រាជធានីភ្នំពេញ៖  ការប្រកួតវាយសី អបអរពិធីបុណ្យទន្លេលើកទី៣ នៅខេត្តស្ទឹងត្រែង ដែលបង្កើតឡើងដោយសម្តេចក្រឡាហោម ស ខេង រដ្ឋមន្ត្រីក្រសួងមហាផ្ទៃ ត្រូវបានក្រុមម្ចាស់ផ្ទះយកពានរង្វាន់ស្ទើរតែគ្រប់វិញ្ញសារ សូម្បីតែឯកវិញ្ញសារអាយុ៦០ក៏លេខ១ដែរ។

ការប្រកួតកីឡាវាយសីដណ្តើមពានរង្វាន់មិត្តភាពនគរបាល លើកទី៥ សមាគចូលរួមមាន៣ មានកីឡាការិនី កីឡាករ សរុប ៦០ នាក់ មកពីសមាគមក្រសួងមហាផ្ទៃ, ខេត្តរតនៈគិរី និង ស្ទឹងត្រែង ម្ចាស់ផ្ទះដែលបានចែកជា១២ក្រុម  អបអរពិធីបុណ្យទន្លេលើកទី៣នៅខេត្តស្ទឹងត្រែង លទ្ធផលបច្ចេកទេស ក្រោយការប្រកួតយ៉ាងស្វិតស្វាញរយៈពេលពីរថ្ងៃ ទទួលបាន

វិញ្ញសារ វាយគូបុរសអាយ៦០ ឆ្នាំឡើង លេខ១ លោក ឃួន លីវី / លោក ម៉ៅ តារ៉ា (ស្ទឹងត្រែង),  លេខ២ ជា ប៊ុនហេង / លោក អាំង តារ៉ា  (ក្រសួងមហាផ្ទៃ), លេខ៣ លោក នូ ចាន់ហ៊ុង / លោក អៀង គឹមថុន (ស្ទឹងត្រែង)។

វិញ្ញាសារវាយគូរបុរស អាយុ ៣០ឆ្នាំ លេខ១លោក ជា ចាន់បុល / លោក ជា សែនវិស្សុត (ក្រសួងមហាផ្ទៃ) លេខ២ លោក គង់ ឆៃយ៉ាង / លោក គីន សង្សាឧត្តម (រតនៈគិរី), លេខ៣ លោក ចាន់ រដ្ឋា / លោក ឆាយ យ៉ុង (ស្ទឹងត្រែង) ។

វិញ្ញាសារវាយគូរបុរសអាយុ៥០ឆ្នាំឡើង លេខ១ លោក ឡា ឌីណា / លោក ស៊ី សុធី (ស្ទឹងត្រែង), លេខ២ លោក គង់ លី / លោក ឡូត ជុនសុង (ស្ទឹងត្រែង) , លេខ៣ លោក អន វ៉ាន់ខុនី /លោក វ៉ាន់ ចាន់ផល្លាក់ (ស្ទឹងត្រែង) ។

វិញ្ញសារវាយគូរបុរសអាយុ៤០ឆ្នាំឡើង លេខ១ លោក ឈូ ឡុង / លោក ចាន់សុភក្រ្តា (ស្ទឹងត្រែង) , លេខ២ លោក សុខ រិទ្ធី / លោក ទី ចាន់ធា (ស្ទឹងត្រែង) , លេខ៣ លោក ខេង ទិត្យសីហា / លោក គង់ ផល្លី (រតនៈគិរី)។

លោក ជា ប៊ុនហេង ប្រធានអង្គភាពកីឡាក្រសួងមហាសផ្ទៃ បានបញ្ជាក់ដល់ក្រុមសារព័ត៌មានថា តាមគម្រោងដំបូងឡើយ កម្មវិធីនេះ ក៏មានការអញ្ជើញវៀតណាម និងឡាវចូលរួមប្រកួតលក្ខណៈមិត្តភាពអន្ដរជាតិ និងរឹតចំណងមិត្តភាពរវាងប្រទេសទាំងបីផងដែរ ។ ប៉ុន្ដែដោយសារមធ្យោបាយធ្វើដំណើរ បានធ្វើឲ្យរះស្ទះការប្រកួតនេះ ខណៈថ្នាក់ដឹកនាំអង្គភាពកីឡាក្រសួងមហាផ្ទៃ ក៏បង្វែរការប្រកួតនេះ មកជាការប្រកួតលក្ខណៈមិត្តភាពនគរបាលខេត្តស្ទឹងត្រែងវិញ ។

ប្រធានអង្គភាពកីឡាក្រសួងមហាសផ្ទៃរូបនេះបានបង្ហើបផងដែរ ថា តាមរយៈការរៀបចំនេះ លោករំពឹងថា នឹងទទួលបានជោគជ័យ ដើម្បីបំផុសសកម្មភាពកីឡានេះឲ្យកាន់តែរីកចម្រើន ។ មិនតែប៉ុណ្ណោះ លោកថែមទាំងប្ដេជ្ញាបន្ដរៀបចំសកម្មភាពកីឡាវាយសីនេះជារៀងរាល់ឆ្នាំក្នុងឱកាសបុណ្យទន្លេ ដើម្បីអបអរសាទរ និងរួមចំណែកទាក់ទាញភ្ញៀវទេសចរណ៍ជាតិ-អន្ដរជាតិផងដែរ ៕ដោយ បូរិន

• ស្ទឹងត្រែង
• វិញ្ញាសារ
• បុណ្យទន្លេ
• ំ