថកិច្ចសម្រេចចិត្តវ៉ៃខ្នោះបញ្ជូនខ្លួនមកកាន់ការិយាល័យ ដើម្បីអនុវត្តន៏ទៅតាមនិតិវិធីច្បាប់ ម្យ៉ាងវិញទៀតដើម្បីបញ្ជៀសនៅហេតុការណ៏ផ្សេងៗដែលអាចផ្តើមចេញពីកំហឹងរបស់ប្រជាពលរដ្ឋ។

 ដោយឡែក បើយោងតាមសាក្សីជាច្រើននៅកន្លែងកើតហេតុបានអះអាងដូចៗគ្នាថា នៅមុនកើតហេតុគេបានឃើញរថយន្តបង្ករមួយគ្រឿងនេះ បើកចុះបើកឡើងក្នុងល្បឿនមួយដ៏គ្រោះថ្នាក់ រហូតនៅវេលាកើតហេតុខណះពេល រថយន្តបើកចុះចំណោតក្នុងទិសដៅពីលិចមកកើត ស្រាប់តែរថយន្តរេចង្កូតមកឆ្វេងបុកម៉ូតូរឺម៉កកង់បីដែលចតចោល ហើយបានបន្តបុករះបង្គោលស្លាកយីហោ អាហារដ្ឋានគូរ៉េ ទ្រេតស្ទើដល់ដី បន្ទាប់មកម្ចាស់រថយន្តដែលជាជនជាតិទូគីនោះបានចេញពីរថយន្ត ស្រែកឡូឡា ស្រងេងស្រងាង ជាហេតុធ្វើអោយប្រជាពលរដ្ឋបានឃើញហេតុការណ៏ផ្ទុះកំហឹង ឡោមព័ទ្ឋជុំវិញ តែត្រូវបានសមត្ថកិច្ចមកធ្វើអន្តរាគមន៏ទាន់ពេលវេលា កុំអីប្រហែលអាចកើតជាអំពើហឹង្សា ដូចករណីជនជាតិចិនបុកមនុស្សស្លាប់កាលពីជាង១ឆ្នាំជាក់ជាពុំខាន។

• ប៉ូលីស
• រថយន្ត