រាជធានីភ្នំពេញ៖   ស្នាដៃសើចសប្បាយមួយទៀតដែលជាកាដូរបស់ផលិតកម្មមហាហង្សរឿង«ស៊ុបពើមាំុSuper Mom»នឹងធ្វើឲលោកអ្នកបានសប្បាយរីករាយសម្រាប់ការទស្សនាព្រោះមានតារាសម្តែងល្បីលំដាប់ប្រទេសនិងតារាកំប្លែងពេញនិយមក៍បានរួមគ្នាបង្កើតភាពសំណើមទាំងនេះក្នុងផ្ទៃរឿងផងដែរ។

ផលិតកមមមហាហង្សបានសម្ពោធរឿងថ្មីមួយទៀតហើយមានចំណងជើងថា«ស៊ុបភើរម៉ាំ Super Mom»ដែលមានតារាល្បីឈ្មោះចូលរួមនិងសារព័ត៌មានព្រមមទាំងមហាជនជាច្រើនកុះករ។កម្មវិធីនេះបានប្រារព្ឋធ្វើឡើងកាលពីល្ងាចថ្ងៃទី៣មេសាឆ្នាំ២០១៧នារោងភាពយន្តលេជេនTKទួលគោករាជធានីភ្នំពេញ។

ការដាក់សម្ពោធជាផ្លូវការនេះគេកត់សម្គាល់ឃើញថាមានតារាក្នុងផ្ទៃរឿងសុទ្ឋតែតុបតែងកាយយ៉ាងស្រស់ប្រណិតជាពិសេសនាងសុខ សោម៉ាវត្តីនិងនាងខ្ញុងសុខតែគ្រងឈុតដូចបណ្តាពួកបច្ចឹមប្រទេសទាក់ទាញមហាជនចូលរួមកម្មវិធីមិនធម្មតាឡើយធ្វើឲ្យសម្រស់តារា២ដួងនេះកាន់តែស្អាតឡើង។វត្តមានតារាចូលរួមនាឱកាសនោះរួមមានអ្នកនាងសុខ សោម៉ាវត្តី ខ្ញុង នាងគ្រឿន នាយក្រូច អ្នកនាងផាភួង លោកភឹម តារាវិបុល អ្នកនាងភិន សុដាលីស លោកអូន ឧស្សាហ៍ កញ្ញាលីឡា ព្រមទាំងតារាល្បីឈ្មោះជាច្រើនទៀត។លោកអិន សុភិនចាងហ្វាងផលិតកម្មមហាហង្សបានមានប្រសាសន៍ឲ្យដឹងថារឿង«ស៊ុបពើរម៉ាំ»មានការនិយាយពីគូសត្រូវច្រើននិងនិយាយពីការអប់រំសង្គមពិសេសអ្នកនៅក្បែរខាងគ្នាដែលមានអ្នកនាងកាតុចូលរួមសម្តែងជុំគ្នាជាមួយក្រុមនាយគ្រឿន ពាក់មី នាយក្រូច សុខ សោម៉ាវត្តីជាដើម។សាច់រឿងនៃការថតនេះមិនចំណាយទុនច្រើនលើសពី៥ម៉ឺនដុល្លារនោះទេ។នេះជាការរីកចម្រើនបន្តទៀតរបស់ផលិតកម្មមហាហង្សដែលបច្ចេកទេសថតរឿងនេះយើងបានសម្រិតសម្រាំងបំផុតសម្រាប់ឱកាសបើកឆាកដំបូងឆ្នាំ២០១៧និងអបអរបុណ្យចូលឆ្នាំខ្មែរខាងមុខនេះ។រឿង«ស៊ុបពើរម៉ាំ»នេះមានការបញ្ចាំងក្នុងរោងកុន៨រោងព្រមគ្នានឹងមានបញ្ចាំងនៅរោងកុនទំនើបថ្មីមួយទៀតទើបតែមាននៅក្រុងភ្នំពេញព្រមទាំងបញ្ចាំងនៅតាមខេត្តដូចជាក្រុងសៀមរាបជាដើម។បើសនិនជារឿងនេះទទួលជោគជ័យយើងក៍គ្រោងដាក់់បញ្ចាំងនៅក្រៅប្រទេសផងដែរសំខាន់យើងកំពុងតាមដានការទស្សនាក្នុងស្រុកសិន។

អ្នកនាងសុខ សោម៉ាវត្តីបានសម្តែងការរីករាយថាអ្នកនាងសប្បាយចិត្តដែលផលិតកម្មមហាហង្សបានសម្រេចយកស្នាដៃថ្មីរបស់ខ្លួនមកបញ្ចាំងជាបន្តទៀតដូចជារឿង«ស៊ុបពើរម៉ាំ»ដើម្បីចែកការសប្បាយសើចរំសាយអារម្មណ៍នាឱកាសបុណ្យចូលឆ្នាំថ្មីខាងមុខនេះចាត់ទុកថាជាកាដូសំណើចមួយផងដែរ។

សូមអញ្ជើញបងប្អូនទស្សនិកជនទាំងអស់ចូលរួមសប្បាយនិងមកទស្សនាទាំងអស់គ្នាដើម្បីលើកស្ទួយស្នាដៃភាពយន្តខ្មែរយើងជាបន្តទៀតដែលកំពុងតែបោះជំហ៊ានទៅមុខដែលនេះជាការជួយលើកទឹកចិត្តផលិតករខ្មែរយើងផងដែរបើខ្វះខាតយ៉ាងណាសូមមេត្តារិះគន់ស្ថាបនាដើម្បិបានក្រុមការងារជួយកែលម្អជាបន្តទៀតសំដៅយកគុណភាព។                        

• កាដូសំណើច
• មហាហង្ស
• ស៊ុបភើរម៉ាំ