រាជធានីភ្នំពេញ៖  យុវជនម្នាក់ត្រូវបានកម្លាំងនគរបាលប៉ុស្តិ៍រដ្ឋបាលនគរបាលស្ទឹងមានជ័យធ្វើការឃាត់ខ្លួនបាននៅចំណុចផ្លូវលំ ក្នុងភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ កាលពីវេលាយប់ថ្ងៃទី០៥ ខែមិនា ឆ្នាំ២០១៧ ពាក់ព័ន្ធការជួញដូរនូវសារធាតុញៀនខុសច្បាប់ ។ ជនសង្ស័យមានឈ្មោះ ហេង ចាន់ ភេទប្រុស អាយុ១៨ឆ្នាំ មុខរបរនៅផ្ទះ ស្នាក់នៅភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ ។

លោកអនុសេនីយ៍ទោ ឯម ភារី នាយប៉ុស្តិ៍ស្តីទីនគរបាលស្ទឹងមានជ័យអោយដឹងថា ក្រោយទទួលបានដំណឹងពីកិញសម្ងាត់រាយយការណ៍ថា មានការជួញដូរថ្នាំញៀននៅចំណុចខាងលើរួចមកកម្លាំងនគរបាល ដឹកនាំដោយលោកផ្ទាល់បានចុះទៅឃាត់ខ្លួនជនសង្ស័យទាំងយប់នៅចំណុចឃាត់ខ្លួន។ ក្នុងការឃាត់ខ្លួនសមត្ថកិច្ចដកហូតបានថ្នាំញៀនក្រាមសថ្លា ហៅម៉ាទឹកកក៤កញ្ចប់តូចនិង ទូរស័ព្ទដៃសុំាសុង១គ្រឿង ។

បច្ចុប្បន្នជនសង្ស័យនិងវត្ថុតាង ត្រូវឃុំខ្លួនបណ្តោះអាសន្ននៅប៉ុស្តិ៍រដ្ឋបាលនគរបាលរងចាំកសាងសំណុំរឿងបញ្ចូនទៅតុលាការចាត់ការតាមនីតិវិធីច្បាប់៕ លីហេង                     

• ឃាត់ខ្លួន
• ថ្នាំញៀន
• ស្ទឹងមានជ័យ