![]() |
MENU
|
រាជធានីភ្នំពេញ៖ កញ្ញាហ៊ិន លីដាជាអតីតបេក្ខជនប្រឡើងចម្រៀងលំដាប់ពីភពលោកខេមបូឌានអាយឌលដ៍មានសមត្ថភាពហើយទទួលបានការចាប់អារម្មណ៍ខ្លាំងពីគណៈកម្មាការនិងទស្សនិកជនរហូតជាប់ដល់វគ្គចុងក្រោយTOP3។គេរំពឹងថាលីដានិងបានការជ្រោមជ្រែងពីផលិតកម្មរស្មីហង្សប៉ុន្តែបែរជាមានព័ត៌មានលេចឮថានាងមិនអាចនៅបន្តការងារជាតារាហង្សមាសបាននោះឡើយគ្រាដែលនាងក៍បាត់មុខឈឹងពីវេទិកាប្រគំតន្ត្រីរបស់ទូរទស្សន៍ហង្សមាសទៀតនោះ។
កញ្ញាហ៊ិន លីដាហក់មិនបានបង្ហាញវត្តមានជាច្រើនក្នុងកម្មវិធីដ៍ល្អៗរបស់ស្ថានីយ៍ទូរទស្សន៍ហង្សមាសដែលមានការចែកកម្មវិធីប្រគំតន្ត្រីខ្នាតធំច្រើនរកតារាលេចធ្លោរបស់ខ្លួនចេញមុខសម្តែងស្ទើរតែចាំមិនអស់គ្រាដែលមានផលិតផលក្រុមហ៊ុននីមួយៗបុកចូលសុំសហការការងារជាមួយ។ដូចនេះហើយមានតារាហង្សមាសទាំងតារាជើងចាស់ល្បីឈ្មោះនិងតារាចំណូលថ្មីដែលកើតចេញពីកម្មវិធីប្រឡងនានាផ្អែមមាត់ទទួលបានលាភសំណាងនិងស្នាដៃល្បីឈ្មោះមិនតិចនោះទេសម្រាប់ឆ្នាំថ្មីនេះ។
ចំណែកលីដាវិញគេរំពឹងថានាងនឹងឆក់ឱកាសបានបង្ហាញស្នាដៃសម្តែងនិងទឹកដមសំឡេងដ៍ក្រអួនក្រអៅរបស់នាងស្រូបយកការងារសម្តែងចែកជូនមហាជនម្តងទៀតក្រោយប្រឹងជំនះតស៊ូយ៉ាងលំបាកក្នុងកម្មវិធីប្រឡងចម្រៀងលំដាប់ពិភពលោកខេមបូឌានអាយឌលរដូវកាលទី២ប្រចាំស្ថានីយ៍ទូរទស្សន៍ហង្សមាស។ផ្ទុយទៅវិញនាងហាក់មិនបានបង្ហាញវត្តមានជាច្រើនកម្មវិធីខ្លឹមៗសម្រាប់ឱកាសប្រគំតន្ត្រីខ្នាតធំដែលផ្អើលមានមនុស្សតាមខេត្តក្រុងជាច្រើនទៅទស្សនារបស់ហង្សមាសបង្កការងឿងឆ្ងល់ពីមានមូលហេតុអ្វីមិនមានវត្តមានតារាចម្រៀងហ៊ិនលីដាដែលជាតារាមានសំឡេងល្អមានអ្នកគាំទ្របោះឆ្នោតឲ្យជាប់រហូតលេចធ្លោដូចគេឯងដែរនោះបាត់មុខ។
តាមប្រភពនានាបានលើកឡើងថាកញ្ញាហ៊ិន លីដាទំនងនាងមិនអាចបន្តការងារនៅហង្សមាសបាននោះទេដោយនាងស្រួលមិនស្រួលអាចលាឈប់ដោយមានភារៈការងារផ្ទាល់ខ្លួនមិនអាចបន្តការងារបន្តមានឈ្មោះនៅហង្សមាសបាន។មានការលើកឡើងថានាងក៍មានអារម្មណ៍អាក់អន់ស្រពន់ចិត្តជាមួយហង្សមាសដែលលើកតារាថ្មីៗមិនមានសភាពស្មើគ្នាទុកម្ខាងៗឲ្យដួលទើបនាងសម្រេចចិត្តដើរចេញតែម្តង។ប្រការហេតុផលផ្សេងទៀតបានលើកឡើងថាលីដាអាចត្រូវម្តាយឪពុកឲ្យនាងផ្អាកការងារជាច្រើនក្នុងការច្រៀងដោយបន្សល់នូវតួនាទីជាអ្នកចម្រៀងតិចតួចព្រោះមួយរយៈនៃការប្រឡងចម្រៀងនិងការងារដើរច្រៀងតាមភោជនីយដ្ឋានរបស់នាងមមាញឹកចង់ឲ្យនាងសម្រាកគ្រាដែលនាងនៅក្មេងខ្លាចបាក់កម្លាំងដួលទើបងាកមកវិស្សមកាលដោយខ្លួនឯងឲ្យបានច្រើន។រីឯមតិមួយចំនួនទៀតបានលើកឡើងថាលីដាអាចនឹងផ្អាកវត្តមាននៅក្នុងស្រុកនឹងត្រៀមចេញទៅបន្តការងារផ្នែកការសិក្សារៀនសូត្រនៅក្រៅប្រទេសគ្រាដែលបងប្អូនឪពុកម្តាយនាងកំពុងរៀបចំឯកសារនាំនាងទៅរៀននៅបរទេសឬស្រួលមិនស្រួលអាចឲ្យនាងរស់នៅឯនាយសមុទ្រក៍ថាបាន។អ៊ីចឹងហើយទើបវិថីសិល្បៈត្រូវសាច់ញាតិចង់កាត់បន្ថយខ្លះត្រៀមខ្លួនទៅរៀនយកចំណេះជំនាញហើយកាលណាចាស់ទុំគំនិតនិងបានរៀនខ្ពស់សិល្បៈក៍នៅឲ្យបន្តទៀតមិនចោលឡើយ។
យ៉ាងណាមិញនេះជាព័ត៌មានដែលទទួលបានខ្លះៗប៉ុណ្ណោះដោយយើងមិនទាន់ហ៊ានអះអាងបែបណានៅឡើយនោះទេគ្រាដែលទិន្នន័យពេញលេញរបស់សាមីខ្លួនកញ្ញាហ៊ិនលីដាមិនទាន់បានទាក់ទងសុំឆ្លើយបកស្រាយលម្អិត។ចំណែកហាងក្រុមហ៊ុនទូរទស្សន៍ហង្សមាសក៍មិនទាន់មានការសុំបំភ្លឺជុំវិញការបាត់វត្តមានតារាចម្រៀងថ្មីដែលប្រសូត្រចេញពីទស្សនិកជនហ៊ិន លីដាល្បីលាឈប់នៅហង្សមាសដែលជាទីកន្លែងមានតារាជាច្រើនចង់សហការច្រៀងនៅជាមួយ។