កាលពីថ្ងៃទី១០ខែមីនា ក្រុមដំណាងនៅក្នុងរដ្ឋសភាមីយាម៉ា  ព្រមទាំងព្រឹទ្ធភា កម្លាំងទាហានបានប្រកាសបញ្ចីឈ្មោះបេក្ខភាពប្រធានាធិបតី ដោយធ្វើការបោះឆ្នោតសម្រេចចុងក្រោយនាថ្ងៃទី១៧ឬ១៨ខែមីនាខាងមុខ។

បញ្ចីឈ្មោះបេក្ខភាពដំណាងឲ្យរដ្ឋភា មានលោកU Htin Kyaw មកពីគណបក្ស សម្ព័ន្ធមិត្តដើម្បីប្រជាធិបតេយ្យរបស់លោកស្រីអ៊ុងសានស៊ូជី ហើយក៏ជាអតីត អ្នកបើកបររថយន្តឲ្យលោកស្រី ។ ចំណែកគណបក្សសមគ្គីដើម្បីអភិវឌ្ឈន៍ បានជ្រើសរើសលោកSai Mauk ជាបេក្ខភាពសម្រាប់ការបោះឆ្នោតនាពេលដ៏ខ្លីខាងមុខ។

ក្នុងពេលនេះបញ្ចីឈ្មោះដំណាងឲ្យព្រឹទ្ធភារួមមាន លោកU Henry Van Htee Yu មកពីគណបក្ស ប្រជាធិបតេយ្យ  និងលោកU Khin Aung Myint មកពីគណបក្សសាមគ្គិដើម្បីអភិវឌ្ឍន៍។

តាមកម្រោងក្រុមដំណាងឲ្យរដ្ឋសភា ព្រឹទ្ធភានិងយោធា ត្រូវជ្រើសរើសបេក្ខភាពរបស់ខ្លួន សម្រាប់ការបោះឆ្នោតប្រធានាធបិតីចុងក្រោយនៅក្នុងកិច្ចប្រជុំសភា។ បេក្ខភារូបណាដែលទទួលបានការគាំទ្រច្រើននោះនឹងក្លាយជាប្រធានាធិបតី ចំណែកអ្នកដែលទទួលបានសម្លេងគាំទ្របន្ទាប់កាន់ដំណែងជាអនុប្រធានាធិតី។

ជាមួយគ្នានោះលោកស្រីអងសានសូជីបានអំពាវនាវដល់ប្រជាពលរដ្ឋមីយានម៉ាទាំងមូលគាំទ្រដល់បេក្ខភាពប្រធានាធិបតីដែលគណបក្សរបស់លោកស្រីបានជ្រើសរើសរួម។ ប្រភ័ពព័ត៌មានបានឲ្យដឹងថា លោកស្រីស៊ូជីនឹងកាន់ដំណែងជារដ្ឋមន្ត្រីក្រសួងការបរទេស  ដើម្បីបង្កើតទំនាក់ទំនងជាមួយសហគមន៍អន្តរជាតិឲ្យមកជួយដល់ការអភិវឌ្ឍន៍សេដ្ឋកិច្ចនៅក្នុងប្រទេសនេះ។

នៅក្នុងការបោះឆ្នោតនាពេលខាងមុខបេក្ខភាពមកពីគណបក្សរបស់លោកស្រីអ៊ុងសានស៊ូជី មានសង្ឃឹមខ្ពស់ដោយសារតែគណបក្សនេះមានសម្លេងភាគច្រើននៅក្នុងស្ថាប័នសំខាន់ៗទាំងនោះ ៕

• អ៊ុង សាន ស៊ូ ជី
• ំ
• រដ្ឋមន្ត្រី