|
 |
MENU
|
|
|
|
MENU
|
រាជធានីភ្នំពេញ៖ឯកឧត្តមកឹម សុខាប្រធានស្តីទីគណបក្សសង្រ្គោះជាតិបានប្រកាសនិងចេញលិខិតអញ្ជើញថ្នាក់ដឹកនាំគណបក្សសង្រ្គោះជាតិនៅទាំងប្រទេស២៥ខេត្ត រាជធានី មកចូល រួម មហាសន្និបាតបក្សថ្នាក់ជាតិលើកទី២នៅថ្ងៃទី២៦ខែមីនាឆ្នាំ២០១៦ខាងមុខនេះ។
យោងតាមព័ត៌មានពីបណ្តាញទំនាក់ទងសង្គមរបស់ ឯកឧត្តមកឹម សុខាបានបញ្ជាក់ថាយោង តាមលក្ខន្ដិកៈគណបក្សសង្គ្រោះជាតិត្រូវប្រារព្ធធ្វើសមាជគណបក្សរៀងរាល់៥ឆ្នាំ ម្ដង ដែលសមាជលើកដំបូងបានប្រារព្ធធ្វើនៅឆ្នាំ២០១២ហើយសមាជលើកទី២នឹងប្រារព្ធធ្វើនៅឆ្នាំ២០១៧។
ឯកឧត្តមកឹម សុខាបានសរសេរដានៅចន្លោះសមាជនីមួយៗគណបក្សសង្គ្រោះជាតិត្រូវប្រារព្ធធ្វើសន្និបាតក្រុមប្រឹក្សាជាតិជារៀងរាល់២ឆ្នាំម្ដង។សន្និបាតក្រុមប្រឹក្សាជាតិលើកទី១បានប្រារព្ធធ្វើនៅឆ្នាំ២០១៤ហើយសន្និបាតក្រុមប្រឹក្សាជាតិលើកទី២នឹងត្រូវប្រារព្ធធ្វើនៅឆ្នាំ២០១៦នេះ។
ឯកឧត្តមប្រធានស្តីទីបានព្ជាក់ថា៖”ដូច្នេះក្នុងនាមគណបក្សសង្គ្រោះជាតិខ្ញុំកឹមសុខាប្រធានស្ដីទីគណបក្សសង្គ្រោះជាតិសូមគោរពអញ្ជើញសមាជិក-សមាជិកាក្រុមប្រឹក្សាជាតិទូទាំង២៥រាជធានី-ខេត្តនិងសាខាគណបក្សនៅក្រៅប្រទេសចូលរួមសន្និបាតក្រុមប្រឹក្សាជាតិលើកទី២ នៅថ្ងៃទី២៦ខែមីនាឆ្នាំ២០១៦នៅរាជធានីភ្នំពេញដែលមានលិខិតអញ្ជើញជូនភ្ជាប់មកជាមួយនេះ”។
ឯកឧត្តមប្រធានស្តីទីបានបញ្ជាក់ថាសន្និបាតក្រុមប្រឹក្សាជាតិលើកទី១ថ្ងៃទី២៧ខែកក្កដាឆ្នាំ២០១៤។នៅពេលនេះលិខិតអញ្ជើញសមាជិក-សមាជិកាក្រុមប្រឹក្សាជាតិទូទាំង២៥រាជធានីខេត្ត មាន២៥និងលិខិតអញ្ជើញតែដាក់ខេត្តកំពង់ចាមជាតំណាងលិខិតអញ្ជើញសមាជិក-សមាជិកា នៃសាខាគណបក្សនៅក្រៅប្រទេសត្រូវបានផ្សាយកាលពីថ្ងៃទី១០មីនាឆ្នាំ២០១៦នេះ។
ដោយឡែកេកឧត្តមសម រង្ស៊ីប្រធានគណបក្សសង្រ្គោះជាតិបានសរសេរនៅលើបណ្ាញសង្គមហ្វេសប៊ុករបស់លោកកាលពីថ្ងៃទី១២ខែមីនាថា៖”នៅថ្ងៃ ១៥ មិនា ២០១៦ ខាងមុខនេះ ជាខួបទី៥ នៃថ្ងៃដែលតំណាងរាស្ត្រគណបក្សប្រជាជនកម្ពុជា បានបណ្តេញខ្ញុំពីរដ្ឋសភា បន្ទាប់ពីខ្ញុំបានត្រូវតុលាការអាយ៉ង កាត់ទោសឲ្យខ្ញុំជាប់ពន្ធនាគារ១២ ឆ្នាំ ដោយសារខ្ញុំបានដកបង្គោល ដែលបរទេសឈ្លានពាន បានចូលមកបោះក្នុងទឹកដីប្រទេសកម្ពុជា នៅភូមិកោះក្បានកណ្តាល ឃុំសំរោង ស្រុកចន្ទ្រា ខេត្តស្វាយរៀង កាលពីចុងឆ្នាំ២០០៨”។
ឯកឧត្តមសម រង្ស៊ីបានសរសេរថា៖បង្គោលនោះគ្រាន់តែជាបង្គោលតម្រុយប៉ុណ្ណោះ ដែលបរទេសយកមកជន្លយើងដើម្បីបំភ័យប្រជាពលរដ្ឋខ្មែរ ដែលរស់នៅតាមដងព្រំប្រទល់ដែន។ បើយើងមិនប្រតិកម្ម បង្គោលតម្រុយនោះ នឹងក្លាយទៅជាបង្គោលស្ថាពរ ដូចនៅតំបន់ជាច្រើន តាមដងព្រំប្រទល់ដែនជាមួយប្រទេសវៀតណាម ប្រវែងជាង ១២០០ គីឡូម៉ែត្រ។
ឯកឧត្តមសម រសង្ស៊ី៖”តែដោយសារខ្ញុំបានធ្វើឲ្យមតិជាតិនិងអន្តរជាតិ ផ្អើលនៅកន្លែងដែលខ្ញុំបានដកបង្គោលនោះ ទឹកដីខ្មែរនៅតំបន់នោះ នៅតែគ្រប់គ្រងដោយជនជាតិខ្មែរដដែល ហើយដីស្រែកសិករខ្មែរនៅទីនោះ នៅតែជាទឹក ប្រទេសកម្ពុជាដដែល។ចម្លែកណាស់នៅប្រទេសកម្ពុជាសព្វថ្ងៃអ្នកការពារទឹកដី ត្រូវគេតាមចាប់ដាក់គុក តែអ្នកធ្វើឲ្យបាត់បង់ទឹកដី ធ្វើព្រងើយទៅវិញ”។
