តុលាការអាជ្ញាកណ្តាលអន្តរជាតិបានច្រានចោល បន្ទាត់ព្រំដែន​៩កំណាត​របស់ចិននៅសមុទ្រចិនភាគខាងត្បូង  ដោយឲ្យហ្វីលីពីនជាអ្នកឈ្នះក្តី។ ការបោះឆ្នោតអាមេរិក ដូណាលត្រាំបានយកឈ្នះក្នុងការបោះឆ្នោតអាមេរិក ។ ឯកសា​Panama បែកធ្លាយ ជាដើម គឺជាព្រឹត្តិការណ៍សំខាន់ៗដែលចាប់អារម្ភជាងគេបំផុតនៅលើពិភពលោក ក្នុងឆ្នាំ​២០១៦ ។

ព្រិត្តិការទាំងនោះបានធ្វើឲ្យកាសែតទាំងអស់នៅជុំវិញពិភពលោកចំណាយទឹកបិកមិនតិចឡើងក្នុងការសរសេរ និងបោះពោះផ្សាយ ទាំងនៅលើទំព័រកាសែតនិង គេហទំព័រ ។

១ តុលាការអាជ្ញាកណ្តាលឲ្យហ្វីលីពីនឈ្នះក្តីចិននៅសមុទ្រចិនភាគខាងត្បូង៖

តុលាការអាជ្ញាកណ្តាលអន្តរជាតិនៅទីក្រុងឡាងអេ​បានច្រានចោទ ខ្សែបន្ទាត់​៩កំណាត់របស់ចិននៅសមុទ្រចិនភាគខាងត្បូងដែលគ្រប់គ្រង ជាង​៩០ភាគរយនៅតំបន់សមុទ្រនោះ។ ប្រធានាធិបតីហ្វីលីពីនលោក  Rodrigo Duterte បានបញ្ចាក់សារជាថ្មីថា រដ្ឋាភិបាលទីក្រុងម៉ានីល មិនឃ្លាតឆ្លាយពីសេចក្តីសម្រេចរបស់តុលាការអាជ្ញាកណ្តាលនោះឡើយ បើទោះបីហ្វីលីពីនមានទំនាក់ទំនងល្អប្រសើរក្តី។ នៅពេលនេះបញ្ហាវិវាទនៅសមុទ្រចិនភាគខាងត្បូង រដ្ឋាភិបាលហ្វីលីពីនលើកទុកមួយឡែក មិនទាន់ពិភាក្សាឡើយ  ដោយហ្វីលីពីនចង់បង្កើនទំនាក់ទំនងសេដ្ឋកិច្ចល្អប្រសើរជាមួយចិន។

២ មេដឹកនាំបដិវត្តគុយបា ហ្វីឌែលកាស្ត្រូទទួមរណភាព៖

មេដឹកនាំបដិវត្តគុយបា លោកហ្វីឌែលកាស្ត្រូ បានទទួលមរណៈភាព កាលពីខែវិច្ឆិការ​ គឺជាការបាត់បង់យ៉ាងធំធេងសម្រាប់ពលរដ្ឋគុយបា និងប្រទេសជាច្រើនទៀតនៅតំបន់​។ ក្រោយមរណភាពរបស់លោក អឺរ៉ុបនិងអាមេរិកក៏បានពិចារណា​លុយចោលទណ្ឌកម្មទាំងឡើយទៅលើប្រទេសគុយបានដែលបានអនុម័ពេលលោកហ្វីឌែលកាត្រូ កាន់អំណាច។ ក្រោយពេលមេដឹកនាំ រ៉ាអូលកាស្ត្រូដែលជាប្អូនប្រុសកាន់អំណាចស្នងពីបងប្រុសនោះ ទំនាក់ទំនង​ជាមួយអាមេរិកមានភាពល្អប្រសើរឡើង ដោយប្រទេសទាំងពីបានបង្កើតទំនាក់ទំនងការទូតជាថ្មី និងអនុញ្ញាត្តិឲ្យមានជើងហោះហើរ ចេញចូលប្រទេសគុយបាផងដែរ។

៣ អង់គ្លេស ចាកចេញពីអឺរ៉ុប៖

ពលរដ្ឋអង់គ្លេសបានសម្រេចបោះឆ្នោតជ្រើសរើសចាកចេញពីសហគមន៍អឺរ៉ុប នៅក្នុងការបោះឆ្នោតប្រជាមតិកាលពីថ្ងៃទី​២៤ខែមិថុនា ។ ការចាកចេញនោះបានធ្វើឲ្យពលរដ្ឋអង់គ្លេសជាច្រើនបង្ហាញការមិនសម្បាយចិត្ត ក្នុងនោះមានបលរដ្ឋស្កូតឡែន ជាដើម ដែលពេលនេះចងបោះឆ្នោត ប្តេចខ្លួនចេញពីអង់គ្លេសជាថ្មី ដើម្បីបន្តក្លាយជាសមាជិករបស់អឺរ៉ុប។ ការចាកចេញទាំងនោះបានធ្វើឲ្យអឺរ៉ុបប្រឈមនិង បញ្ហាជាច្រើន ក្នុងពេលដែលអឺរ៉ូបកំពុងតែជួបវិបត្តិ និងជនអន្តោបវេសហូចូលកាន់តែច្រើន។

៤ ជ័យជំនេះមិននឹកស្មានដល់របស់ដូណាលត្រាំ៖

ការស្ទងមតិ ៩០ ភាគរយគឺលោកស្រីហ៊ីលឡារីគ្លីនតុនជាអ្នកឈ្នះ ហើយអ្នកនយោបាយអ្នកសេដ្ឋកិច្ច ភាគច្រើនក៏គាំទ្រ លោកស្រីគ្លីនតុនដែរ សូម្បីតែសារព័ត៌មានធំៗរបស់អាមេរិកក៏លំអៀងទៅលើលោកស្រីគ្លីនតុន វាយប្រហារដូណាលត្រាំ។ តែទីបំផុត លោកត្រាំបានយកឈ្នះលោកស្ត្រីគ្លីនតុន​ដោយទទួលបានអាសនៈរហូតដល់ទៅ​៣០៦ លើសពីតម្រូវការ ដែលមានតែ​២៧០ប៉ុណ្ណោះ។ បើទោះជាលោកទទួលបានជ័យជំនៈពីចំនួនតំណាងរាស្ត្រ តែសន្លឹកឆ្នោត សកលវិញលោកត្រាំចាញ់លោកស្រីគ្លីនតុនជិត​៣លានសន្លឹក។

៥ អសន្តិសុខនៅតំបន់អឺរ៉ុប៖

អឺរ៉ុបប្រឈមនិងអសន្តិសុខ  ដោយសារតែការវាយប្រហារភេរវកម្ម​ ក្រោយពេលដែលក្រុមភេរវកម្មជាច្រើនបានចូលទៅអឺរ៉ុបតាមរយៈជនភៀសខ្លួនដើម្បីវាយប្រហារដាក់ដោយឡែកពីគ្នា។

ករណីបើករថយន្តធុនធំបុកហ្វូងមនុស្សនៅក្នុងផ្សាទំនើបសម្រាប់ពិធិបុណ្យណូអែលនៅទីក្រុងប៊ែកឡាំងប្រទេសអាល្លឺម៉ង និងការធ្វើឃាត អគ្គរដ្ឋទូតរុស្ស៊ីប្រចាំនៅទួគី កាលពីថ្ងៃទី​១៩ធ្នូ  បានធ្វើឲ្យចំនួនការវាយប្រហារភេរវកម្មនៅអឺរ៉ុបបានកើនឡើងខ្ពស់នៅក្នុងឆ្នាំ​២០១៦នេះ។ ការវាយប្រហារនៅអឺរ៉ុបបានកើតឡើងខ្ពស់ចាប់ពីការវាយប្រហារនៅខែវិច្ឆិកាឆ្នាំ​២០១៥​​ក្នុងទីក្រុងប៉ារីសប្រទេសបារាំង សម្លាប់មនុស្ស​១៣០នាក់ និងរាប់សិបនាក់រងរបួស។

​ -​ វាយប្រហារគ្រាប់បេកនៅទីក្រុង​ប្រុចស៊ែលប្រទេស​ប៊ែលហ្សិច​សម្លាប់មនុស្ស​៣៥នាក់នៅថ្ងៃទី​២២ខែមីនាឆ្នាំ​២០១៦ពីនេះមានអ្នករងរបួសប្រមាណ​៣០០នាងផ្សេងទៀត។ ការវាយប្រហារនោះបានធ្វើឲ្យប៊ែលហ្សិចប្រកាសអាសន្ន ពីសកម្មភាពវាយប្រហារភេរវកម្មខ្ពស់បំផុតមិនធ្លាប់មាននៅក្នុងប្រទេសរបស់ខ្លួន។

-វាយប្រហារដោយកាំបិតនៅទីក្រុង Munich ប្រទេសអាល្លឺម៉ងថ្ងៃទី​១០ខែឧសភា បណ្តាលឲ្យមនុស្សម្នាក់ស្លាប់  និងរងរបួសជាច្រើននាក់ផងដែរ។ ការវាយប្រហារបានស្រែកខ្លាំងៗថា ព្រះអាឡោះដ៏អស្ចារ្យ​ ។

-ការវាយប្រហារដោយបើករថយន្តបុក​នៅទីក្រុងNice សម្លាប់មនុស្ស ៨៧នាក់នៅថ្ងៃទី​១៤ខែកក្កដា ​និង ៤៣៤នាក់រងរបួសនៅក្នុងហេតុការ រថយន្តដឹកទំនិញបើកបុកទៅលើហ្វូងមនុស្ស ឈរចាំមើលការបាញ់កាំជ្រួច នៅទិវាឯករាជ្យបារាំង ក្នុងទីក្រុង​Nice ។ អ្នកបើករថយន្តបុកគឺជាជនជាតិទុយនេស៊ី​ ក្រោយមកក៏ត្រូវបានប៉ូលិសបាញ់សម្លាប់។នៅមុនពេលបើករថយន្តបុករ៉ហ ជនដៃដល់បានស្រែកខ្លាំងៗ ព្រះអាឡោះដ៏អស្ចារ្យ។

ហេតុការខាងលើបានធ្វើឲ្យ ប្រធានាធិបតីបារាំងលោកហ្វ្រាំងស័រហូឡែនពន្យា ស្ថានភាពអាន្ននៅក្នុងប្រទេសជាបន្តទៀតក្រោយពេលអនុវត្តក្រោយការវាយប្រហារនៅទីក្រុងប៉ារីស សម្លាប់មនុស្ស​១៣០នាក់។

- បើករថយន្តបុកនៅក្នុងទីក្រុងបែកឡាំងប្រទេសអាល្លឺម៉ង

រថយន្តដឹកទំនិញមួយគ្រឿង បានបុករ៉ះនៅក្នុងផ្សារណូអែល ដែលមានមនុស្សកុះករកណ្តាលទីក្រុងប៊ែកឡាំងប្រទេសអាល្លឺម៉ង់បណ្តាលឲ្យមានមនុស្ស៩នាក់ស្លាប់ និង៥០នាក់រងរបួស ។ហេតុការណ៍ខាងលើកើតឡើងកាលពីយប់ថ្ងៃទី១៩ ខែធ្នូ នៅពេលដែលមានមនុស្សជាច្រើននៅទីនោះ ពិសេសគឺកុមារ ដើម្បីទិញសម្ភារៈបុណ្យណូអែលជិតមកដល់ ។

៦ កិច្ចព្រមព្រៀងទីក្រុងប៉ារីសស្តីពីបម្រែបម្រួលអាកាសធាតុ៖

សន្ធិសញ្ញាទីក្រុងប៉ារីស ស្តីពីបម្រែបម្រួលអាកាសធាតុ ចាប់ផ្តើមមានប្រសិទ្ធិភាព​។ ប្រទេសជាសមាជិកបានព្រមព្រៀងកាត់បន្ថយឧស្មានពុល ដែលបំផ្លាញស្រទាប់អូហ្ស៊ូន និងធ្វើឲ្យបរិយាកាស់កាន់តែអាប់អួរ បង្ករឲ្យមានគ្រោះធម្មជាតិកាន់តែច្រើនឡើង។

៧សង្គ្រាមវាយប្រហារក្រុម​IS៖

សង្គ្រាមវាយប្រហារក្រុម​IS ចាប់ផ្តើមមានប្រសិទ្ធិភាព ក្រោយពេលដែលអីរ៉ាក់វាយប្រហារដណ្តើមបានទីក្រុង​Mosul  និងនៅក្នុងប្រទេសស៊ីរី ក៏វាយប្រហារដណ្តើមបានទីក្រុង​ Aleppo មកវិញ ក្រោយការជួយអន្តរគមន៍វាយប្រហារតាមដែនអាកាសពីរុស្ស៊ី។

៨កូឡំបីចុះកិច្ចព្រមព្រៀងជាប្រវត្តិសាស្ត្រ ជាមួយក្រុមបះបោរ

កាលពីថ្ងៃតី​២៤វិច្ឆិកា​ប្រធានាធិបតីកូឡំបីលោក​ Juan Manuel Santos បានចុះកិច្ចព្រមព្រៀងជាប្រវត្តិសាស្ត្រជាមួយក្រុមបដិវត្តិ​កូឡំបី​FARC ដឹកនាំដោយលោក​ Rodrigo Londono បញ្ចប់សង្គ្រាមស៊ីវិលអូសបន្លាយជាង​៥២ឆ្នាំនៅក្នុងប្រទេសនេះ។

៩ វីរុស្ស៊ីហ្ស៊ីការ​រាល់ដាលលើពិភពលោក៖

វីរុស្សហ្ស៊ីការ ដែលជាប្រភេទវីរុស្សដែលធ្វើឲ្យកុមារកើតមកក្បាលតូច បានរាលដាល់នៅជុំវិញពិភពលោក ក្នុងនោះមានតំបន់អាស៊ីផងដែរ ។ វីរុស្ស៊ីនេះបានរាលដាលដលប្រទេសជាច្រើនក្នុងតំបន់អាស៊ាន ក្នុងនោះមាន ថៃនឹងវៀតណាមជាដើម។

• ព្រឹត្តិការ
• លេចធ្លោ