រាជធានីភ្នំពេញ៖   បុរសជនជាតិចិនម្នាក់ក្នុងត្រូវបានសមត្ថកិច្ចឃាត់ខ្លួនពេលរូបគេធ្វើការប្រើហិង្សាលើនារីខារ៉ាអូខេបណ្ដាលអោយរយះក្បាលដេរច្រើនថ្នេរកាលពីវេលាម៉ោងប្រហែល00:30នាទីយប់រំលងអាធ្រាត្រឈានចូលថ្ងៃទី៤ខែតុលាឆ្នាំ២០១៦ត្រង់ចំណុចហាងខារ៉ាអូខេឌឹឃ្វីនស៍ស្ថិតក្នុងសង្កាត់ទឹកថ្លា ខណ្ឌសែនសុខ ។

នារីរងគ្រោះបានអោយដឹងថារូបគេមានឈ្មោះរ៉ូ រដ្ឋាអាយុ២៨ឆ្នាំមុខរបរ ធ្វើការក្នុងហាងខារាអូខេ( ម្ចាស់បន្ទប់) ស្នាក់នៅផ្លូវលំ ភូមិស្លែងរលើង សង្កាត់ទឹកថ្លា ខណ្ឌសែនសុខ។ មុនពេលកើតហេតុមានភ្ញៀវជាជនជាតិចិនចំនួនប្រាំនាក់សុទ្ធតែជាបុរសបាននាំគ្នាមកច្រៀងកំសាន្តនៅក្នុងហាងខាងលើហើយពេលនោះពួកគេបានហៅស្រាបៀអង្គដបមកផឹកជាច្រើនដប ។ស្របពេលជាមួយគ្នានោះដែរ។ជនបង្កក៍ដូចជាមិត្តភក្ដិរបស់គេបានហៅនារីមកអង្គុយជាមួយគ្រប់គ្នា។តែសំរាប់តែជនបង្កមិនបានពេញចិត្តជាមួយនារីដែលគេហៅមកនោះក្រោយមកគេបានហៅនារីដែលជាម្ចាស់បន្ទប់ហើយក៍ជាជនរងគ្រោះមកអង្គុយជាមួយគាត់រហូតដល់ម៉ោងកើតហេតុ។

ជាតិស្រាចូលក្នុងខ្លួនគាត់ច្រើនបណ្ដាលអោយស្រវឹងហើយធ្វើអោយគាត់លេងជ្រុលដៃហើយបណ្ដាលអោយនារីដែលជាជនរងគ្រោះខាងលើនោះឈឺទ្រាំមិនបានទើបបណ្ដាលអោយនារីរងគ្រោះខាំដៃជនបង្ក។ជនបង្កទ្រាំមិនបានក៍បានយកកែវស្រាមកវៃក្បាលនារីរងគ្រោះបណ្ដាលអោយហូរឈាមស្រោចពេញខ្លួន។ភ្លាមនោះសន្តិសុខហាងខាងលើបានចូលមកឃាត់ជនបង្កប្រគល់អោយសមត្ថកិច្ចយកទៅសាកសួរនៅប៉ុស្ដិ៍នគរបាលរដ្ឋាបាលទឹកថ្លា។ ចំណែកនារីរងគ្រោះវិញត្រូវបានបញ្ជូនយកទៅកាន់គ្លីនិកឯកជនដែលនៅជិតកន្លែងកើតហេតុដើម្បីព្យាបាលបើតាមនគរបាលបានអោយដឹងថាជនបង្កខាងលើមានឈ្មោះ ឈាង ចុងម៉ី អាយុ៤៥ឆ្នាំ មុខរបរបុគ្គលិកក្រុមហ៊ុនកាត់ដេរជនជាតិចិនដីគោកស្នាក់នៅក្នុងរោងចក្រតាមបណ្ដោយផ្លូវជាតិលេខ២ខេត្តតាកែវ ។ក្រោយពេលកើតហេតុជនបង្កត្រូវបានបញ្ជូនខ្លួនយកទៅកាន់អធិការដ្ឋានខណ្ឌសែនសុខរងចាំចាត់ការតាមនីតិវិធី ។                                    

• ជនជាតិចិន
• ឃាត់ខ្លួន
• ហិង្សា
• អង្គុយ