រាជធានីភ្នំពេញ៖  កាលពីរសៀល២០ខែកុម្ភៈឆ្នាំ២០១៧បន្ទាប់សភាអនុម័យច្បាប់គណបក្សនយោបាយមាន១១ជំពូកជាង៥០មាត្រាទូតអាមេរិកនៅភ្នំពេញបានចេញសេចក្តីថ្លែងការណ៍ថា៖សហរដ្ឋអាមេរិកមានការព្រួយបារម្ភជាខ្លាំង ចំពោះវិសោធនកម្មស្តីពីច្បាប់គណបក្សនយោបាយ នៅកម្ពុជា ដែលត្រូវបានអនុម័ត្តដោយរដ្ឋសភាជាតិ នៅថ្ងៃទី២០ ខែកុម្ភះនេះ ដោយមានការពិគ្រោះ ឬពិភាក្សាគ្នាជាសាធារណ:បន្តិចបន្តួច។ យោងតាមសេចក្តីថ្លែងការណ៍របស់ស្ថានទូតអាមេរិកបានលើកឡើងថា៖វិសោធនកម្មនេះបានផ្តល់អំណាចយ៉ាងធំដល់រាជរដ្ឋា ភិបាលកម្ពុជា ក្នុងការដាក់កំហិតដល់សេរីភាពក្នុងការបញ្ចេញមតិ និងសកម្មភាពស្របច្បាប់នានារបស់ គណបក្សនយោបាយ ហើយនៅក្រោមកាលៈទេសៈកំណត់មិនច្បាស់លាស់ណាមួយ គឺរំលាយគណបក្សនយោបាយតែម្តង។

ស្ថានទូតអាមេរិកបានអះអាងថា៖រដ្ឋធម្មនុញ្ញរបស់កម្ពុជាបានចែងថា កម្ពុជាជាប្រទេសប្រកាន់យករបបប្រជាធិបតេយ្យ សេរី ពហុបក្ស និងធានាសិទ្ធិពលរដ្ឋរបស់ខ្លួនក្នុងការបង្កើតគណបក្សនយោបាយ។គណបក្សនយោបាយ ដើរតួដ៏សំខាន់នៅគ្រប់សង្គមប្រជាធិបតេយ្យ។ គណបក្សនយោបាយជាមធ្យោបាយដែលឆន្ទះរបស់ ប្រជាពលរដ្ឋត្រូវបានអនុវត្តតាមរយអភិបាលកិច្ចនិងច្បាប់។

កម្ពុជាអាចមានមោទនភាពក្នុងការអភិវឌ្ឍន៏ប្រទេសរបស់ខ្លួនក្នុងរយះពេលជាង២៥ឆ្នាំមកនេះ ដោយបានរៀបចំការបោះឆ្នោតចំនួនប្រាំលើកកន្លងមកហើយ និងដំណើរការចុះឈ្មោះបោះឆ្នោតដែលកំពុងកើតមាន ឆ្លុះអោយឃើញពីការឆ្ពោះទៅរកការបោះឆ្នោតលើកទី៦នៅពេលខាងមុខ។

សកម្មភាព ណាមួយ ដែលបានហាមឃាត់ដល់គណបក្សនយោបាយនៅក្រោមវិសោធនកម្មច្បាប់ថ្មីនេះ គឺជាការ ដើរថយក្រោយមួយដ៏សំខាន់សំរាប់ការអភិវឌ្ឍន៏នយោបាយនៅក្នុងប្រទេសកម្ពុជា ហើយនឹងនាំអោយ មានជាសំណួរពីភាពស្របច្បាប់ក្នុងការបោះឆ្នោតនាពេលខាងមុខ។

យើងសូមអំពាវនាវអោយរាជរដ្ឋាភិបាលកម្ពុជា ប្រកាន់យកនូវជំហរចាំបាច់នានាដើម្បីធានាថា យុទ្ធនាការឃោសនាបោះឆ្នោតនិងការបោះឆ្នោតក្នុងឆ្នាំ២០១៧ និង២០១៨ខាងមុខ មានលក្ខណៈ សេរី បើកចំហរនិងមានតម្លាភាព ហើយគ្រប់គណបក្សនយោបាយទាំងអស់មានឱកាស ក្នុងការចូលរួមប្រកួតប្រជែងដោយស្មើភាពគ្នា

អ្នកតាមដាននយោបាយបាននិយាយថា៖ច្បាប់ស្តីពីគណបក្សនយោបាយត្រូវបានតំណាងរាស្រ្តមកពីគណបក្សប្រជាជនកម្ពុជានៃសម្តេចហ៊ុនសែនចំនួន៦៦រូបចូលរួមប្រជុំបិទទ្វារអនុម័តខណៈពេលដែគណបក្សសង្រ្គោះជាតិនៃឯកឧត្តមកឹម សុខាមិនបានទទួលស្គាល់ច្បាប់នេះនិងមិនបានចូលរួមប្រជុំទេ។គណបក្សទាំងពីរដែលបានទទួលការគាំទ្រពីរាស្រ្តរាប់លានសម្លេងកំពុងប្រយុទ្ធគ្នាលើសមរភូមិនយោបាយសូម្បីតែច្បាប់របស់ចប្រទេសនិងរបស់ជាតិខ្លួនឯងក៍មិនរួមគ្នាពិភាក្សានិងពិនិត្យផង៕

• ស្ថានទូត
• អាមេរិក
• ព្រួយបារម្ភ
• គណបក្ស