រាជធានីភ្នំពេញ៖   ជនសង្ស័យប្រើប្រាស់ថ្នាំញៀន ៦នាក់ រួមជាមួយនឹងថ្នាំញៀន៥កញ្ចប់និងម៉ូតូ៣គ្រឿង ត្រូវកម្លាំងនគរបាលខណ្ឌជ្រោយចង្វារ ធ្វើការល្បាតនឹងឃាត់ខ្លួនបានជាបន្តបន្ទាប់  កាលពីវេលាម៉ោង ១និង០០នាទីយប់រំលងអាធ្រាតឈានចូល ថ្ងៃទី១០ ខែតុលា ឆ្នាំ២០១៦ នៅចំណុចផ្លូវជាតិលេខ៦ ភូមិព្រែកលៀប  សង្កាត់ព្រែកលៀប  ខណ្ឌជ្រោយចង្វារ  ។

ជនសង្ស័យដែលត្រូវឃាត់ខ្លួននោះ  ១-ឈន សុណ្ណារិទ្ធភេទប្រុស អាយុ២១ឆ្នាំ មុខរបរកាប់ជ្រូក ២-ឈ្មោះ អុន ប៉ារីភេទប្រុស អាយុ២២ឆ្នាំ មុខរបរកម្មកររោងចក្រ ៣-ឈ្មោះ ស្រៀន លុច្យ ភេទប្រុសអាយុ២១ឆ្នាំ។៤-ឈ្មោះ ផា ឡា ភេទប្រុសអាយុ២៤ឆ្នាំ មុខរបរជាងផ្សារដែក ជនសង្ស័យទាំង៤នាក់ ស្នាក់នៅភូមិរលាក់ ឃុំអំពិល ស្រុកកំពង់សៀម ខេត្តកំពង់ចាម ៥-ឈ្មោះ លឹម អេងភេទប្រុស អាយុ២៥ឆ្នាំ ៦-ឈ្មោះ លឹម សុខអូនភេទប្រុស អាយុ២២ឆ្នាំ ជនសង្ស័យទាំង២នាក់ មានមុខរបរជាកម្មករសំណង់ ស្នាក់នៅភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ។

សមត្ថកិច្ចបានប្រាប់ឲ្យដឹងថា នៅយប់ថ្ងៃទី១០ខែតុលា ឆ្នាំ២០១៦ កម្លាំងសមត្ថកិច្ចយើងបានធ្វើការជិះល្បាតនៅក្នុងមូលដ្ឋាន ដើម្បីការពារសុវត្ថិភាពជូនបងប្អូនប្រជាពលរដ្ឋ ខណៈពេលដែលកំពុងជិះល្បាត ស្រាប់តែបានប្រទះឃើញជនសង្ស័យ៦នាក់ ជិះម៉ូតូ៣គ្រឿង១ម៉ាកហុងដាឌ្រីមសង់ សេ១២៥ ស៊េរី២០១២ពណ៌ខ្មៅ ពាក់ស្លាកលេខភ្នំពេញ 1BK-3112  ២ម៉ាកហុងដាឌ្រីមសង់សេរីឆ្នាំ២០១៤ពណ៍ខ្មៅពាក់ស្លាកលេខ កំពង់ចាម 1L-4491 ៣ ម៉ាកស្មាសរ៉េវ៉ូពណ៍ខ្មៅសេរីឆ្នាំ២០០៨ពាក់ស្លាកលេខភ្នំពេញ 1A-7865។ភ្លាមៗនោះកម្លាំងសមត្ថកិច្ចយើងបានធ្វើការឃាត់សួរនាំនិងបានឆែកឆេររកឃើញនៅម្សៅក្រាមពណ៌(ស)ថ្លាចំនួន ៥កញ្ចប់ ជាប្រភេទ ម៉ាទឹកកក ហើយសមត្ថកិច្ចយើងបាននាំយកមកសាកសួរនៅអធិការដ្ឋាន។

បើតាមការឆ្លើយសារភាពរបស់ជនសង្ស័យខាងលើបានឲ្យដឹងថា ពួកគេបាននាំគ្នាទៅទិញថ្នាំញៀននោះនៅម្តំុរោងចក្រឆ្នាំង ដែលស្ថិតនៅក្នុងសង្កាត់បឹងកក់ទី២ ខណ្ឌទួលគោក ដោយពួកគេទៅទិញក្នុងតម្លៃ ១កញ្ចប់ ២០០០០រៀល ៥ កញ្ចប់១០ម៉ឺនរៀល  មកប្រើប្រាស់។

បច្ចុប្បន្នជនសង្ស័យទាំង ៦នាក់ខាងលើ រួមនឹងវត្ថុតាង ត្រូវសមត្ថកិច្ចឃុំខ្លួនជាបណ្តោះអាសន្ននៅអធិការដ្ឋាននគរបាលខណ្ឌជ្រោយចង្វារ ដើម្បីកសាងសំណុំរឿង បញ្ជូនទៅកាន់តុលាការចាត់ការតាមនីតិវិធីច្បាប់៕                        

• ឃាត់ខ្លួន
• ជនសង្ស័យ
• ថ្នាំញៀន