រាជាធានីភ្នំពេញ៖  ព្រឹត្តិការណ៍ស៊ីហ្គេម លើកទី២៩ នៅទីក្រុងកូឡាឡាំពូរ ប្រទេសម៉ាឡេស៊ី នាថ្ងៃទី១៩ ដល់ថ្ងៃទី៣១ ខែសីហា ឆ្នាំ២០១៧ខាងមុខនេះ លោកវ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា(NOCC) លោកវ៉ាត់ ចំរើន បានមានប្រសាសន៍ថាកម្ពុជាត្រៀមរួចរាល់ ក្នុងការដណ្ដើមមេដាយមកជូនជាតិ ក្នុងការប្រកួតកីឡាដ៍ធំនេះ។

សមាសភាពកីឡាករ កីឡាការិនី ដែលត្រូវបានជ្រើសរើសយកទៅកួតកីឡាស៊ីហ្គេមនោះ ធ្វើឡើងតាមរយៈការប្រមូលផ្តុំនៅមជ្ឈមណ្ឌលជាតិហ្វឹកហ្វឺនកីឡា ដោយផ្អែកទៅលើសមត្ថភាព និងគុណភាពរបស់សហព័ន្ធកីឡាជាតិនីមួយៗ ។

លោកបន្តថា ការរៀបចំការជ្រើសរើសឲ្យមានលទ្ធផលល្អនេះ យើងកំពុងត្រៀមលក្ខណៈធ្វើយ៉ាងណាឲ្យសហព័ន្ធមួយចំនួន ថ្វីដ្បិតមិនទាន់អាចឈានទៅប្រកួតប្រជែង ដណ្តើមយកមេដាយជាមួយបណ្តាលប្រទេសក្នុងតំបន់បាន ប៉ុន្តែយើងកំពុងរៀបចំប្រៀបធៀបកម្រិតបច្ចេកទេស (គុណផល) នៃសហព័ន្ធជាតិនីមួយៗ ជាមួយបណ្តាសហព័ន្ធផ្សេងៗនៅតាមបណ្តាល ប្រទេសផ្សែងៗក្នុងតំបន់ ដែលត្រូវបញ្ជូនអត្តពលិករបស់ខ្លួនទៅចូលរួមប្រកួតដណ្តើមយកមេដាយ នៅស៊ីហ្គេមលើកទី២៩ នៅទីក្រុងកូឡាំឡាំពូរនោះដែរ ។ ប្រសិនបើគុណផល ឬហៅថា(ប៉ិកការម៉ង់)មានកម្រិតខ្ទាប់ពេក ក៏មិនអាចបញ្ជូនទៅចូលរួមបានទេ ។

លោកវ៉ាត់ ចំរើនបានមានប្រសាសន៍ថា កីឡាប្រយុទ្ធមួយចំនួន ដូចជា កីឡាប៉េតង់ ប្រដាល់សាកល វ៉ូស៊ូ តេក្វាន់ដូ និងតឺន្នីស ដែលភាគច្រើនគឺជាប្រភេទកីឡាប្រយុទ្ធ ដែលអាចឈានទៅរកមេដាយ បាន ដោយងាយស្រួល ដែលអាចឈានទៅដណ្តើមយកមេដាយមាស ប្រាក់ និងសំរឹទ្ធិ ហើយកីឡាផ្សែងទៀតក៏អាចឈានទៅរកមេដាយដែរ ប៉ុន្តែយើងកំពុងតែជំរុញ ការហ្វឹកហាត់ឲ្យដល់កម្រិតមួយដែលសង្ឃឹមថាអាចឈានទៅរកមេដាយបាន។

គួររំលឹកថា អត្តពលិកកម្ពុជាបច្ចុប្បន្នកំពុងស្ថិតក្នុងជំរុះប្រមូលផ្តុំហ្វឹកហាត់ ក្រោមការផ្គត់ផ្គងពីក្រសួងអប់រំយុវជន និងកីឡា គ្រប់គ្រងដោយមជ្ឈមណ្ឌលជាតិ ហ្វឹកហាត់កីឡា មកពីសហព័ន្ធកីឡាជាតិជាង២០៕ដោយ បូរិន

• ម៉ាឡេស៊ី
• ព្រឹត្តិការណ៍
• SEA GAME