រាជធានីភ្នំពេញ៖ ឯកឧត្តម ឡុង វិសាលោ រដ្ឋលេខាធិការក្រសួងការបរទេសនិងសហការអន្តរជាតិ​បានបញ្ជាក់ទៅលោកនាយឧត្តមសេនីយ៍សុខ ផល អគ្គនាយក​នៃអគ្គនាយកដ្ឋាន​អន្តោ​​ប្រវេសន៍ថាការមិនឲ្យចូលកម្ពុជាដល់ជនជាតិអេស្បាញឈ្មោះ​អាឡិចសិនត្រូ  ​ហ្គុនសា​ឡេស ​ដេវីសុន។នេះបើយោងតាមលិខិតផ្លូវការមួយ​ច្បាប់របស់ក្រសួងកា​របរទេសចថ្ងៃទី៨​ខែ​មេសា​ឆ្នាំ២០១៦​ផ្ញើជូនលោក​អគ្គនាយកដ្ឋានអន្តោប្រវេសន៍។

លោកអាឡិចត្រូវបានគេស្គាល់ថាបានផ្តួចផ្តើមគំនិតក្នុងការការពារព្រៃឈើ សត្វព្រៃនិងបរិស្ថានក្នុងតំបន់អារ៉ែង ស្រុកថ្មបាំងខេត្តកោះ។ក្នុងខែកុម្ភៈក្រសួងមហាផ្ទៃកម្ពុជាបានអះអាងថាជនជាតិអេស្បាញរូបនេះបានផុតកំណត់ទិដ្ឋាការក្នុងការស្នាក់នៅក្នុងទេសកម្ពុជានិងបានចាប់បញ្ជូនតាមយន្តហោះពិសេសមួយគ្រឿងបើទោះបីជាមានការតវ៉ាមិនចង់ឲ្យគាត់ចេញក្រៅ។

តែក្រសួងការបរទេសបានលើកឡើងថាដោយសារប្រព័ន្ធត្រួតពិនិត្យបញ្ជីខ្មៅរបស់ប្រព័ន្ធអ៊ី វីសា(e-visa)មានភាពរអាក់រអូលដោយមិនបានប្រាប់ពីសញ្ញាឲ្យដឹងបណ្តាលឲ្យការិយាល័យe-visaបានចេញវីសាឲ្យឈ្មោះAlejandro Gonzalez Davidsonកាលពីថ្ងៃទី៦​ខែ​មេសា ឆ្នាំ២០១៦។​ក្រសួងការបរទេសបានអះអាងថាក្រសួងបានជូនដំណឹងពីការលុបវីសារបស់លោកអាឡិចស៊ិនរួចរាល់ហើយ។

ក្រសួងការបរទេសបានប្រាប់ទៅអគ្គនាយកដ្ឋានអន្តោប្រវេសន៍ថាសូមជួយជូនព័ត៌មាននេះដល់មន្រ្តីអន្តោប្រវេសន៍នៅតាមច្រកទ្វារអន្តរជាតិកម្ពុជាមិនអនុញ្ញាតឲ្យឈ្មោះអាឡិចស៊ិនត្រូចូលមកកម្ពុជាទេព្រោះវីសាត្រូវបានលុបចោលវិញហើយ។

ស្របពេលជាមួយគ្នានេះដែរសកម្មជនអារ៉ែង លោក អាឡិចហ្សង់ដ្រូ ហ្គន់សាឡេស ដេវិតសិន (Alejandro Gonzalez Davidson) ត្រូវបានគេអះអាងថា​សាលាឧទ្ធរណ៍ បាន​បើក​សវនាការកាត់ទោស នា​ថ្ងៃទី៥ ខែមេសា ឆ្នាំ២០១៦កន្លង​មកនេះ ពីបទ សមគំនិតគំរាម​កំហែង​ថានឹង​ធ្វើឲ្យ​ខូចខាត​ដែលភ្ជាប់នូវបញ្ហាអ្វីមួយ  បន្ទាប់​ពីជនជាតិអេស្ប៉ាញ​រូបនេះត្រូវ​បាន​រដ្ឋា​ភិបាល​​បណ្តេញចេញពីកម្ពុជា។

យោងប្រភពពីសាលាឧទ្ធរណ៍បានអះអាងថាតាមដីកាកោះចុះថ្ងៃទី២៨ ខែមីនា ឆ្នាំ២០១៦  ព្រះរាជអាជ្ញានៃមហាអយ្យការអមសាលា​ឧទ្ធរណ៍​លោក ង៉ែត សារ៉ាត បានបង្គាប់ឲ្យលោក អាឡិច​​ ចូលទៅសាលាឧទ្ធរណ៍នាថ្ងៃទី៥ ខែ​​មេសា នៅម៉ោង៨ព្រឹក នៅបន្ទប់សវនាការទី៣ “ដើម្បី​ជំនុំជម្រះពីបទ សមគំនិត​គំរាម​កំហែង​ថា​នឹងធ្វើឲ្យខូចខាតដែលភ្ជាប់នូវបញ្ហាអ្វីមួយ”។​តែគេមិនបានទទួលព័ត៌មានពីការជម្រះក្តីរបស់សាលាឧទ្ធរណ៍យ៉ាងណានៅឡើយទេ។

ក្រោយពេលតុលាការចោទប្រកាន់ លោក អាឡិចហ្សង់ដ្រូ បានចេញសេចក្តីថ្លែង​ការណ៍​បដិសេធ ចំពោះការចោទប្រកាន់ របស់តុលាការខេត្តកោះកុង។ អាឡិចនិយាយថា «ការចោទ​ប្រកាន់​គឺគ្មានមូ​លដ្ឋានទាល់តែសោះ ដោយសារតែយុទ្ធនាការប្រឆាំងនឹងការបូមខ្សាច់របស់យើង គឺត្រូវ​បានធ្វើឡើង ស្របទៅតាមគោលការណ៍អហិង្សា និងស្របតាមរដ្ឋធម្មនុញ្ញ នៃព្រះរាជា​ណា​ចក្រកម្ពុជា»។

សេចក្តីថ្លែងការណ៍បន្ថែមថា «សកម្មភាពដែលយើងបានធ្វើ និងកំពុងធ្វើគឺស្ថិតនៅក្នុង គោលបំណងការពារធនធានធម្មជាតិ របស់ប្រទេសកម្ពុជា និងការពារជីវភាពរស់​នៅរបស់ប្រជា​នេសាទ ក្នុងតំបន់ដែលកំពុងតែត្រូវបានគំរាមកំហែង ដោយការបូមខ្សាច់ខុសច្បាប់»៕

• រដ្ឋាភិបាល
• កម្ពុជា