រាជធានីភ្នំពេញ៖  នៅទីបំផុតមច្ចរាជបានឆក់យកជីវិតប្រពន្ឋ រិន សាវ៉េត ហើយក្រោយសម្រាកព្យាបាលអស់ជាច្រើនខែបង្កឲមានការតក់ស្លត់ទាំងមជ្ឈដ្ឋានសិល្បៈនិងក្រៅសិល្បៈផងដែរ។

ភរិយាលោករិន សាវ៉េតដែលរងនូវជំងឺមហារីកសុដន់កម្រិតធ្ងន់ធ្ងរបានព្យាបាលតាំងពីចុងឆ្នាំ២០១៦រហូតមកទល់ពេលនេះបានលាចាកលោកនេះហើយដោយធ្វើឲស្វាមីលោករិន សាវ៉េតតក់ស្លត់និងសោកស្តាយយ៉ាងខ្លាំងព្រមទាំងសិល្បករមហាជនទាំងអស់ចូលរួមសោកស្តាយដំណឹងអកុសលនេះផងដែរ។

ប្រពន្ឋតារាចម្រៀងនេះទទួលនូវមរណៈភាពកាលពីរសៀលថ្ងៃទី២៣មេសាឆ្នាំ២០១៧វេលាម៉ោង៣ជាងនៅមន្ទីរពេទ្យរូស្សី។ លោករិន សាវ៉េតប្រាប់ថាសពរបស់ភរិយាលោកនឹងដឹកតាមឡានពេទ្យយកទៅធ្វើបុណ្យនៅស្រុកត្រាំកក់ខេត្តតាកែវឃុំខ្វាវដោយពេទ្យចាក់ថ្នាំបារ៉តទុករយៈពេល៥ថ្ងៃតែការធ្វើបុណ្យមិនទានមដឹងថារៀបចំឲបានប្រាប់ថ្ងៃនោះទេ។

នេះជាដំណឹងសម្រាប់អំពាវនាវដល់សិល្បករមហាជនបានជ្រាបជាដំណឹងនិងចូលរួមរំលែកទុក្ខទាំងអសមគ្នាផងដែរ។

តាមការបញ្ជាក់ពីលោក រិន សាវ៉េត បានឲ្យដឹងថា ភរិយាដោយដំបូងឡើយអាការ មិនសូវជាធ្ងន់ធ្ងរឡើយ ប៉ុន្តែក្រោយបានចាក់ថ្នាំគីមី បន្ថែមដើម្បីសម្លាប់មេរោគមហារីកដែលមានពីមុនមក ជំងឺកាន់តែធ្វើទុក្ខឡើងៗ។

លោកថា មិនត្រឹមតែមានជំងឺមហារីកត្រង់សុដន់១មុខឡើយ ភរិយារបស់លោកត្រូវបានមេរោគនោះរីករាលដាលស្ទើរពេញខ្លួនទាំងអស់ហើយ ពោលគឺនៅត្រង់ខួរក្បាល និងសួតជាដើម ក៏មានដែរ។ លោកបានរៀបរាប់បន្តថា ភរិយារបស់ខ្លួនបន្ទាប់ពីចាក់ថ្នាំគីមីលើកទី៤មក បានធ្វើទុក្ខដល់ខួរក្បាល ក្បាលចាប់ផ្ដើមឈឺកាន់តែខ្លាំងស្ទើរផ្ទុះសន្លប់ ដោយទ្រាំមិនបានក៏នាំមកសម្រាកនៅមន្ទីរពេទ្យ។

បន្ទាប់មកគ្រូពេទ្យ បានយកទៅស្គែនមើលក្បាល ក៏ឃើញមេរោគមហារីកនោះនៅក្នុងខួរក្បាលទៀត។ បន្ទាប់មកចាក់ថ្នាំគីមីព្យាបាលនៅត្រង់ខួរក្បាលក៏នាំឲ្យហត់ គ្រូពេទ្យពិនិត្យសួតមើល ឃើញមានមហារីកនៅត្រង់សួតទៀត។

• រិន សាវ៉េត
• មរណៈភាព