ប្រទេសដែលមានសេដ្ឋកិច្ចអាស្រ័យទៅលើការលក់ប្រេងដូចជារុស្ស៊ីនិងប្រទេសមួយចំនួនទៀតកំពុងប្រឈមមុខកាន់តែខ្លាំង ពេលដែលតម្លៃប្រេងពិភពលោកធ្លាក់ថ្លៃពី១១៥ដុល្លារក្នុងមួយបារ៉ែនកាលពីខែមិថុនាឆ្នាំ២០១៤ នៅសល់តែ៣៣ដុល្លារប៉ុណ្ណោះនៅលើពីផ្សានាថ្ងៃទី១៤ខែមករាឆ្នាំ២០១៥។ តាមការព្យាករណ៍តម្លៃប្រេងអាចនិងធ្លាក់ថ្លៃរហូតនៅសល់តែ២០ដុល្លារក្នុងមួយបារ៉េន។

សារព័ត៌មានប៊ីប៊ីស៊ីបានផ្សាយថា តម្លៃប្រង Brent នៅក្នុងទីផ្សារពិភព លោកនាថ្ងៃទី២១ ខែធ្នូ បានធ្លាក់ថ្លៃខ្លាំង បំផុតមិនធ្លាប់មានរយៈពេលជាង១១ឆ្នាំកន្លងមកដោយសារតែប្រភព ផ្គត់ផ្គង់ សម្បូរបែបនិងការសម្រេចលក់ប្រេងទៅ ក្រៅប្រទេសរបស់អាមេរិកទៀតផង។

បើទោះបីតម្លៃប្រេងធ្លាក់ថ្លៃក៏ដោយ តែប្រទេសដែលផលិតប្រេង OPEC បានរក្សាការផលិតប្រេងដូចដើមបើទោះ ជាទទួលបានចំណូលតិចជាងមុនក៏ដោយ។តម្លៃប្រងកាន់តែធ្លាក់ថ្លៃក្រោយពេល សភាអាមេរិកបានសម្រេចឱ្យអាមេរិកលក់ប្រេងចេញទៅក្រៅប្រទេសជា លើកដំបូងរបស់ខ្លួនក្នុងរយៈពេល៤០ឆ្នាំកន្លងមក ។ ចំណុចទាំងនោះបានធ្វើឱ្យមនុស្ស ជាច្រើនបានដាក់សំណួរសួរថាហេតុអ្វី បានជាអាមេរិកឱ្យលក់ប្រេងចេញក្រៅ ប្រទេសនៅពេលនេះ? ខណៈដែលអ៊ីរ៉ង់ ក៏រួចទណ្ឌកម្មហើយអាចលក់ប្រេងចេញ ទៅក្រៅប្រទេសដោយមិនមានសម្ពាធណាមួយដូចមុនឡើយ ។

អឺរ៉ុបគឺជាប្រទេសដែលមានប្រេង ហ្គាស់ធម្មជាតិឈរលំដាប់លេខពីរបន្ទាប់ ពីរុស្ស៊ីហើយអ៊ីរ៉ង់បានជំនួសតំណែងរុស្ស៊ីលក់ទៅកាន់ទីផ្សារ នៅក្នុងតំបន់អឺរ៉ុប ធ្វើឱ្យរុស្ស៊ីមិនអាចដាក់គំនាបទៅលើអឺរ៉ុប បានដូចកាលពីមុនឡើយ ។អ្វីដែលគេចាប់អារម្មណ៍នោះតើអាមេ រិកអាចប្រកួតប្រជែងនៅក្នុងទីផ្សារប្រេង ក្នុងតំបន់អាស៊ីដែរឬទេដែលជាទីផ្សារ ចុងក្រោយរបស់រុស្ស៊ី? ប្រសិនបើអាមេ រិកមកកាន់តំបន់អាស៊ីដែរនោះរុស្ស៊ី ប្រាកដជាស្លាប់ដោយមិនចាំបាច់វាយ ប្រហារឡើយ ៕