រាជធានីភ្នំពេញ៖  បុរសអ្នករត់ម៉ូតូឌុបម្នាក់ត្រូវបានជនមិនស្គាល់មុខធ្វើសកម្មភាពយកខ្សែគោចងមាត់និងរឹតកព្រមទាំងយកដែកចុងស្រួចចាក់ ដោតជាប់នៅថ្គាមខាងឆ្វេង បណ្ដាលឲ្យស្លាប់បាត់បង់ជីវិតហើយត្រូវបាន អ្នកដាក់មងប្រទះឃើញសាកសពនៅក្នុងប្រឡាយទឹកស្អុយមួយកន្លែងតាមបណ្ដោយផ្លូវ៣០ម៉ែត្រ ស្ថិតក្នុងភូមិព្រៃទីទុយ សង្កាត់ព្រៃស ខណ្ឌដង្កោ រាជធានីភ្នំពេញ។

ហេតុការណ៍ភ្ញាក់ផ្អើលខាងលើនោះបានកើតឡើងកាលពីវេលាម៉ោង៥និង៣០នាទី ព្រឹកថ្ងៃទី៣ ខែតុលា ឆ្នាំ២០១៦ នៅក្នុងទឹប្រឡាយមួយកន្លែង ស្ថិតក្នុងភូមិព្រៃទីទុយ សង្កាត់ព្រៃស ខណ្ឌដង្កោ រាជធានីភ្នំពេញ។

បុរសរងគ្រោះម្នាក់នោះឈ្មោះយឹម ម៉េង អាយុ៤៤ឆ្នាំ មុខរបររត់ម៉ូតូឌុប ស្នាក់នៅក្នុងសង្កាត់ព្រៃស ខណ្ឌដង្កោ ហើយជនរងគ្រោះត្រូវបានឃាតករមិនស្គាល់មុខយកខ្សែចងមាត់និងរឹតក ព្រមទាំងយកដែកចុងស្រួចចាក់ដោតជាប់ថ្គាមខាងឆ្វេង សម្លាប់ទម្លាក់ចូលក្នុងទឹកប្រឡាយខាងលើដែលជំហ៊ានដំបូងនគរបាលសង្ស័យថាជាករណីប្លន់សម្លាប់យកម៉ូតូ។

តាមប្រភពព័ត៌មានបានឲ្យដឹងថានៅមុនពេលមានការភ្ញាក់ផ្អើលមានបុរសម្នាក់បានទៅមើលមងដែលគាត់ដាក់យកត្រីនៅម្ដុំកើតហេតុនោះលុះពេលបានប្រទះឃើញសាកសពបុរសខាងលើគាត់ក៏បានទៅប្រាប់អ្នកភូមិនិងរាយការណ៏ជូនកមកលាំងនគរបាលចុះទៅមើលនិងធ្វើកោសល្យវិច័យហើយបានដឹងថាជនរងគ្រោះស្លាប់ដោយអំពីឃាតកម្មដែលប្រព្រឹត្តឡើងដោយជនមិនស្គាល់មុខដែលសង្ស័យថាជាចោរប្លន់ ដែលបានហៅឲ្យជនរងគ្រោះឌុប ទៅកាន់កន្លែងស្ងាត់នោះ រួចហើយក៏បានចាក់និងរឹតកប្លន់សម្លាប់បែបនេះតែម្ដង។

បន្ទាប់មកសាកសពត្រូវបាននាំយកទៅតម្កល់នៅវត្ត ឫស្សីសាញ់ ស្ថិតក្នុងភូមិប្រការ សង្កាត់ព្រៃស ខណ្ឌដង្កោ រង់ចាំក្រុមគ្រួសារ ទៅទទួលយកទៅធ្វបុណ្យតាមប្រពៃណី៕                        

• ប្រទះឃើញ
• ប្រឡាយទឹក
• សង្ស័យ