រាជធានីភ្នំពេញ ៖ មុខសញ្ញាចែកចាយ និងប្រើប្រាស់ថ្នាំញៀនយ៉ាងសកម្មចំនួន ៤នាក់ ត្រូវបានកម្លាំងអាជ្ញាធរចម្រុះ មានកម្លាំងប្រជាការពារ និងអាវុធហត្ថដឹកនាំដោយលោក គួច ចំរើន អភិបាលខណ្ឌដូនពេញ និងជាប្រធានគណហបញ្ជាការឯកភាពខណ្ឌ ធ្វើការបង្ក្រាបបានជាក់ស្តែងនៅចំណុចខ្ទមតូចមួយកន្លែង នៅក្បែរផ្លួវរទេះភ្លើង ស្ថិតក្នុងភូមិ២ សង្កាត់ស្រះចក ខណ្ឌដូនពេញ រាជធានីភ្នំពេញ កាលពីវេលាម៉ោង ១២ និង ៣០នាទីថ្ងៃទី០២ ខែមិនា ឆ្នាំ២០១៦ ។

លោកគួច ចំរើន អភិបាលខណ្ឌដូនពេញ ដែលដឹកនាំកម្លាំងចុះបង្ក្រាបផ្ទាល់បានមានប្រសាសន៍អោយដឹងថា មុនឈានដល់ការឃាត់ខ្លួន គឺដំបូងឡើងកម្លាំងអាជ្ញាធរចុះរដ្ឋបាលដើម្បីមើលការខុសត្រូវក្បែរភូមិសាស្ត្រនេះតែប៉ុណ្ណោះ ដើម្បីរក្សាសន្តិសុខសណ្តាប់ធ្នាប់ជូនពលរដ្ឋ ។ ខណះកំពុងចុះរដ្ឋបាលនោះអាជ្ញាធរបានប្រទះឃើញខ្ទមជាច្រើនដែលសាងសង់រស់នៅផ្តេសផ្តាសលើផ្ទៃដីក្បែរនោះ ក៏ដូចជាក្បែរផ្លូវរទេះភ្លើង ទើបអាជ្ញាធរសម្រេចចុះរុះរើស ប៉ុន្តែខណះពេលរុះរើរនោះ ក៏ប្រទះឃើញ ឧបករណ៍ ក៏សម្ភារះប្រើប្រាស់មួយចំនួនធំ ទើបអាជ្ញាធរសម្រេចឃាត់ខ្លួនមនុស្ស៤នាក់ ដែករស់នៅក្នុងខ្ទមនោះ ភ្លាមៗតែម្តង យកទៅកាន់ទីបញ្ជាការអាវុធហត្ថខណ្ឌ ដើម្បីសាកសួរនាំបន្ថែម ។ ដោយឡែកខ្ទមខាងលើត្រូវរុះរើរចោល ។

លោកអភិបាលខណ្ឌបញ្ជាក់ថា ជនទាំង៤នាក់ដែលត្រូវឃាត់ខ្លួនគ្រាន់តែជា ជនរងគ្រោះដោយសារថ្នាំញៀនញៀនតែប៉ុណ្ណោះ ដូច្នេះហើយ អាជ្ញាធរនឹងបញ្ចូនខ្លួនពួកគេទៅកាន់ មន្ទីរសង្គមកិច្ចអតីតយុទ្ធជន និងយុវនីតិសម្បទា ដើម្បីអប់រំណែនាំ តាមនីតិវិធី ៕

• បង្ក្រាបមុខសញ្ញា
• ំ
• ប្រាស់ថ្នាំញៀន