រាជធានីភ្នំពេញ៖  កម្លាំងនគរបាលខណ្ឌជ្រោយចង្វារនិងកម្លាំងនគរបាលប៉ុស្ដិ៍ជ្រោយចង្វារឃាត់ខ្លួនជនសង្ស័យប្រើប្រាស់ថ្នាំញៀនបាននាក់៦ ដកហូតបានថ្នាំញៀន៤កញ្ចប់និងម៉ូតូ៣គ្រឿង  កាលពីវេលាម៉ោង៤និង០០នាទីទាបភ្លឺថ្ងៃទី២ ៣ខែវិច្ឆិកាឆ្នាំ២០១៦ នៅតាមបណ្ដោយផ្លូវជាតិលេខ៦ត្រង់ចំណុចផ្ទះគ្មានលេខ ស្ថិតក្នុងភូមិគៀនឃ្លាំសង្កាត់ជ្រោយចង្វារ ខណ្ឌជ្រោយចង្វារ ។

នគរបាលខណ្ឌជ្រោយចង្វាបានឲ្យដឹងថាជនសង្ស័យទាំង៦នាក់១ .សាម៉ុនកក្កដាអាយុ២៣ឆ្នាំមានមុខមិនពិតប្រាកដ។២.ឃឹមចាន់វាសនា ភេទប្រុសអាយុ២៥ឆ្នាំមានមុខរបរមិនពិតប្រាកដអ្នកទាំង២នាក់មានទីលំនៅភូមិបាក់ខែងលើ សង្កាតបាក់ខែងខណ្ឌជ្រោយចង្វារ។៣. ផុនណូរ៉ា  ភេទប្រុសអាយុ២៦ឆ្នាំមានមុខរបរកសិករ ។

៤ ឈ្មោះ ជីម  វិស្សុត ភេទប្រុសអាយុ២៦ឆ្នាំមានមុខរបរកសិករអ្នកទាំង២នាក់មានទីលំនៅភូមិខ្សោតឃុំពពីសស្រុកប្រៃវែងខេត្តព្រៃវែង។៥.ឈ្មោះ វ៉ាន់សុវេតភេទប្រុសអាយុ១៧ឆ្នាំមានមុខរបរកម្មករោចក្រទឹកកក។៦.និត  មាន ភេទប្រុសអាយុ២៣ឆ្នាំមានមុខរបរកម្មកររោងចក្រទឹកកកអ្នកទាំង២នាក់មានទីលំនៅភូមិក្រសាំងឃុំកជ្រើងស្រុកត្បូងឃ្មុំខេត្តត្បូងឃ្មុំ ។

សមត្ថកិច្ចបានឲ្យដឹងថា នៅយប់ថ្ងៃទី២២ខែវិច្ឆកា កម្លាំងសមត្ថកិច្ចយើងបានធ្វើការជិះល្បាតនៅក្នុងមូលដ្ឋាន ដើម្បីការពារសុវត្ថិភាពជូនបងប្អូនប្រជាពលរដ្ឋ ខណៈពេលដែលកំពុងជិះល្បាត ស្រាប់តែបានប្រទះឃើញជនសង្ស័យ៦នាក់ ជិះម៉ូតូ៣គ្រឿង១ម៉ាកហុងដាឌ្រីមសេ១២៥សេរីឆ្នាំ២០១១   ពណ៌ខ្មៅពាក់ស្លាកលេខសៀមរាប1J-9923   ២ ម៉ាកហុងដាឌ្រីមសេ១២៥ពណ៌ខ្មៅសេរីឆ្នាំ២០១១ពាក់ស្លាកលេខព្រៃវែង1D-6552 ៣ម៉ាកគុបជ្រុងពណ៌ទឹកប៊ិចសេ៥០ពាក់ស្លាកលេខភ្នំពេញ1R-0658 គួរឱ្យសង្ស័យក៏ឃាត់សួរនាំនិងឆែកឆេររកឃើញថ្នាំញៀនចំនួន៤កញ្ចប់តូច ។

បើតាមការឆ្លើយសារភាពរបស់ជនសង្ស័យខាងលើបានឲ្យដឹងថា ពួកគេបាននាំគ្នាទៅទិញថ្នាំញៀននោះនៅម្តុំរោងចក្រឆ្នាំង ដែលស្ថិតនៅក្នុងសង្កាត់បឹងកក់ទី២ខណ្ឌទួលគោក ដោយពួកគេទៅទិញក្នុងតម្លៃ ១កញ្ចប់ ២មឺនរៀល ៤កញ្ចប់៨០០០០ម៉ឺនរៀលមកប្រើប្រាស់។បច្ចុប្បន្នជនសង្ស័យទាំង៦នាក់ រួមជាមួយវត្ថុតាងត្រូវបញ្ជូនទៅសាកសួរ នៅអធិការដ្ឋាននគរបាលខណ្ឌជ្រោយចង្វារ ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់៕                                 

• សមត្ថកិច្ច
• ថ្នាំញៀន
• ម៉ូតូ