|
 |
MENU
|
|
|
|
MENU
|
រាជធានីភ្នំពេញ៖ ក្នុងជួបដាច់ដោយឡែកជាមួយលោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ នៅថ្ងៃទី២២ ខែមីនា ឆ្នាំ២០១៦ បានទទួលជួបពិភាក្សាការងារជាមួយលោកស្រី RHONA Smith អ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិ មនុស្សនៅកម្ពុជា ក្នុងគោលបំណងស្វែង យល់ពីសិទ្ធិរបស់ជនជាតិដើមភាគតិចនៅកម្ពុជាបានថ្លែងដោយជំរុញរដ្ឋាភិបាលកម្ពុជាឲ្យការពារជនជាតិដើមភាគតិចនៅកម្ពុជាជាពិសេសវប្បធម៌មរតកជនជាតិដើម។
បន្ទាប់ពីជំនួបពិភាក្សាយោងតាមមន្រ្តីក្រសួងវិវប្បធម៌និងចិត្រសិល្បបានបញ្ជាក់ថារដ្ឋមន្ត្រីក្រសួងវប្បធម៌និងវិចិត្រសិល្បៈបានឆ្លើយតបមន្ត្រីអង្គការសិទ្ធិមនុស្សថា កម្ពុជាការពារបានល្អនូវមរតកវប្បធម៌ជនជាតិដើមភាគតិចនៅកម្ពុជា តាមគោលនយោបាយជាតិ ពីវិស័យវប្បធម៌ ។
លោកជំទាវ រដ្ឋមន្រ្តីភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានមានប្រសាសន៍ ក្នុងជំនួប ពិភាក្សាការងារ ជាមួយលោកស្រី Rhona Smith អ្នករាយការណ៍ពិសេស ទទួលបន្ទុកសិទ្ធិមនុស្សនៅកម្ពុជានៅថ្ងៃទី២២ខែមីនានាទីស្តីការក្រសួងវប្បធម៌ថាក្រសួងបានជំរុញឱ្យមន្ទីរវប្បធម៌ នៅតាមខេត្ត ធ្វើការចងក្រង ស្រាវជ្រាវ ពីសិល្បៈវប្បធម៌ជាតិដើមភាគតិច ដូចជា របាំប្រពៃណី ទំនៀមទំលាប់រស់នៅ ដើម្បីជួយ អភិរក្ស ការពារនឹងលើកតម្លើងវប្បធម៌ជនជាតិដើមភាគតិច នៅកម្ពុជា កុំឱ្យបាត់បង់ ។
លោកជំទាវរដ្ឋមន្រ្តីបានបញ្ជាក់ប្រាប់អ្នករាយការណ៍ពិសេសរបស់អង្គការសហប្រជាជាតិថា ក្រសួងវប្បធម៌បានជួយសាងសង់សារមន្ទីរជនជាតិដើមភាគតិចដើម្បីបង្ហាញពីទំនៀមទំលាប់វប្បធម៌ប្រពៃណីជនជាតិដើមភាគតិច ។ក្រសួងវប្បធម៌បានជំរុញកម្មវិធីសិក្សាឱ្យបញ្ជូលពីប្រពៃណីជនជាតិដើមភាគតិចជាមួយក្រសួងអប់រំ និងក្រសួងទេសចរណ៍ ។
មន្រ្តីក្រសួងវប្បធម៌និងវិចិត្រសិល្បៈបានលើកឡើងថាលោកជំទាវរដ្ឋមន្រ្តីបានថ្លែងបញ្ជាក់ជូនលោក ស្រី រ៉ូណា ស្មីតទៀតថាជាមួយគ្នានេះក្រសួងបានជួយធ្វើស្លាកសញ្ញាសំគាល់ផលិតផលរបស់ជនជាតិដើមភាគតិចដើម្បីបំរើដល់វិស័យទេសចរណ៍។ការបង្ហាញអំពីការការពារមរតវប្បធម៌ជនជាតិដើមភាគតិច។
មន្រ្តីក្រសួងវប្បធម៌បានអះអាងថាការលើកឡើងរបស់រដ្ឋមន្រ្តីក្រសួងវប្បធម៌គឺធ្វើឡើងដើម្បីឆ្លើយតបនឹងការចង់ដឹងពីស្ថានភាពការរស់នៅរបស់ជនជាតិដើមភាគតិច របស់លោកស្រីRhona Smith។លោកស្រីរ៉ូណាស្មីត អ្នករាយការណ៍ពិសេស ទទួលបន្ទុកសិទ្ធិមនុស្សនៅកម្ពុជា ដែលបានមកបំពេញទស្សនកិច្ចនៅកម្ពុជារយៈពេល១០ថ្ងៃចាប់ពីថ្ងៃទី ២១ ដល់ថ្ងៃទី ៣១ ខែ មីនា ដើម្បីវាយតម្លៃអំពីការទទួលបាននូវសិទ្ធិរបស់ស្ត្រី និងជនជាតិដើមភាគតិចនៅកម្ពុជា។
លោកសជំទាវរដ្នមន្រ្តី ភឿង សកុណា បានមានប្រសាសន៍បន្តថា កម្ពុជាមានច្បាប់ការពារជនជាតិដើម តាមរយៈគោលនយោបាយជាតិ ពីវិស័យវប្បធម៌ លើការការពារជនជាតិដើមភាគតិច ។ តាមរបាយការណ៍របស់ក្រសួងផែនការ បានឱ្យដឹងថា នៅកម្ពុជា ជនជាតិដើមភាគតិចប្រមាណ៣ភាគរយមានប្រមាណ២៤ក្រុមភាសាស្មើនឹង ប្រហែល៣ម៉ឺននាក់ កំពុងរស់នៅក្នុង១៥ខេត្ត-ក្រុងទាំងប្រទេស។
នេះជាដំណើរទស្សនកិច្ចរបស់អ្នករាយការពិសេសដែលបានមកបំពេញទស្សនកិច្ចនៅប្រទេសកម្ពុជាក្នុងការវាយតម្លៃបញ្ហាសិទ្ធិមនុស្សនៅកម្ពុជានាបច្ចុប្បន្ននេះ។ក្នុងដំណើរទស្សនកិច្ចនេះលោកស្រី រ៉ូ ណាស្មីតតាមគម្រោងបន្ទាប់ពីជួបមន្រ្តីរដ្ឋាភិបាល រួចនឹងជួបខាងគណបក្សនយោបាយនិងអង្គការសង្គមស៊ីវិលមួយចំនួនផង។ជាទូទៅមុនពេលបញ្ចប់ដំណើរទស្សនកិច្ចតំណាងពីសេសរបស់អង្គការសហប្រជាតិទទួលបន្ទុកសិទ្ធិមនុស្សតែងតែរៀបចំសន្និសីទកាសែតស្តីពីរបាយការបស់ខ្លួនទៀតផង៕
