បន្ទាយមានជ័យ៖  រថយន្តក្រុងដឹកភ្ញៀវទេសចរណ៍អន្តរជាតិក្រឡាប់ផ្ងើរជើងធ្វើឲ្យភ្ញៀវប្រុសស្រី៧នាក់រងរបួស នៅចំណុចកើតហេតុខាងកើតជញ្ជើងថ្លឹងរថយន្តកូនដំរី ប្រម៉ាន៥០ម៉ែត្រ ករណីនេះបានកើតឡើងនៅរសៀលថ្ងៃទី០៨ខែមេសា២០១៧ វេលាម៉ោង១៤:៣៥នាទីស្ថិតនៅ ភូមិនិមិត្តថ្មី សង្កាត់និមិត្តក្រុងប៉ោយប៉ែតខេត្តបន្ទាយមានជ័យ។

លោកវរសេនីយ៍ត្រី សៅ សារឿន អធិការងទទួលផែនចរាចរណ៍បានអោយដឹងថា មុនពេលកើតហេតុនោះរថយន្តក្រុងដឹកភ្ញៀវទេសច(ក្រុមហ៊ុនរវីរៈប៊ុនថាំ) ពាក់ស្លាកលេខ(ភ្នំពេញ 3C-2562) ពណ៍ក្រហមលាយស  បានដឹកភ្ញៀវទេសចរណ៍អន្តរជាតិពីក្រុងថេបនៃប្រទេសថៃ

ហើយឆ្លងតាមច្រកទ្វារអន្តរជាតិប៉ោយប៉ែតគោលដៅទៅខេត្តសៀបរាម លុះមកដល់ចំនុចកើតហេតុស្រាប់តែមានរថយន្តតូចមួយគ្រឿងមិនស្គាល់អត្ថសញ្ញាណ បានចេញពីផ្លូវលំបានបុកចំកង់រថយន្តក្រុងបណ្តាលឲនយរថយន្តក្រុងក្រឡាប់ផ្ញារជើងបង្ករអោយមានជនជាតិបរទេស៧នាក់ (ស្រី៤នាក់ ប្រុស៣នាក់)រងបួសធ្ងន់នឹងស្រាលផងដែរ។

ចំនែកឯរថយន្តបង្ករបានបើកគេចបាត់ស្រមោលតែម្តងហើយក៏បន្សុកទុកនៅស្លាកលេខ (ភ្នំពេញ 2AB-6895)នៅកន្លែងកើតហេតុ។ក្រោយពេលកើតហេតុកម្លាំងជំនាញនៃអធិការដ្ឋានក្រុងប៉ោយប៉ែត  បានខលហៅរថយន្តសង្គ្រោះបន្ទាន់មកយកអ្នករបួសទៅព្យាបាលនៅមន្ទីរពេទ្យបង្អែកប៉ោយប៉ែត២(ពេទ្យដីថ្មី) ។

ចំណែករថយន្តរងគ្រោះត្រូវបានសមត្ថកិច្ចហៅរថយន្តស្ទូចៗយកទៅរក្សាទុកនៅឯអធិការដ្ឋានក្រុងប៉ោយប៉ែត ឯរថយន្តបង្ករសមត្ថកិច្ចកំពុងធ្វើការស្រាវជ្រាវតាមចាប់ដើម្បីយកមកដោះស្រាយតាមផ្លូវច្បាប់៕                                               

• រថយន្ត
• ភ្ញៀវទេសចរណ៍
• ក្រឡាប់ផ្ងារជើង