រាជធានីភ្នំពេញ៖  បុរស៣នាក់ពាក់ពន្ធករណីគុបបំបែកកញ្ចក់រថយន្ត និងគំរាមថា និងសម្លាប់ ទៅ លើ នារីម្នាក់ ដែលជាប្អូនឧកញ៉ាជំនួយការមេទាហ៊ាន កាលពីថ្ងៃទី៣ ខែមេសា ២០១៧ ត្រូវ បានសមត្តកិច្ចនគរបាលហ្មទណ្ឌក្រសួង ចាប់ខ្លួនបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់ ។

បុរសជនសង្ស័យ៣នាក់នោះមាន១.ឈ្មោះ ប៊ុន រតនា ហៅ អូន អាយុ៣០ឆ្នាំ ស្នាក់ នៅសង្កាត់ បឹងកេងកង១ ខណ្ឌចំការមន ២.ឈ្មោះ ហួន តារ៉ារិទ្ធី អាយុ២២ឆ្នាំ ស្នាក់ ផ្ទះលេខ៥៧D ផ្លូវ លេខ ៣៤៨ សង្កាត់ទួលស្វាយព្រៃ១ ខណ្ឌចំការមន និង៣.ឈ្មោះ កែវ គុណនរា ហៅ តឿ អាយុ២៤ឆ្នាំ ស្នាក់នៅផ្ទះលេខ១៥E0 ផ្លូវលេខលេខ៥ សង្កាត់ផ្សារកណ្តាល១ ខណ្ឌដូនពេញ រាជធានីភ្នំពេញ ។

ទាក់ទិន និងការចាប់ឃាត់ខ្លួនបុរស៣នាក់នោះ បញ្ជូនទៅសាលាដំបូង ត្រូវបានសមត្ថកិច្ចឲ្យដឹងថា ដើមបណ្តឹងក្នុងរឿងគឺជាស្រ្តីម្នាក់មានមុខរបរលក់ឡេ ។ សមត្តកិច្ចឲ្យដឹងទៀតថា ដើមចមពីដំបូងមានស្រ្តី២នាក់ជាមិត្តភ័ក្រគ្នា និងប្រកបមុខរបរលក់ឡេលាបខ្លួនដូចគ្នា ក្រោយមកនារីដើមបណ្តឹង ដែលជាស្រីស្នេហ៍ឧកញ៉ាជំនួយការមេទាហ៊ាន លក់ដាច់ជាងមិត្តភក្រ័ ពេក ធ្វើឲ្យមិត្តភក្រ័ម្នាក់នោះអត់ចិត្ត កើតក្តីច្រណែនជាមួយគ្នាញឹកញាប់ រហូតមិត្តភក្រ័ម្នាក់នោះបានពឹងពាក់ បុរស៣នាក់ខាងលើឲ្យទៅវាយ និងគុបកញ្ចក់រថយន្តដើមបណ្តឹង ព្រមទាំងបង្ហោះហ្វេសប៊ុកគំរាមថា និងសម្លាប់ជាញឹកញាប់ កាលពីថ្ងៃទី១៧ កក្កដា ២០១៦ ។

ដើមបណ្តឹងដំបូងជិះរថយន្តម៉ាកព្រុស ដល់ពេលគេគុបបែកកញ្ចក់ម្តងទៅនាងលក់ចោល  ហើយក៏ទិញរថយន្តម៉ាកឡិចស៊ីសប្រើវិញ ។ សមត្តកិច្ចបន្តថា ពេលដើមបណ្តឹងទិញរថយន្តឡិចស៊ីសប្រើ  ត្រូវគេចោលបែកកញ្ចក់ម្តងទៀត ពេលនោះដើមបណ្តឹងឆែកកាមេរ៉ាសុវត្តិភាព មើលទៅឃើញមនុស្សដដែលធ្វើសកម្មភាព គប់កញ្ចក់រថយន្តរបស់នាង ។ បន្ទាប់មកនាងបានដូរកញ្ចក់រថយន្តប្រើប្រាស់វិញ ស្រាប់តែថ្ងៃទី ២៤ មីនា ២០១៧ ក្រុមដដែលនោះលបគប់បែកម្តងទៀត ។ ក្រោយមកនៅថ្ងៃទី២៨ មីនា ជនដដែលបានគុបកញ្ចក់រថយន្តរបស់នាងបែកម្តងទៀត សរុបទៅទង្វើដែលបុរស៣នាក់នេះ បានធ្វើទៅលើដើមបណ្តឹងគុបបំបែកកញ្ចក់រថយន្តនាងចំនួន៣ដង ទើបនាងទ្រាំលែងបាន ក៏ ប្តឹងសមត្តកិច្ចឲ្យជួយចាត់ការតាមផ្លូវច្បាប់ ។

បុរសទាំង៣នាក់ក្រោយសមត្តកិច្ចឃាត់ខ្លួន ត្រូវបានកសាងសំណុំរឿងបញ្ជូនទៅ កាន់សាលា ដំបូងរាជធានីភ្នំពេញ ដោយបានចោទប្រកាន់ពីបទ.ធ្វើឲ្យខូចខាតដោយចេតនា និងគំរាមថា និង សម្លាប់ ដែលសំណុំរឿងនេះ ស្ថិតនៅដំណាក់កាលតំណាងអយ្យការកំពុងធ្វើការសាកសួរ ៕                                          

• នគរបាល
• ក្រសួងមហាផ្ទៃ
• តុលការ