រាជធានីភ្នំពេញ៖ សង្ស័យប្រព្រឹត្តបទល្មើសពុករលួយចំនួន២នាក់ បានត្រូវអង្គភាពប្រឆាំងអំពើពុករលួយ( ACU ) ចាប់ខ្លួនបញ្ជូនមកកាន់សាលាដំបូងរាជធានីភ្នំពេញស្ងាត់ៗ ល្ងាចថ្ងៃទី០១ មិនា ២០១៧ ។ ទោះយ៉ាងណាក៍ដោយ គេនៅមិនទាន់មានការបញ្ជាក់ពីសមត្ថកិច្ចឲ្យបានច្បាស់ថា មនុស្សទាំង២នាក់នោះជាមន្ត្រីរាជការបានប្រព្រឹត្តបទល្មើសអ្វីនៅឡើយទេ។

គេគ្រាន់តែមានការកត់សម្គាល់ឃើញខាងមន្ត្រី ACU បញ្ជូនមកតុលាការគឺច្បាស់ជាពាក់ព័ន្ឋនឹងអំពើពុករលួយមិនខានទេ ។ ជនសង្ស័យ គេស្គាល់ ឈ្មោះ រដ្ឋ បូរី ប្រធានការិយាល័យវិនិយោគសាលារាជធានីភ្នំពេញ និង ឈ្មោះ ម៉ៃ វណ្ណារុំ បុគ្គលិកការិយាល័យវិនិយោគ ។ សំណុំរឿងនេះស្ថិតនៅលោក សៀង សុខ ព្រះរាជអាជ្ញារងកំពុងធ្វើការសាកសួរ ។ព្រឹកនេះតុលាការអាចនឹងបន្តសាកសួរបន្ថែមទៀតចំពោះការចោទប្រកាន់ឬដោះលែងនឹងមានជូនព័ត៌មានបន្ថែមតាមក្រោយ៕                         

• អង្គភាព
• អំពើពុករលួយ
• ACU
• សង្ស័យ