ដោយយល់ថាទិវានៃក្តីស្រឡាញ់១៤ កុម្ភៈ ជាថ្ងៃពិសេសនៃមនុស្សជាតិនាសាកលលោក តារាសម្តែងវ័យក្មេងគង់ច័ន្ទស្រីមុំ និងស្វាមី បានរៀបចំពិធីសម្ពោធផលិតផលថែរក្សាសម្រស់ក្នុងលក្ខណៈធំដុំ ក្រោមការចូលរួមពីសំណាក់តារាចម្រៀងល្បីៗវ័យក្មេង ព្រមទាំងភ្ញៀវកិត្តយសច្រើនរូបជាមួយការចំណាយទឹកប្រាក់ក្នុងពិធីក៍ច្រើនគួរសម។ អ្នកនាងគង់ ច័ន្ទស្រីមុំ និងស្វាមីលោកគឹម សីហាកាន់តែបង្ហាញសភាពជោគជ័យទ្វេឡើងៗ ក្នុងមុខរបររកស៊ីដោយទទួលបានផ្លែផ្កាគួរជាទីកត់សម្គាល់ ដោយមុខជំនួញរបស់អ្នកទាំងពីររួមគ្នាកសាងភាគច្រើនរីកដុះដាលយ៉ាងគាប់ចិត្ត ដែលនេះពិតជាគូព្រេងមានសំណាងចាប់គូរកស៊ីក្នុងនាមជាប្តីប្រពន្ឋរួមរស់ជាមួយគ្នាកាន់តែចម្រុងចម្រើនឡើងរហូត។

ថ្លែងក្នុងពិធីសម្ពោធផលិតផលម៉ាក MOMO BYSEYMOOM នាថ្ងៃទី១៤ កុម្ភៈ ឆ្នាំ២០១៧ ប៉ះថ្ងៃទិវានៃក្តីស្រឡាញ់គង់ ច័ន្ទស្រីមុំនិយាយថានាងរំភើបបំផុតអត់ដែលគិតថា អតិថិជនរបស់ MOMO មកជួបជុំគ្នានៅថ្ងៃសម្ពោធជាផ្លូវការច្រើនបែបនេះឡើយ។ ថ្ងៃនេះនាង និងស្វាមីសូមអរគុណចំពោះបងប្អូនទាំងអស់ ដែលគាំទ្រផលិតផល MOMO កន្លងមក។ MOMO ជាផលិតផលមួយ ដែលបង្កើតឡើងកាលពី ឆ្នាំ២០១៤ ដោយយើងលក់នៅតាមប្រព័ន្ឋអនឡាយមិនទាន់ចុះបញ្ជីត្រឹមត្រូវ ទើបយើងបានរៀបចំកិច្ចការមួយចំនួននូវការផ្សព្វផ្សាយ ដើម្បីទាញយកចំណាប់អារម្មណ៍។ អ្នកជំនួញវ័យក្មេងល្បីឈ្មោះសិល្បៈទៀតនេះបានបន្តថាដោយសារតែមានការពេញចិត្តពីបងប្អូននិងស្វាមីនាងក៍បានក្លាយជាអ្នកតំណាងផលិតផលMOMOនេះ។ផលិតផលរបស់យើងមានច្រើនប្រភេទចំពោះអតិថិជនមានម្ស៉ៅផាត់មុខក្រេមលាបមាត់ម្ស៉ៅលាបលើដងខ្លួនឡេលាបលើផ្ទៃមុខសម្រាប់ឲ្យផ្ទៃមុខស្អាតព្រមជាមួយផលិតផលជាច្រើនទៀតស្របពេលដែលយើងក៍ទទួលបានលិខិតអនុញ្ញាស្របច្បាប់ផងដែរ។ផលិតផលនេះបានផលិតឡើងនៅប្រទេសជប៉ុនគ្រឿងផ្សំទាំងអស់នេះចេញពីវត្ថុធាតុដើមមានសារៈសំខាន់ទាំងអស់ដើម្បីឲ្យផលិតផលយើងមានគុណភាពល្អនិងមានការពេញនិយមសម្រាប់អតិថិជន។ អ្នកនាងនិយាយទៀតថាមុខជំនួញទាំងអស់នេះយើងក៍គ្រោងងពង្រីកឲ្យកាន់តែធំឡើងៗដើម្បីចង់ឲ្យប្រជាជនយើងគាត់ស្រស់ស្អាតទាំងអស់គ្នាព្រោះសម្រស់ក៍ជាកត្តាសំខាន់ណាស់បើពឹងលើធម្មជាតិទាំងស្រុងក៍មិនល្អពេកដែរសម័យនេះយើងមានតែប៉ះប៉ូវជាមួយម្ស៉ៅក្រេមទើបល្អ។ក្រៅពីបានទស្សនាការសម្ពោធផលិតផលយើងក៍មានតារាចម្រៀងល្បីៗចូលរួមញាំងកម្មវិធីឲ្យល្អបន្តទៀតដូចជាកញ្ញាឈិត សុវណ្ណបញ្ញា កញ្ញាប៉ាច គីមមួយ កញ្ញាកែវ សុបញ្ញា ព្រមទាំងមានលេងហ្គេមកម្សាន្តការចាប់រង្វាន់ផ្សេងៗដោយរង្វាន់ធំអាយហ្វូនសេវិនមួយគ្រៀងផងដែរ។ចំពោះសិល្បៈនាងនៅតែមិនអាចបោះបង់ចោលនោះទេនៅតែប្រឡូកដូចតែពីមុនបើទោះជានាងរវល់ការងាររកស៊ីក៍ដោយក័នៅតែសម្តែងគ្រានាងក៍តស៊ូខ្លាំងក្នុងវិស័យសិល្បៈទំរាំមានគេស្គាល់។

• គង់ ច័ន្ទស្រីមុំ
• សម្ពោធជំនួញថ្មី
• ក្តីស្រឡាញ់