រាជធានីភ្នំពេញ៖ ហេតុការណ៍គ្រោះថ្នាក់ចរាចរណ៍ដ៏រន្ធត់មួយបានកើតឡើងរវាងម៉ូតូពីរគ្រឿងបានបុកគ្នាយ៉ាងពេញទំហឹងបណ្ដាលអោយមានមនុស្សរហូតទៅដល់ចំនួន៦នាក់រងរបួសធ្ងន់ ហើយក្រោយពីបញ្ជូនទៅមន្ទីរពេទ្យគឺបានស្លាប់បាត់បង់ជីវិត្តចំនួនបីនាក់ចំណែកបីនាក់ទៀតនៅក្នុងស្ថានភាពសង្គ្រោះបន្ទាន់។

ហេតុការណ៌នេះបានកើតឡើងនៅវេលាម៉ោង០១និង៣៥នាទីរំលងអាធ្រាត ឈានចូលថ្ងៃទី១៣ ខែកុម្ភះ ឆ្នាំ២០១៧ នៅជំណុចខាងមុខវត្តឩណាឡោម តាមបណ្ដោយផ្លូវព្រះសុីសុវត្តិ ស្ថិតក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ។  

ប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុគេបានឃើញម៉ូតូម៉ាកហុងដាឌ្រីមសេ១២៥ ពណ៍ខ្មៅពាក់ស្លាកលេខ ភ្នំពេញ1AC-2156 បើកបរដោយបុរសម្នាក់និងរួមដំណើរជាមួយបុរសនិងនារីមានផ្ទៃពោះពីរនាក់ទៀតដោយធ្វើដំណើរតាមបណ្ដោយផ្លូវព្រះសុីសុវត្តិទិសដៅពីត្បូងទៅជើង ពេលមកដល់ចំណុចកើតហេតុស្រាបលតែមានម៉ូតូមួយគ្រឿងទៀតម៉ាកហុងដាឌ្រីមសង់សេ១២៥ ពណ៍ខ្មៅពាក់ស្លាកលេខ កំពង់ចាម1G-1703 ជិះដោយបុរសបីនាក់ធ្វើដំណើរបញ្ច្រាសទិសគ្នាហើយបកក្នុងល្បឿនលឿនបានជ្រុលបុកគ្នាពេញទំហឹងបណ្ដាលអោយម៉ូតូទាំងពីរគ្រឿងខូចខាតផ្នែកខាងមុខទាំងស្រុងចំណែកអ្នកជិះលើម៉ូតូទាំង៦នាក់រងរបួសធ្ងន់ទាំងអស់។

ក្រោយកើតហេតុរថយន្ដសង្គ្រោះបន្ទាន់បានដឹកជនរងគ្រោះទាំងអស់ទៅសង្គ្រោះនៅមន្ទីរពេទ្យកាល់ម៉ែត្រ តែពេលដឹកដល់ពាក់កណ្ដាលផ្លូវគឺជនរងគ្រោះម្នាក់បានដាច់ខ្យល់ស្លាប់បាត់ទៅហើយនិងពីរនាក់ទៀតស្លាប់ពេលទៅដល់មន្ទីរពេទ្យ ចំណែកបីនាក់ទៀតគឺស្ថិតក្នុងស្ថានភាពសង្គ្រោះបន្ទាន់។  ក្រោយពីធ្វើការវាស់វែងរួចសមត្ថកិច្ចបានយកម៉ូតូទាំងពីរគ្រឿងទៅរក្សាទុកនៅការិយាល័យចរាចរណ៍រាជធានីភ្នំពេញដោះស្រាយតាមនិតិវិធីច្បាប់ ចំណែកសពជនរងគ្រោះសមត្ថកិច្ចទំនាក់ទំនងទៅក្រុមគ្រួសារអោយមកទទួលយកទៅធ្វើបុណ្យតាមប្រពៃណី៕

• បុកគ្នាពេញទំហឹង
• ស្លាប់
• រងរបួសធ្ងន់