រាជធានីភ្នំពេញ៖  លោកប៊ីត រីស្នើ អាយុ៧០ឆ្នាំជាស្ថាបនិកនៃមន្ទីរពេទ្យគន្ធបុប្ផា ត្រូវបានបុគ្គលិកបានលើកឡើងនៅថ្ងៃទី២៤ខែមេសាឆ្នាំ២០១៧នេះថាលោកបានជាសះស្បើយនិងបានចាកចេញពីមន្ទីរពេទ្យក្នុងប្រទេសស្វីសទៅសម្រាកនៅផ្ទះរបស់ហើយ។

បុគ្គលិកពេទ្យគន្ធបុប្ផាបាននិយាយថាលោកប៊ិត រីស្នើ បានធ្លាក់ខ្លួនឈឺកាលពីកំឡុងខែមីនាឆ្នាំ២០១៧និងបានសម្រាក់ព្យាបាលនៅមន្ទីរពេទ្យមួយក្នុងប្រទេសស្វីសជាស្រុកកំណើតរបស់លោក។លោកជាវេជ្ជបណ្ឌិតម្នាក់ដែលបានមកកាន់ប្រទេសកម្ពុជាកំឡុងឆ្នាំ១៩៩៣និងបានបង្កើតមន្ទីរពេទ្យគន្ធបុប្ផាដើម្បីជួយព្យាបាលកុមារកម្ពុជាដោយមិនគិតថ្លៃ។ចាប់ពីពេលនោះមកលោកបានបង្កើតសាខាមន្ទីរពេទ្យគន្ធបុប្ភាចំនួន៥នៅក្នុងរាជធានីភ្នំពេញនិងខេត្តសៀមរាប។

មន្ទីរពេទ្យគន្ធបុប្ផាបានព្យាបាលកុមារកម្ពុជារាប់ម៉ឺនអ្នកមិនប្រកាន់មកពីគ្រប់ខេត្តក្រុងនៅទូទាំងប្រទេស។រាល់ព្រឹកកុមាររាប់រយនាក់មកពីជិតឆ្ងាយបានមកកាន់មន្ទីពេទ្យគន្ធបុប្ផាដើម្បីសេវាព្យាបាលជម្ងឺគ្រប់ប្រភេទ។ក្នុងពេលលោកមានជម្ងឺសម្រាកព្យាបាលនៅក្នុងមន្ធីរពេទ្យពលរដ្ឋខ្មែរបានបន់ស៊្រន់ឲ្យលោកបានជាសះស្បើយឆាប់ៗ។

• ប៊ីត រីស្នី
• មន្ទីរពេទ្យ
• ស្ថាបនិក
• ំ