រាជធានីភ្នំពេញ ៖ មនុស្ស២នាក់បានស្លាប់ និង២នាក់ផ្សេងទៀតត្រូវរងរបួសធ្ងន់ធ្ងរក្នុងហេតុការណ៍គ្រោះថ្នាក់ចរាចរណ៍ម៉ូតូ២គ្រឿង បានបុកគ្នាពេញទំហឹងលាន់ដូចរន្ទះ កាលពីវេលាម៉ោង១០និង៣០នាទី យប់ថ្ងៃទី២២ ខែមេសា ឆ្នាំ២០១៧ ស្ថិតតាមបណ្តោយផ្លូវជាតិលេខ៤ ក្នុងភូមិថ្មដា សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ។

ជនរងគ្រោះទាំង២នាក់ ដែលបានបង់ជីវិតនោះទី១ឈ្មោះសុីម ដា អាយុ៣១ឆ្នាំ ស្នាក់នៅភូមិគោកពពេលឃុំរមាសហែក ស្រុកអង្គស្នួល ខេត្តកណ្តាល ជិះម៉ូតូឌ្រីស៊េរីឆ្នាំ២០១៥។ ទី២ឈ្មោះហែម ណានអាយុ៣៥ឆ្នាំស្នាក់នៅស្រុកអង្គស្នួលខេត្តកណ្តាល មានស្រុកកំណើតនៅខេត្តព្រៃវែង ជិះម៉ូតូឌ្រីស៊េរីឆ្នាំ២០១៦។

ប្រភពពត៌មានពីកន្លែងកើតហេតុ បានឱ្យដឹងថានៅមុនពេលកើតហេតុដោយសារ តែស្ថានភាពផ្លូវងងឹតផងនោះមានម៉ូតូមួយគ្រឿងម៉ាកឌ្រីមសេ១២៥សេរីឆ្នាំ២០១៥ ពាក់ស្លាកលេខភ្នំពេញ1CT 7890 ជិះដោយបុរស២នាក់ ក្នុងល្បឿនយ៉ាងលៀនទិសដៅពីលិចទៅកើតលុះ មកដល់ចំណុចកើតហេតុក៏បានវ៉ារថយន្តមួយគ្រឿងទៀត មិនស្គាល់ម៉ាក និងស្លាកលេខដែលបើកនៅខាងមុខរួច ក៏ជ្រុលចង្កូតទៅបុកជាមូយម៉ាកឌ្រីមសេ១២៥សេរី ឆ្នាំ២០១៦ពណ៌ខ្មៅ ពាក់ស្លាកលេខភ្នំពេញ1FL 7684 កំពុងតែជិះគ្នា២នាក់ ក្នុងល្បឿនលៀនជាន់ហ្រ្វាង្គមិនទាន់ក៏បុកគ្នា ពេញទំហឹងដួលមកលើផ្លូវហើយត្រូវរថយន្ត ដែលម៉ូតូ០១៥វ៉ាបុកថែមទៀត តែគេមិនដឹងថាបុក ដោយរបៀបណានោះទេ ព្រោះកន្លែងកើតហេតុងងឹតខ្លាំងពេក គេគ្រាន់តែឃើញស្លាកស្នាមបន្សល់ទុកនៅកន្លែងកើតហេតុ គឺបំណែកកញ្ចក់រថយន្តប៉ុណ្ណោះ ហើយរថយន្តបានបន្ថែមល្បឿន គេចខ្លួមបាត់ទៅហើយដោយបន្សល់ទុក ឱ្យជនរងគ្រោះ២នាក់ស្លាប់និង២នាក់ទៀតរងរបួសធ្ងន់។

ក្រោយពេលកើតហេតុជនរងគ្រោះ ដែលរបួសធ្ងន់ត្រូវបានដឹកទៅសង្គ្រោះនៅមន្ទីពេទ្យ ចំណែកជនរងគ្រោះដែលស្លាប់ត្រូវបានសមត្ថកិច្ច ប្រគល់ឱ្យក្រុមគ្រួសាយកទៅធ្បើបុណ្យតាមប្រពៃណី ។ ចំណែកម៉ូតូទាំង២គ្រេឿងត្រូវបាននគរបាលជំនាញអូសវាស់វែងយកទៅកាន់ ការិយាល័យចរាចរណ៍ជើងគោកក្រុងភ្នំពេញ រងចាំបន្តនីតិវិធីនៅពេលក្រោយ ៕

• បុកគ្នាពេញទំហឹង
• ផ្លូវជាតិលេខ៤