រាជធានីភ្នំពេញ៖  ជនសង្ស័យជាមុខសញ្ញាជួញដូរថ្នាំញៀនម្នាក់ ត្រូវបានកម្លាំងសមត្ថកិច្ច នៃអធិការដ្ឋាននគរបាលខណ្ឌមានជ័យ សហការជាមួយកម្លាំងសមត្ថកិច្ចប៉ុស្តិ៍រដ្ឋបាលនគរបាលចាក់អង្រែក្រោម ធ្វើសកម្មភាពបង្ក្រាបបានភ្លាមៗ ខណះត្រៀមធ្វើសកម្មភាពចែកចាយនៅចំណុចដីឡូតិ៍គ្មានលេខ ផ្លូវលំ ភូមិព្រែកតាឡុង២ សង្កាត់ ចាក់អង្រែក្រោម កាលពីវេលាម៉ោង ១៦ និង០០នាទីល្ងាចថ្ងៃទី០៩ ខែកុម្ភះ ឆ្នាំ២០១៧ ។

ជនសង្ស័យមានឈ្មោះ វិុត ចាន់ថន ភេទប្រុស អាយុ៣៧ ឆ្នាំ ជនជាតិខ្មែរ មុខរបរមិនប្រាកដ ស្នាក់នៅដីឡូតិ៍គ្មានលេខ ផ្លូវលំ ភូមិព្រែកតាឡុង២ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ  ។

លោកម៉េង វិមានតារ៉ា អធិការរងនគរបាលខណ្ឌទទួលជំនាញព្រហ្មទណ្ឌអោយដឹងថាមុនឈានដល់ការបង្ក្រាបគឺកម្លាំងសមត្ថកិច្ចបានស្រាវជ្រាវតាមដានជាច្រើនថ្ងៃដោយបង្ក្រប់កម្លាំងសម្ងាត់តាមមករហូត។ រហូតមកទល់វេលាខាងលើ ដោយកំណត់ពីទីតាំងត្រៀមចែកចាយច្បាស់លាស់រួចមក កម្លាំងសមត្ថកិច្ចក៏បើកការចុះបង្ក្រាបបានជាក់ស្តែងតែម្តងទៅ ។

លោកអធិការរងបន្តថា ក្នុងការឃាត់ខ្លួនជនខាងលើសមត្ថកិច្ច ដកហូតបានម្សៅក្រាមពណ៍សថ្លាហៅម៉ាទឹកកកចំនួន២២កញ្ចប់ថង់ ( ២កញ្ចប់ធំ និង២០កញ្ចប់តូច ) ទូរស័ព្ទដៃចាស់ ០១គ្រឿង និងដាវចំនួន២ដើមផងដែរ ។ 

បច្ចុប្បន្នជនសង្ស័យរួមជាមួយវត្ថុតាងត្រូវបានឃុំខ្លួនបណ្តោះអាសន្ន នៅអធិការដ្ឋាននគរបាលខណ្ឌមានជ័យរងចាំកសាងនីតិវិធីបញ្ចូនទៅតុលាការចាត់ការទៅតាមផ្លូវច្បាប់ ៕ លីហេង

• ឃាត់ខ្លួន
• គ្រឿងញៀន
• ថ្នាំញៀន