រាជធានីភ្នំពេញ៖   នៅព្រឹកថ្ងៃទី២៥ ខែមេសា ឆ្នាំ២០១៧ គណបក្សសង្រ្គោះជាតិ នឹងរៀបចំសមាជជាថ្មីដើម្បីពិនិត្យលើការរៀបចំអនុប្រធាន ឱ្យស្របតាមលក្ខន្តិកៈ ដែលទទួលស្គាល់ ដោយក្រសួងមហាផ្ទៃ។សមាជជាថ្មីនេះនឹងធ្វើឡើងក្រោមអធិបតីភាពលោក កឹម សុខា ប្រធានគណបក្សសង្រ្គោះជាតិ។

ការរៀបចំសមាជនេះស្របពេលដែលក្រសួងមហាផ្ទៃប្រកាសថាការសមាជរបស់គណបក្សសង្រ្គោះជាតិកាលពីថ្ងៃទី២មីនាឆ្នាំ២០១៧ជ្រើសរើសអនុប្រធានចំនួន៣រូបមិនត្រូវតាមលក្ខន្តិកៈបក្សតែទទួលស្គាល់ឯកឧត្តមកឹម សុខាជាប្រធាន។សមាជគណបក្សសង្រ្គោះជាតិបន្ទាប់ពីឯកឧត្តមសម រង្ស៊ីបានលាលែងពីប្រធានបក្ស.

កាលពីថ្ងៃទី០៥ ខែមេសាឆ្នាំ២០១៧ក្រសួងមហាផ្ទៃបានចេញលិខិតទទួល ស្គាល់លោកឯកឧត្តម សុខា ជាប្រធានគណបក្សសង្រ្គោះជាតិជំនួសតំណែងលោក សម រង្ស៊ីក្រោយដែលគណបក្សនេះដាក់លិខិតទៅកាន់ក្រសួងមហាផ្ទៃ។ប៉ុន្តែទោះជាយ៉ាងណាក្រសួងមានសមត្ថកិច្ចមួយនេះមិនទទួលស្គាល់ចំពោះ តំណែងអនុប្រធាន ទាំង៣រូប របស់គណបក្សប្រឆាំងនោះទេ។

គួរបញ្ជាក់ថាក្រសួងមហាផ្ទៃ ធ្លាប់បានបញ្ជាក់ថា  ការជ្រើសរើសឯកឧត្តម ប៉ុល ហំម ឯកឧត្តមស្រី មូរ សុខហួរ និងឯកឧត្តម អេង ឆៃអ៊ាង ជាអនុប្រធានគណបក្សសង្រ្គោះជាតិ កាលពីថ្ងៃទី០២ ខែមេសា ឆ្នាំ២០១៧នោះ នៅតែមិនទាន់ស្របតាមប្រការ៤៧ថ្មីនៃលក្ខន្តិកៈរបស់គណបក្សសង្រ្គោះជាតិដោយសារការជ្រើសតាំងនេះហួសរយៈពេល ៣០ថ្ងៃ គិតចាប់តាំងពីថ្ងៃ លោក សម រង្ស៊ី បានលាលែងពីតំណែងប្រធានបក្ស៕

• គណបក្ស
• សង្រ្គោះជាតិ
• លក្ខន្តិកៈ