រាជធានីភ្នំពេញ៖ រថយន្តកាមរីបាឡែន នឹង រថយន្តឡង់គ្រ៊ីស័រ បុកគ្នាយ៉ាងពេញទំហឹងនៅចំណុចផ្លូវបែកជាបួនដោយសារតែរថយន្តទាំង២ បើកលឿនដូចគ្នា ខណៈមកដល់ផ្លូវបែកជាបួន វ៉ាក់អើរជាន់ហ្រ្វាំងមិនទាន់ ក៏បុកបុកគ្នាពេញទំហឹងតែសំណាងល្អមិនបង្កគ្រោះថ្នាក់ដល់នរណាម្នាក់ឡើយ។

ហេតុការណ៍នេះបង្កអោយមានការភ្ញាក់ផ្អើលនៅវេលាម៉ោង ០២នឹង១០នាទី កណ្ដាលអាធ្រាត្រ ថ្ងៃទី ២២ ខែមិនា ឆ្នាំ២០១៧ តាមបណ្ដោយផ្លូវ ១៦៣ កែងនឹងផ្លូវ ៤៣២ ស្ថិតក្នុងសង្កាត់ ទួលទំពូង២ ខណ្ឌចំការមន រាជធានីភ្នំពេញ។

យោងតាមប្រភពព័ត៌មានពីប្រជាពលរដ្ឋដែលនៅកន្លែងកេីតហេតុបានអោយដឹងថា មុនពេលកើតហេតុគេបានឃើញ រថយន្តមួយគ្រឿងម៉ាក កាមរីបាឡែន ពណ៍ស្ករ ពាក់ស្លាកលេខ ភ្នំពេញ2AD-4870បេីកបរដោយបុរសម្នាក់ ក្នុងទិសដៅពីជេីងទៅត្បូង តាមបណ្ដោយផ្លូវ ១៦៣ ខណៈមកដល់ចំណុចកេីតហេតុ ផ្លូវបែកជាបួន វ៉ាក់អើរជាន់ហ្រ្វាំងមិនទាន់ ក៏បុកចំពាក់កណ្ដាលរថយន្ត ឡង់គ្រ៊ីស័រ ពណ៍ខ្មៅ ពាក់ស្លាកលេខ ភ្នំពេញ2Y-5168 យ៉ាងពេញទំហឹង ដែលធ្វេីដំណេីរក្នុងទិសដៅពីកេីតទៅលិច តាមបណ្ដោយ ៤៣២ បណ្ដាលអោយរថយន្ត ឡង់គ្រ៊ីស័រ រងការខូចខាតទ្វាទាំង២ ផ្នែកខាងស្ដាំ ចំណែករថយន្ត កាមរីបាឡែន រងការខូចខាតផ្នែកខាងមុខទាំងស្រុង។ ក្រោយពេលកើតហេតុភាគីទាំងសងខាង បានដោះស្រាយគ្នានៅនឹងកន្លែងកើតហេតុដើម្បីបញ្ចប់រឿងរៀងៗខ្លួន៕

• រថយន្ត
• ភ្ញាក់ផ្អើល
• បុកគ្នា