|
 |
MENU
|
|
|
|
MENU
|
រាជធានីភ្នំពេញ៖លោក សៀង សុខ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញបានកោះហៅឯកឧត្តមតុ វ៉ាន់ចាន់ តំណាងរាស្ត្រគណបក្សសង្គ្រោះជាតិមណ្ឌលកណ្ដាល ឲ្យចូលបំភ្លឺនៅព្រឹកថ្ងៃទី១៦ខែឧសភា រីឯឯកឧត្តម ពិន រតនា តំណាងរាស្ត្រគណបក្សសង្គ្រោះជាតិមណ្ឌលបាត់ដំបង ឲ្យចូលបំភ្លឺនៅរសៀលថ្ងៃទី១៦ ខែឧសភាឆ្នាំ២០១៦ ក្នុងនាមជាជនសង្ស័យ ពាក់ព័ន្ធករណីអំពើពេស្យាចារ ដែលមានអ្នកនាង ខុម ចាន់តារ៉ាទី ហៅស្រីមុំ ជាជនរងគ្រោះ ។
ប៉ុន្តែកាលពីពេលកន្លងទៅ គណបក្សសង្គ្រោះជាតិ សម្រេចថា មិនអនុញ្ញាតឲ្យតំណាងរាស្ត្រទាំងពីររូប ចូលបំភ្លឺនោះទេ ដោយចាត់ទុកថាមិនត្រឹមត្រូវ ព្រោះពួកគេមានអភ័យឯកសិទ្ធិ ។
លោក គឹម សន្តិភាព អ្នកនាំពាក្យក្រសួងយុត្តិធម៌ ត្រូវបានដកស្រង់សំដីដោយលោកបានបញ្ជាក់ថា ដីកាកោះរបស់អយ្យការ ជាដំណាក់កាលស៊ើបអង្កេតបឋមរបស់អយ្យការ មុននឹងដល់ដំណាក់កាលចោទប្រកាន់ ឬតម្កល់រឿងទុកឥតចាត់កា(មាត្រា៤០ ក្រមនីតិវិធីព្រហ្មទណ្ឌ។
តាមច្បាប់រដ្ឋធម្មនុញ្ញមាត្រា៨០ ចែងថា អភ័យឯកសិទ្ធិសភា គឺគិតពីដំណាក់កាលចោទប្រកាន់ ចាប់ខ្លួន ឃាត់ខ្លួន ឬ ឃុំខ្លួន (បទល្មើសមិនជាក់ស្តែង)។ ការកោះហៅរបស់ស្ថាប័នអយ្យការលើបុគ្គលណាម្នាក់ គឺពុំមែនជាការចោទប្រកាន់ ការចាប់ខ្លួន ការឃាត់ខ្លួន ឬការឃុំខ្លួននោះទេ ៕
