ក្រុមជួយសង្គ្រោះបានរកឃើញសាកសព​៣៦នាក់ ក្នុងហេតុការធ្លាក់យន្តហោះរបស់ក្រុមហ៊ុនអាកាសចរណ៍អន្តរជាតិ​ប៉ាគិស្ថាន​PIA ។

សារព័ត៌មាន​Dunya របស់ប៉ាគីស្ថានបានផ្សាយថា យន្តហោះ ATR-42​មានលេខហោះហើរ​PK-661 បានជួបគ្រោះថ្នាក់ពេលហោះហើរ​ចេញពី ទីក្រុង​ Chitral ឆ្ពោះទៅកាន់ទី្រក្រុង អិស្លាមម៉ាបាត ។​យន្តហោះខាងលើបានធ្លាក់នៅក្នុងភូមិ​ Saddha Batolini ក្នុងស្រុក​ Abbottabad ខេត្ត​Khyber Pakhtunkhwa  កាលពីថ្ងៃទី​៧ខែធ្នូ។

នៅពេលជួបគ្រោះថ្នាក់យន្តហោះខាងលើដឹកអ្នកដំណើរ​៤៨នាក់ ក្នុងនោះមានក្រុមពហុនិកា​៥នាក់វិស្វះករម្នាក់។ កម្លាំងជួយសង្គ្រោះបានឲ្យដឹងថា ក្រោយហេតុការគ្រោះថ្នាក់​ពួកគត់រកឃើញសាកសព​៣៦នាក់ ប៉ុន្តែមិនទាន់ស្គល់អត្តសញ្ញាណនៅឡើយទេ។

សារព័ត៌មាន​AFP បានដកស្រងសម្តីលោក​ Sardar Aurangzeb Nalota មន្ត្រីក្នុងតំបន់បានឲ្យដឹងថា​យន្តហោះធ្លាក់ផ្ទុះឆេះ​បែកជាច្រើនបំណែក ទើបគ្មានអ្នកនៅរស់។ បំណែកយន្តហោះខ្ទាត់នៅពាសពេញជើងភ្នុំ។

សារព័ត៌មានរ៉យទ័របានផ្សាយថា ក្នុងចំណោមជនរង្គ្រោះមានទាំងតារាចម្រៀង ប៉ប​ដ៏ល្បីរបស់ប៉ាគីស្ថានគឺ Junaid Jamshed ។

យន្តហោះដែលជួបគ្រោះថ្នាក់ខាងលើបានហោះហើររយៈពេល​១០ឆ្នាំមកហើយ​ ហើយក៏ធ្លាប់ជួបបញ្ហាបច្ចេកទេស កាលពីឆ្នាំ​២០០៩ផងដែរ។ នៅក្នុងសេចក្តីប្រកាសមួយ នាយករដ្ឋមន្ត្រីប៉ាគិស្ថានលោក​ណាវ៉ាស សារីហ្វ បានបញ្ចាក់ថា «ពលរដ្ឋនៅក្នុងប្រទេសទាំងមូលមានការតក់ស្លត់យ៉ាងខ្លាំង ចំពោះហេតុការគ្រោះថ្នាក់ខាងលើ។ ខ្ញុំសូមរំលែកទុកដល់គ្រួរសាជនរង្គ្រោះ ផងដែរ»។

នៅពេលនេះក្រុមអ្នកឯកទេសមិនទាន់អាចសន្និដ្ឋានបានថា បណ្តាលមកពីមូលហេតុអ្វីឡើង ។ តាមការសន្និដ្ឋាជាប ឋមអាចបណ្តាលមកពីអាកាសធាតុ​ ទើបបណ្តាលឲ្យបុកភ្នុំផ្ទះឆេះបែបនេះ។

នេះជាករណីធ្លាក់យន្តហោះ​ទីពីរហើយនៅចុងឆ្នាំ​២០១៦។ កន្លងមកមានការធ្លាក់យន្តហោះនៅប្រទេសកូឡំបី ពេលដឹកកីឡាករប្រេស៊ីលទៅប្រគួតបាត់ទាត់ ធ្វើឲ្យកីឡាករ​១៩នាក់ស្លាប់ និងអ្នកជំនួយការ អ្នកដំណើរសុប ៧៦នាក់ ស្លាប់ ។ ប៉ុន្តែករណីគ្រោះថ្នាក់នោះនៅមានអ្នកនៅរស់ ដោយសារតែយន្តហោះអស់សាំងទើបមិនបណ្តាលឲ្យផ្ទុះខ្លាំង៕

• សាកសព
• ធ្លាក់យន្តហោះ
• ប៉ាគីស្ថាន