រាជធានីភ្នំពេញ៖   មនុស្សចំនួន៤នាក់(ប្រុស២នាក់ស្រី២នាក់)ត្រូវបានចាប់ខ្លួននិងថ្នាំញៀនចំនួន៣៤២កញ្ចប់និងសម្ភារៈមួយចំនួនត្រូវបានរឹបអូសពីជនសង្ស័យពីបទជូញដូរថ្នាំញៀនដោយខុសច្បាប់កាលពីថ្ងៃទី៤ខែវិច្ឆិកាឆ្នាំ២០១៦នៅក្នុងតាមផ្លូវបេតុងក្នុងផ្ទះជួលមួយកន្លែងភូមិទួលសង្កែសង្កាត់ទួលសង្កែខណ្ឌឫស្សីកែវរាជធានីភ្នំពេញ។

ការបង្រ្កាបនេះសមត្ថកិច្ចបានឃាត់មនុស្ស៤នាក់ឈ្មោះអ៊ួចិន្តាភេទប្រុស,ឈ្មោះសុខណាវីភេទស្រី,ឈ្មោះអ៊ួងចន្នីភេទស្រីនិងឈ្មោះស្មានរុន្នីភេទប្រុស។ការបង្រ្កាបនេះដឹកនាំដផយលោកទៀងច៍ន្ទសាអធិការនគរបាលខណ្ឌឫស្សីកែវតាមបទបញ្ជារបស់លោកជួនសុវណ្ណស្នងការរាជធានីភ្នំពេញដែលបានចេញបញ្ជាឲ្យកម្លាំងសមត្ថកិច្ចក្នុងខណ្ឌទាំង១២ក្នុងរាជធានីចុះបង្រ្កាបរាល់បទល្មើសច្បាប់ទាំងឡាយក្នុងខណ្ឌទាំងនោះ។

សមត្ថកិច្ចបាននិយាយថាមុនឈានដល់ការចាប់ខ្លួនជនសង្ស័យទាំងនេះសមត្ថកិច្ចបានស្រាវជ្រាវរយៈពេលប្រមាណ១ខែមកហើយនៅចំណុចខាងលើនេះ។មុនពេលចាប់ខ្លួនមនុស្សទាំង៤នាក់នេះសមត្ថកិច្ចបានចាប់ខ្លួនស្រ្តីម្នាក់ដែលបានឈរលក់ថ្នាក់ញៀននៅក្បែរកន្លែងផ្ទះជួលរបស់ខ្លួននិងបាននាំទៅកាន់បន្ទប់ជួករបស់ពួកគេនិងបន្តឃាត់ខ្លួនបាន៣នាក់ទៀតសរុប៤នាក់។

ក្រុងអ្នករីះគន់បាននិយាយថាសង្រ្គាមប្រឆាំងគ្រឿងញៀននៅកម្ពុជាព្រះរាជាអច្ឆិរយកំពុងប្រព្រឹត្តទៅដូចព្យុះស៊ូណាមីមិនចេះចប់ចាប់បានទាំងទ្រង់ទ្រាយធំរាប់សិបគីឡូក្រាមនិងទ្រង់ទ្រាយតូច១ថង់តូចឡើងទៅ។តែចំណាត់បែបនេះគេបានឃើញនៅទូទាំងប្រទេសដែលត្រូវបានមេដឹកនាំនិយាយពេញមាត់ថាប្រទេសរបស់ខ្លួនកំពុងត្រូវបានជនអន្ធពាលឈ្មួញគ្រឿងញៀនដឹកជញ្ជូនឆ្លងកាត់មិនអាចបង្រ្កាបបានក្រៅតែពីណែប្រជានុរាស្រ្តថា"សូមចៀសចេញពីគ្រឿងញៀន"។

ក្រុមអ្នកមិនសប្បាយចិត្តនឹងថ្នាំញៀនបាននិយាយថា៖តែបើក្រឡេកមើលប្រទេសមួយចំនួនក្បែរកម្ពុជានៃយើងឬបងប្អូនសហគមន៍អាស៊ានវិញគេបានដាក់សេណារីយោដូចដែកថែបកំចាត់ចោលជនឧក្រិដ្ឋថ្នាំញៀនមិនត្រឹមតែថ្នាំញៀនទេ។ថ្នាំរាប់សិបគីឡូក្រាមត្រូវបានជនឧក្រិដ្ឋទាំងខ្មែរនិងបរទេសនាំចូលក្នុងមាតុភូមិអង្គរដែលគេហៅខ្លួនឯងថាប្រទេសអច្ឆរិយដ៍មហាអស្ចារ្យរបស់មេដឹកនាំគ្រប់ស្ថាប័នជាតិមួយនេះ។តែពលរដ្ឋខ្លួនរងគ្រោះមិនចេះចប់ដូចរស់ក្នុងស្ថានរកដប់ពីរជាន់នៃឥទ្ធិពលថ្នាំញៀនដ៍មហាសាលមិនអាចបង្រ្កាបចប់។ពីមុនសង្រ្គាមស៊ីវិលក្នុងស្រុកតែពេលសង្រ្គាមថ្នាំញៀនក្នុងប្រទេសមិនអាចកំចាត់បាន៕

• សមត្ថកិច្ច
• ឫស្សីកែវ
• ថ្នាំញៀន
• ឃាត់ខ្លួន