នៅថ្ងៃទី​២៣ខែកុម្ភៈតម្លៃប្រេងនៅលើពិភពលោកបន្តធ្លាក់ចុះទាប​ ក្រោយពេលរដ្ឋមន្ត្រីក្រសួង​ប្រេង របស់ប្រទេសអារ៉ាប៊ីសាអូឌិតលោក​ Ali Al Naimi ប្រកាសប្រទេសរបស់លោកមិនអាច​កាត់បន្ថយការផលិតប្រេងបានឡើយ។

តម្លៃប្រេងនៅក្នុងទីផ្សាទីក្រុងញ៉ូវយ៉កអាមេរិក បានថយចុះ ១,៥២ដុល្លារ ស្មើរ​៤,៦ភាគរយ​ សល់តែ​៣១,៨៧ដុល្លារប៉ុណ្ណោះក្នុងមួយបារ៉ែល។ ចំណែកនៅទីក្រុងឡុងដ៍ តម្លៃប្រេងធ្លាក់ថ្លៃ ១,៤២ដុល្លារ ស្មើរ​៤,១ភាគរយ។

តាមការប្រកាសរបស់រដ្ឋមន្ត្រីក្រសួងថាមពលប្រេងអារ៉ាប៊ីសាអូឌិត  ដើម្បីទប់ស្កាតការផ្គត់ផ្គង លើសលុប ប្រទេសដែលផលិតប្រេងច្រើនបំផុតចាំបាច់ត្រូវតែឯកភាពគ្នាបង្កកការផលិតរបស់​ខ្លួនឲ្យដូចកាលពីខែមករា ដូចដែលបានព្រមព្រៀងនៅក្នុងកិច្ចប្រជុំរវាង​រុស្ស៊ី អារ៉ាប៊ី សាអូឌិត កាតា និងវេណេហ្ស៊ូអេឡា។

ចំណែករដ្ឋមន្ត្រីថាមពលប្រេងរបស់ប្រទេស​អីរ៉ងលោក​ Bijan Namadar Zanganeh ប្រឆាំងទៅ​នឹងគម្រោងបង្កកការផលិតប្រេង គឺជារឿងមិនត្រឹមត្រូវឡើយ​ដោយសារតែប្រទេសនៅ​ជិតខាង​បន្តការផលិតរហូតដល់​១០លានបារ៉ែលក្នុងមួយថ្ងៃ  ចំណែកប្រទេសដែលអាស្រ័យលើប្រេងវិញត្រូវឲ្យបង្កកគឺជារឿងមិនសមហេតុផល។

ទីផ្សាប្រេងនៅលើពិភពលោកក៏បានតាមដានយ៉ាងយកចិត្តទុកដាក់បំផុត ពីស្ថានភាពស្តុក​ប្រេងរបស់អាមេរិក និងគម្រោងលក់ប្រេងចេញ ក្នុងតម្លៃថោក។ ប្រទេសជាច្រើនចងសហ​ការ​ជាមួយមហាអំណាចអាមេរិកដើម្បីទិញប្រេងពី​ទីនោះក្នុងតម្លៃថោក ក្រោយពេលរដ្ឋភិបាល​ទីក្រុងវ៉ាស៊ីនតោនបានអនុម័តលក់ប្រេងចេញទៅក្រៅប្រទេស៕

• តម្លៃប្រេង
• ំ
• អារ៉ាបីសាអូឌិត